قصيدة رائعة لسعيد الفهري في الأمير فيصل بن خالد

[frame="8 80"]

[poem=font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يارافع السبع السماوات الطباق بلا عمد = يا باسط السبع الأراضي بين طينه وحجره
يامنطق عيسى ابن مريم وهو طفل في المهد = حتى نطق بالحق واثبت به عفاف الطاهره
يامستجيب دعوة الداعي ليا منه سجد = بالسبعة الاعضا خشع لك في سبيل المغفره
اسبحك واستغفرك ربي مدد بلا عدد = واعوذ بك من فتنة الدنيا وعذاب الأخره
من بعدها يا هاجسي للموقف الصامل ولد = أما جبرك الموقف الغصاب والا تجبره
دايم معودني تشب النار وتحل العقد = لاجا نهار يكسي الخيال عجه واغبره
بيني وبينك موعد والحر يوفي بالوعد = شعري وتعليمي جهد لمه واعصره
خل الهواجيس الهلاليات حبل من مسد = حتى يجي للشعر في يومه مكانه واثمره
ما دام في الكرسي أسد ولد أسد ولد أسد=حفيد من أسس قواعد مملكتنا العامره
فيصل ولد خالد طويل الشبر سيف لا انجرد = فالسيف وسم العز بنصابه وبطنه وظهره
كان السعاده وجهها معروف هو وجه السعد=وكان الكرم خدمك ياحاتم فيصل مصدره
اذا عطى المحتاج من يمناه مايحتاج أبد=واذا لطم خصمه على خشمه يطيحون اعشره
اذا جلست أحصى مزاياك انتهى كل المدد = واذا بغيت اراجع التاريخ الأول ما كبره
باسم الأهالي و المشايخ والوطن بلد بلد = اللي زياراتك لصالحهم ماهي مستكثره
منك وامير المنطقة خالد بوقفاته خلد = سخر جهوده للبلد من طيب ذات وطوره
حتى زرع فينا الطموح ومن زرع طيب حصد = لين ظهرت صوره حقيقيه ماهي بمكبره
وباسم إدارة مركز الفيض يتقدمهم سعد =يامرحبا بك وعد ما هب الهوى غصن شجره
وأعداد ماتلمع بروق الصيف ويحن الرعد = ويهل وبله لين يكسي الارض عبله وزهره
ياسيدي فيصل نبايعكم وفاء بالعهد = ونصون عهد مايخونه غير تربية مره
يشهد علينا باعث الانسان من جوف اللحد = انا سواعدكم سواة الميمنه للميسره
ولايزعزعنا قليل احسان ودعاية حسد = اللي مجالسهم حديث مفترى و مؤامره
لو نفترش شوك النقيع ونحفي الحزم الجلد = أما وطن بقيادة ال سعود والا المقبره
في ظل ابومتعب ذرا المظيوم عون المجتهد = اللي جهوده في سبيل الله ماهي بمكابره
حمل هموم الأمتين بقوة الجاش وصمد = في وجه من يبغى حقوق المسلمين مصادره
أحرص على شعبه النحال في جمع الشهد = وأثقل على خصمه من الأهرام وسط القاهره
محبته بقلوبنا تبقى على طول الأمد =ماتنقص الا لو نقص من دقن ابوبكر شعره
الله يوفق خادم البيتين والمصحف بعد = من حبه الله في دروب اهل المكارم دبره
والله يوفق نايبه سلطان ولي العهد = اللي كسب مجد السنين الغابره و الزاهره
لو نجمع عيال الحريم بكل ديره ماولد = مثلك يا ابوخالد على مرالسنين العابره
كرم شجاعة صدق وسياسه وبالطيب انفرد = الحلم في وقت الغضب والعفو عند المقدره
من قام حظه قال له سلطان روح واعتمد = كم من يتيم يمسح دموعه وبيته يعمره
ياجعل عينً ماتبي شوفته تبلا بالرمد = ولا عاد ينفع في شرايينه علاج القسطره
واللي بقي من عزوة الاسرة طحاطيح وسند = للطيب في مجلس عيال العود بنه وزعره
طير الهدد ماعقب الا احرار تدمي في الهدد = طير الهدد تدمي مخاليبه ولا طب انحره
اصغرهم اللي باذلً ماله لعون المضطهد = وليا كسر عظم صليب يموت ماحدً جبره
وحنا بعون الله على الشدات روح في جسد = ضد الئيم اللي طعن في الظهر سلة خنجره
ما دام حنا في وطن آمن وفي عيشة رغد = ويقرأ كتاب الله إمام المسلمين بمنبره
واجب علينا نعمل الواجب بعزم ونتحد = وعسى لنا في ماضي الاحداث عبره وخيره
اللي مايحمي موطنه شوري عليه ان يبتعد = لان اليدين العابثه ماتستحق الجوهره
والله خلق الانسان في هم ومشقات وكبد = أحيان همه يظهره وأحيان لا ما يظهره
الله يساعدنا على طاعة الامام المجتهد = وعزالله ان من عاند آل سعود ماشاف سفره

[/poem]

شاعر النظم والمحاورة / سعيد الفهري



وتقبلوا خالص تحياتي

[/frame]

__________________
[frame="8 80"][/frame]

السلام عليكم ورحمة الله وبركاته

الله يعطيك العافيه اخوي محمد محمد وبيض الله وجهك لا انت ولا الشاعر ولا الربع اللي على المنتدى كامل
ولا هي غريبه على الشاعر الكبير سعيد بن علي ال حايمه الفهري


ابن زميع البشري

صح لسان ولد عمي الفهري

وبيض الله وجهه

وبيض الله وجهك يالجربوعي

__________________

تركي الفهري

السلام عليكم ورحمة الله وبركاته :
مشكور اخي العزيز محمد الجربوعي وبيض الله وجهك
وصح لسان الشاعر سعيد بن على الفهري والله يعطيه العافيه .

الجربوعي
ما قصرت

وبيض الله وجه الشاعر سعيد الفهري

صح السان الشاعر الكبير والمعروف سعيد الفهري وان شاء الله نشوفه يكتب معنا

وبيض الله وجهك يا الجربوعي على النقل

بيض الله وجـهـك على النقل الرايع والمميز ووجـه الفهري


صح لسااااااان ابو علي على هـذه القصيده الجزله والرايعه


لا يستغرب الابداع على سعيد فهو من الشعراء المميزين


للجميع فـائق احترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

شكراً لك اخي محمد الجربوعي على هذا المشاركة

وشكرا لشاعرنا المميز والرائع
انا من المتابعين دائما لهذا الشاعر ما يكتب وما يكتب عنه



وكذلك مواضيعك يابوعوض دائما مميزه وشيقه متابعك علي طول

الاخ الغالي /ابن زميع ارحب

لايستغرب الطيب من هله

لا خلا ولا عدم

__________________

اخي محمد لاهنت على النقل



وصح لسان ابوعلي



وللجميع سلامي


عبدالله المهداني

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة