[poem=font="Simplified Arabic,7,blue,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
هم(ن) بوسط القلب نشف بدمي=إلين قل وصار عندي فقر دم
أصد عن همي ويزداد همي=ومهما اتجاهل زاد هم(ن) ورا هم
كن الزمن من قوته صار سمي=والراس مما جاه كنه تهشم
وليا سلى قلبي توطاه غمي=كني يتيم(ن) ماله أب(ن) ولا أم
لا فادني خالي ولا فاد عمي=وصدور خلق الله بها الرب يعلم
ليه الحكي ياناس واللي ينمي=وأكثر شماته تاصلك من بني العم
ومن كثر ما جاني نشف ريق فمي=وهموم بقعا لا لفت مالها كم
وأنا على كل المراجل ملمي=ومن هو نصاني قلت يامسندي سم
أقضي لزوم القرم لا وصل يمي=من واجب الخوه علينا ويلزم
قبل أنتهي ياناس ولا بتمي=الله يخارجنا من الهم والغم[/poem]

__________________

ليه الحكي ياناس واللـي ينمـي
وأكثر شماته تاصلك من بني العم

جازع صح لسانك

كلام كبير من شاعر كبير

والله يعينك

تقبل تحياتي

__________________

أرحب تراحيب المطر وصح لسانك وعلا شانك

صراحه بغيت آخذ بيت للقصيده ولقيت كلها وافيه من وافي

انت جزل ولا يجي منك الا جزل والله يعينك على الأخرى ياسنايدي

سجلني متابع لكل جديدك

تقبل ودي وتقديري لشخصك الكريم

أبو عساف

ملاحظه سلملي على الرائد على آل جافل أبو نواف

__________________

صح لسانك شاعر وجزل



تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

الله يبقيك يابوعساف وجعلك تسلم وماعليك زود
وأبونواف وافي ولا يعرفه الا وافي مثلك وشرواك ويبلغ سلامك
تقبل تحياتي يابوعساف من القلب

__________________

ولسانك يصح ومشكور على المرور

__________________

أقـضـي لـــزوم الـقــرم لا وصـــل يـمــي
مــــــن واجـــــــب الـــخــــوه عـلــيــنــا ويـــلــــزم

صح لسانك واعتلى شانك ولا هنت على القصيده الجزله ونحن بانتظار جديدك

ومدد ماهو بعدد

بيض الله وجهك القصيدة كفو

أرحب يابن حربوش
ومشكور على المرور
وكل عام وأنت بخير

__________________