******شوفوا الهوى*******

(( شوفوا الهوى ))

عطيــــــــــــــــــــتك القلب المولع سلامي
ورديت تسليمي بتطنيـــــــــــــش وسيوف

حبك كـــــــــــــــــوى قلبي وكدر منامي
وانته عساك الطيــــــب الا كنك مكسوف

واخر زمن يــــــــــــــازين ترسل محامي
تقول قل له الهوى عيـــــــــــب وزيوف

من عقب مــــــــــــــــــــاوردتني للهيامي
واليوم عينك جعلها تشوف مــــــــاتشوف

اصدق معك صدق ن فريـــــــد ن وسامي
وانته معي عالغدر والكـــــــــذب ملهوف

فيـــــــــاالله عساك اتطيب من حب عامي
ياقلبي اللي مـــــــــــــع شرايينه اشظوف

شظف بكم حب ن مثلـــــــــــــــج وحامي
الــــــين ضعف الحال وهزلت بي اكتوف

فالمخ داخ وداخ مــــــــــــــــــخ العظامي
وغديت كالمجنـــــــــون لا سمع لا شوف

وقلبي خذا عالهــــــــــــم شرق ن وشامي
ولا قيــــــــــــــل للقبله جنوب ن له لفوف

ماهوب فاسق ميـــــــــــــر جاه المضامي
من حب يــــــــــاناس ن يعزر ولا يروف

فياليــــــــــــــــــــــت للحب المنقى مقامي
مقام راقي مـــــــــــــــــاتدوس به اخفوف

اخفــــــــــــــوف جهل ن ماشيه بالغشامي
تجهل معاني الـــــــــــــــوفا علها احتوف

فشوفوا الهوى يانـــــــــــاس ماجا نظامي
ولا فرد اساسي ياعــــــــرب مير ملقوف

ياتي صدفـــــــــــــــــــــه بربيع الغرامي
من عقب يـــاتي صيف والصيف معيوف

وشوفوا الهوى ياناس شووووك وظلامي
ايضا الضماء والضيم هم هم له اضيوف

ويبني على راعيــــــــــــــه بني الخيامي
بالهم يبني بني اليـــــــــــــن انه مايشوف

فبالعقل قبل القلب هــــــــــــاتوا السلامي
ياتيه رد ن طيـــــــــــب ن مايجي خوف

سلام عـــــــــــــــز ن جاذب ن للحمامي
حمام سلم ن ينجذب صووووبـها الجوف

قاله قلبي والـــــــــــــــــوفاء هو حزامي
عقب التجارب والعمـــــر ..كر ..ونتوف

واللي عدى بالشووووووووق يم اللثامي
يم العيوووووون اللي لها القلب مزقوف

نصيـــــــــــــــحتي له والنصايح لزامي
يغض النظر لا يروح للمووت مجرووووف

وسلامتــــــــــــــــــــــــــــــــــــــــــــ ــــــــــــــــكم

جعلني ما اعدمك ا ابو سعد

صح لساااااااااااااانك و بيض الله وجهك

ننتظر جديدك يالغاااااااااااااالي

مشكور والله يعطيك العافيه

__________________

اشكركم على المرور اخي تركي السنحاني وابواحمد القريشي ومروركم على المشاركه وسام شرف على صدري

بس انا مستغرب القصيده امس في مجلس الشعر النبطي ويش اللي جابها في المحاولات الشعريه !!!!!!!!!!!!!!!!!!!!!!!!!!

اتمنى توضيح الاسباب

سلمت وصح لسانك
وبيض الله وجهك

__________________

ان جيتني مرحب وان اقفيت لاباس والله ماودي الى اقفيت تاتي

ابوعلي القحطاني

صح لسانك


شاعر وافي والله



لا هنت يالقرم

__________________

ممكن سوال \\\ ليش هذى القصيده فى المواهب ؟؟؟؟




بيض الله وجهك وما قصرت

صح لسانك وبيض الله وجهك وننتظر المزيد ياأبو سعد

صح لسانك على ذا الابداع واتمنى ان اصل لمستواك

اشكركم جميعا على المرور والله لايهينكم