[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
ياللي بتعذيبي وهجري تفننت = مع السلامه روح مع السلامه
قبل امس كنت احب واليوم هونت = عزلت من حب يجيب الملامه
حتى ولوكنت باقول ماكنت = والله مايبقى لك بقلبي علامه
انا رضيت بواقع الحب وامنت = وعرفت في بعض المحبه ندامه
اما ظلمت الغير ولا تهاونت = ولا جرحك اللي تحب بكلامه
لا تحسب الله ماخلق غير انا وانت = الكون واسع والغرام ابتسامه
تراي صادق يوم قررت واعلنت =واللي سواتك ماالتزم في غرامه
من جيت بالدنيا معاند ولا لنت = ولا خير في حب يهين الكرامه
والله ثم والله مااركض ورى بنت = وانا ولد رجل عزيز مقامه
سعد مرزوق الاحبابي
[/poem]