محاوره شعريه قويه جدا بين (( مطيري و شمري )) والمطيري جحد حق كل القبايل

السلام عليكم ورحمة الله وبركاته

،،
،

هذه قصيدة للشاعر / هايف بن نعيم المطيري :

الــــه العـــرش رب العالميــــن
..........هو الخــلاق والـــرزاق حقــــًا

وحكمــه نافـــذ بالغيب فينــــا
..........ابــداء خـالقي قــدام خلقــه

عسـى الرحمـن للصلــح يهدينـــا
..........انا اســف على بعـــض القبــائل

تعـــد فعولنـــا عكــس علينـــا
..........تقـول الكـذب ما تخشــى المــلامه

وحنـــا للفعــــول امترخينـــــا
..........فعـول الناس ما توخــذ همــايــا

خســـــرتم يارجـــال مهتمينـــا
..........ســــكتنا مـــرة من بعــــد مــــره

طمـع فينــا الـردي يـوم اســــتحينا
..........ولا نــرغـب لتعـــديد الفعــــايـل

ولكنــا علـــى هـــذا بلينـــــا
..........اخبـــركم بفعــل مطيـــر موجــــز

بكلمـــة صادقـه ياســــامعيـــنا
..........قليـــل غالــب مطيـــر العريبــه

على هـــامات الأعــدى قد وطينــــا
..........لنا افعـــال تشــــيّب من عـــرفها

يشـــيّّب الهــا راس الجنينـــــا
..........منـــاخين المـــربع والرضيمـــــه

تذكـــرنا المواقـــع ما نســـــينا
..........الى عـــدّت قبايـــل نجـــد حنــــا

لنـــا التـــاريخ فيها الأولينــــا
..........بها يشــــهد لنا تـــاريخ نجــــد

هـــل التـــاريخ واللي كاتبينــــا
..........منوخـــت الجمـــل للحـــرب حنـــــا

لهذا الفعــل حنـــا الســـابقينـــا
..........الى نـاخ الجمـل ما عــاد يرحـــل

على العــدوان ام كـــانت علينـــا
..........الى شــــال الدويش الحمـــل شــــلنا

زعيــم مطيـــر من ماضــي الســــنينا
..........زعيــم مطيـــر واهـــل للزعــــامه

على مـا يامـر القـايد مشـــينا
..........الى صـــوّت بحمـــران النـــواظـــر

على رهـن الأشـــاره حـاضــــرينـا
..........الى منـــا ركبنــا فــــوق قــــب

لبســـنا الطـاس والــدرع الحصـينا
..........ووجــهنا علـى جمــع المعـــادي

نقـص الـــروس من بيـن اليـدينــا
..........عقيـد القــوم ما يملـك شــعوره

تولــي القــوم منا هـــاربينـا
..........عن الصمّـــان نزحنــا القبـــايـل

اخذنــاها اجبــاري مــا عطينـــا
..........اخـذنـاهـا على مـاجـــد غصيبـه

بحــد الســـيف قد آلـت الينـا
..........ملكنــا للغديـــر واللهـــابــه

عليــها مطيــر ناديـــن وقطينـــا
..........حمينـــاها وجــــودنا حمــاهــا

تخــاف النــاس منــا مـا تجينــا
..........ولـو ان الأرض تنطـق بالوقــائــع

يخبّــركم منـاخ الجــــو عينـــا
..........يخبّـركــم منـــاخ ما جـــرا به

بوقعـــات تشـــيب المرضعينــــا
..........منـــاخ الجــو ما ســـمي تعبــــث

ثــلاث مــرار فيـــه منــوخينـــا
..........دويش مطيــر ما يوجــد مثيلـــه

قليــل مثل جنســـه ما لقينـــا
..........له افعــال مع العــــالم رهيبـــه

وبالتـاريخ لأفعـــالــه قرينـــا
..........ينــوخ للجمــل في وجــه خصمـــه

ثـلاث شــهور واربـــع وشـــهرينا
..........دويــش مطيــر قهّـــار الأعـــادي

بقلـب كالحجـــاره مـا يلينــــا
..........يشـــب النــار في راس الطويلــه

عـن اعيـون المعـادي ما اتقينـا
..........دويــش ما اظهــر التاريـخ مثلـــه

يكـــون اللـي علينــا حــاكمينــا
..........ومنهــو بالشـــجاعه مثل فيصــــل

الـى كــــروا عليـــهم راجعينـــا
..........تـرى حنـــا رهيبيـــن المغـــازي

ثــلاث شـــهور لامنــا غـزينـــا
..........ثــلاث شــهور نمشـــيها ذهــابـا

وثــــلاث مثلــهنــــه منكفينــــا
..........خـذينــا ثـــار مقتــول النقيــــره

نهلنــا من دمــاهم وارتوينــــا
..........وردنــا وردة الحــــر القطــــامـي

عثــى بالجـــول بالكــف اليمينـــا
..........اخــذنا ثــار من صــوّت لعلـــوى

وحنــا مع ذويـــهم جـالســــينـا
..........لنــا عــادات نروي للســــلايــل

جـزاء للصــوت يومنــا انتخينـــا
..........عليـل القلب تشــفيه الضيــاغـــم

بحـد الســـــيف والا طـــلقتينـــا
..........تنشـــد كيــر عن روس الطنــايـــا

وراس جديــع حيثــه خـــان فينـــا
..........تلقبنــا بحمـــران النــواظــــر

وهذا اللقــب معـــروف لأبينـــــا
..........قليــل غـــالب مطيـــر العريبــــه

الى منـه زمــى العايــل زمينـــا
..........نبيــع الروح مـــن دون المحـــارم

نحــب الغلــب منــا لا علينـــا
..........ولــولا كــل ما قلتـــه صحيــــح

ســـكتنا بالمـــواقع ما حـــكينا
..........وهــذا موجـــز من فعـــل علـــوى

وباقــي مطيـــــر الأخــــرينــــا
..........تســمى القــور منا باســـما شــــوخ

تعشـــاهم ذيــــاب جــــائعينـــا
..........تعشـــاهم مـن الحيــــز الحنــــادي

تحــت صــم الحـــوافـر طــائحينــا
..........طرحنــا الشـــوخ من فـوق الأصـــايل

ســهوم المـوت جتــهم من ايــدينا
..........على الويــلان ناصــرنا الطنــايــا

وردينــــا لعطفتـــهم يقينــــا
..........خلينـا الخيــل ما تملك بعضهـــا

نهــار الكـــون تروى للســـــنينا
..........كتبنــا عن قـــدر تســـعين فـــارس

علـى بــاب العـــراق معلقينــــا
..........خلينــا الــدم يجـــري بالمســــايل

بكــون القـــرن كــل عــارفينـــا
..........تســـميها العــرب غــزوت خســــاره

لحيــث الضـــد عادو خاســـرينا
..........وردنــا عـد لاداعـــي لأســــــمه

حــدانا القيـــض يــوم انا ضمينــا
..........وطلّــق مالـك المــــاء ما نـذوقــه

نصحنــا لــه وطلّـــق مـرتينــــا
..........وقلنــا رايكــم يــاآل العوينــي

وقالــوا عيب نصــدر ما ارتوينـــا
..........طـردنا الضــد عـن مملك جــدوده

وطلقنــا نســـــاه الأثنتيـــــنا
..........مطلقــت النســــاء بالجبــر حنــا

جــزاء للي تــرد القـــاف فينــــا
..........حجـــزنا زوجــها ما انفـك منـا

خلعناها وعن وعن راســـه عفينـــا
..........ابــن رشــــيد خــذينا جــــواده

خـذت في ملـك فتنــان اســــنتينا
..........قطعنــا راس من خــان لخـــويــه

اخــذنا الثــار يوم انـا درينــا
..........عطينــا وارث البـــراق راســـــــه

جـــزاء لوجيهنـــا منــه انتقينــــا
..........صلخنـــاوجــه من خـــان بخـــويـــه

وعلـــق بالنقــــا للنـــــاظرينـــا
..........وهــذا فعــل رجحــــان العبــــادل

وباقيـــن مطيـــــــر الأخـــــرينــــا
..........نطحنـــا القــــوم لـو حنــــا قـــلايــل

عددنـــا عشــــرة زايـــد اثنينــــــا
..........ابــن رشـــيد والعشــــرة عــوارض

صنـــاديـــد الرجــــال الطيبيـــــن
..........تعــاقبنــا الســــهوم من البنــــادق

وصـــرنا بالســـــهوم الفـــايزينـــا
..........الـى قلنـــا هـــزمناهـــم وولــــو

الى بالجمــع الأخـــر قــد فجينــــا
..........ثــلاث مـرار يرســــل مــن جنـــوده

ورابــع مــــرة جـــاء بالكمينـــــا
..........وقلنــا يامطيـــر اخــذوا ســـــددكـم

تــراكــم لا محــــــال ميتينـــــا
..........غـدى مثــل البــرد قفـــش الهنـــــادي

ذبحنـــاهم وعـــدنا ســــــالمينا
..........طرحنــا ســــابقــه عـــدة مــــــرار

بحـــد الجـــال من حـــد البطينــــا
..........بــدانــا حربـــهم صبــــح مبكــــر

الى مالليــــل قــد اظلـــم علينــــا
..........لنــا وقعــه مــع علي الخليفــــه

وحنـــا تســـــعة يــوم التقينـــــا
..........هــزمنا الجمـــع واحـــرقنا المـــواتر

بســـوق المـوت بعنــا ما شــــرينـا
..........طــرحنــا الطــائــره من عــالي الجــو

رمـــاها الله يـــوم انـــا رمينـــــا
..........نهـــار الكـــون ذبحـــنا الخــــليفه

ورد بالمــــوت حـــوض الهــــالكينـــا
..........وهــذا فعـــل عطبيـــن الضـــرائــب

هـــل الجـــدعا كعــــام العــــائلينا
..........تجـــدد فعلــهم فـــي كــــل عــــام

ولا تفنيــــه عشــــرات الســـــنينـا
..........ذبحنــا قــايد الجيـــش العــراقــي

ولا نخشــــى جنــود الــــرافدينـــا
..........اكلنــــا راس عبــــاس الظفيــــــري

ويــامــا روس من مثلـــه كلينــــا
..........فعـــول بريــه معجـــزة كثيــــره

ولكثـــر افعـــالهم ما ينحصينــــا
..........حربنــا كلكــــم عشــــــرة قبـــايــل

عبــرنا نجـــد منكـم مــا انثنينـــــا
..........عبــرنا نجــد من شــــرقي تهــــامــه

الى بحـــر الخليـــج حيـــث انتهينـــا
..........ومنهــو مثــــلنا يثبـــت وجـــــوده

يثبّـــت حجتــــه في شـــــاهدينـــا
..........يقــول الصـــدق نطـــق واســـــتقامه

ويبــداء مثــل ما حنـــا بدينــــا
..........وفــرق مطيـــر عن بعــض القبــــائــل

مثــل فــرق الكــرى عن طـــور ســـــينا
..........اخيــر النــاس بــايــام الجـــواهــل

واخيـر النـاس يــوم انا اهتـــدينــا
..........ولـو ما حكــم ابو تركـــي غطــــانـا

لكنــا بالجــزيـــرة طـــامعينــــا
..........ولكــن حكـــم ابو تركـــي جبـــــرنا

وخضـــعت لــه القبــــائل اجمعينـــا
..........حكــم بالشـــرع والديــن الحنيفـــي

وســـاوانا جميعـــا واســــــتوينـــا
..........وخلــى الذيـــب يمشـــي مــع عــــدوه

وليــث ا لغـــاب رافـــق للحصينـــــا
..........هــذا ما قـــاله الرجـــل المطيــري

تمــر اشــــياء وحنــا ســـاكتينا
..........وانا انصـــح كل ذي عقــــل ســــــليم

بفعــل اجــــدادنـا لا يبتلينـــــا
..........ســــألــت الله ان ينصــــر لدينـــــه

وان يحفـــظ امـــام المســـــلمينـا
..........واختـــام القــول صـــلاتي وســــلامي

علـى ســـيد البشــــر والمرســــلين
..........على مــن اسمــه الهــــادي محمـــــد


فرد عليه الشاعر منصور بن سعدى الرمالي الشمري على قصيدة هايف بن نعيم المطيري بقصيدة قوية لان الشاعر المطيري أساء التعبير وجحد حق القبائل العربية فتصدى له هذا الشاعر الفذ بقصيدة قوية وجزلة في المعاني :

يقول الشاعر منصور بن سعدى الرمالي الشمري رداّ على شاعر مطير :


بديت بذكر من فيه استعينا
.......... اله الكون فى ذكره بدينا

عظيم الشان رب الخلق الاوحد
..........تعالى الله خير الخالقينا

اله حرم الظلم وتوعد
.......... توعد بالعذاب الظالمينا

ومن بعد ذكره بدينا بالمثايل
..........تركت النقص واخترت السمينا

ارد الرد لبن نعيم هايف
..........احذر من سب الغافلينا

أحذر مثل هايف كل هافي
..........يتجنب لابشره يبتلينا

يتجنب كان هو يبغا حياته
.......... وياويله كان هو طاح بيدينا

يعيف الاوله هى والتوالى
.......... ويعرف افعالنا ليا من بلينا

ويعرف ان الفعول فعول شمر
.......... وشمر بالفعول المثبتينا

وانا ماذم حمران النواظر
.......... ولانا من يسب الغافلينا

اخاف الله انا و ادارا عذابه
..........وعسى ربى من الظلم يحمينا

ولكن ابتلانى هايف اللى
.......... ذكر لى غلبنا غلبن علينا

بدا فى ذمنا والبادى اظلم
.......... فتل حبله وبالنقض ابتدينا

تمادا بالغرور وبالمذمه
.......... ظلم نفسه جعل حضه دفينا

غزانا الهيس بلسانه اخذنا
.......... ذبحنا بالكلام ولا درينا

ردى النفس مدرى ويش اصابه
..........ولادرى وشبلا الخايب علينا

ولادرى وين ربعه من كلامه
.......... علامه مالقاله ناصحينا

قليل العرف مثل الورع ينصح
.......... ولكن مانصحوه العارفينا

ولا درى ويش بلا الجاهل تجاهل
..........فعايل من لهم فعل يقينا

جعل فعل القبايل غير شمر
.......... وتقول مطير نجم معتلينا

ولكن ماأحد حسب احسابه
.......... ولا لحساب من مثله خذينا

احده وان بنا بيت نهده
.......... واذا عاند على خشمه وطينا

اهينه لين ينسى بأمس وينه
.......... ولايعرف اليسار من اليمينا

وينسى كيف ينظمن القوافى
.......... ويتبدل زجرت الماضى ونينا

الا يالذيخ وش خلاك تكذب
.......... وتحط نفسك بمقام الكاذبينا

تقول فى بكير ذبحت الطنايا
.......... متى ذا صار ياابليس اللعينا

على كيفك تذبحنا بزيفك
.......... بزيف وكذب وأوهام تغزينا

ترى فى كير ماذبحت شمر
.......... خذيتوا مثل ماحنا خذينا

ولكن اذكرك باام الجماجم
.......... بها زدنا عليكم واعتلينا

هزمناكم بها اكبر هزيمه
.......... وترى ماسلموا الا الهاربينا

بها صلنا وجلنا لين نلنا
..........ورجعتوا خاسرين ونادمينا

تندمتوا على حرب الطنايا
..........ورجعنا للغنايم كاسبينا

طنايا نروى الظامى من الدم
.......... على راس المعادى له حنينا

واذا يالهيس تجهل فعل شمر
.......... سل التاريخ يعطيك اليقينا

واذا انك ناسيله ماتذكر
.......... ترى التاريخ يذكر مانسينا

سل الاجواد عن تاريخ شمر
.......... كبار السن والى فاهمينا

يعدون الصحيح ويقنعونك
.......... والى يخفاك منهم لك يبينا

هل الذمه هل التاريخ سلهم
.......... ولو هم من عربك الا قربينا

تركد وانشد العقيل عنا
.......... قبل تظلم وبالقيل تهجينا

تقول مطير صاروا عون شمر
..........على الويلان معنا قايمينا

متى شمر طلبوا العون منكم
.......... كذيت ولالكم فظل علينا

ولكن قول مع ابن سعود قمتوا
.......... ومع مبارك وقفتوا ولتقينا

وعليكم بالصريف الرعب خيم
.......... ورجعتوا مع مبارك خاسرينا

اعنتوهم علينا وان هزمتوا
.......... عوين خيب ظن المستعينا

فلا نلتوا مديح وملا سلمتوا
.......... مثل من عاد يم القريتينا

وتقول الظيغمى شلتوا جواده
..........وخت في ملك فتنان سنتينا

اقول انت تهبا كاذب وكاذب
.......... فلا شالوا عموم مطير شينا

كذوب وبالخطا عمدٍ تعمد
.......... لعنك الله لعنه كل حينا

تقول انه قليل اللى غلبكم
.......... وتقول بكل وقعه فايزينا

ونسيت الغزوه الى كد غزاها
..........حدا اللى بالحجاز مسيطرينا

ابن عون الشريف اسمه محمد
..........غزاكم وين فعلك مايبينا

وذكركم عن ملاقاه انتحيتوا
.......... ولاتخفا عليك ولا علينا

وشواهدها قصيده من غزاكم
..........ونفس النص موجود لدينا

وغزانا والتقينا به بموقق
.......... وحنا الى ثبتنا ماانتحينا

تقابلنا وصار الصبح ظلما
.......... يشيب من الفزع راس الجنينا

صمدوا فريسنا تسعين ليله
.......... سناعيس لضده ماتلينا

وجت زوبع وطير العز غنى
.......... اناشيد النصر للصامدينا

بذاك اليوم سمينا الطنايا
..........طنايا مانهاب ليا طنينا

طنايا مارضينا بالمهونه
..........ولانرضى المهونه ماحيينا

طنايا الذل ماننزل جواره
..........وعلى انفسنا المذله مارضينا

طنايا وان نطحنا كل غازى
.......... تيراعد خوف من يقبل علينا

طنايا من حربنا له ضربن
.......... نصب الويل فوق اللى يجينا

طنايا نارد حياض المنايا
..........اسود بالحروب مجر بينا

طنايا عندنا تحل القضايا
.......... احرار بالعلا لى معتلينا

طنايا نكرم العانى ونعطى
.......... وعطايانا الجزايل ليا عطينا

طنايا وان نصانا كل ضايم
..........يشوف العز من ساعه يجينا

فكم من واحداً ضاق وزبنا
..........زبنا مستظيم وله حمينا

حمينا من لجا يطلب احمانا
..........ودحرنا كل غدار ونحينا

طنايا يوم ارماح القوم تخطى
.......... تصيب ارماحنا من به رمينا

طنايا فعلنا فعل يترخ
.......... ويبقى ماعلى البيدا بقينا

تدارسه الاجيال غير حنا
.......... عظيم ولو جحده الجاحدينا

طنايا هم سلاطين الجزيره
..........هم الحكام فى ماضى السنينا

طنايا من الزمن قرن احكموها
..........اضف عشرين معهن حاكمينا

تسيدنا وسدنا بالقبايل
..........قبايل نجد كله له ودينا

وتسلطنا بحد السيف الابتر
.......... أزحنا من تولاه ولينا

على يدنا هدمنا حكم دوله
.......... وعلى يدنا لدولتنا بنينا

حكمناها بقوه ماهى هدون
.......... اخذناها بدينا واعتلينا

وكتبنا اسم الطنايا فوق عرشه
..........واسم من كان يحكمها محينا

وفتحنا فى سجل الحكم صفحه
.......... وصفحه من حكم فيها طوينا

حكموا فيها ال الرشيد ابطال شمر
..........نعم هم من حكم حكمن مكينا

وترى شمر فعايلهم تعجز
.......... تراهم باالفعول المثبتينا

تلقبنا بغلبا ماا نغلبنا
.......... لكثر غلبنا العايل علينا

على الاعداء قاسين وصيارم
.......... يلينن الجبال ولا نلينا

طنايا وان نخانا كل مبلى
.......... توشحنا الهنادى وانتخينا

ونخينا كل مقدام مجرب
.......... وجمعنا الجمع وبالجمع التقينا

واخذنا بثار من صوت لشمر
.......... بدل هذلول شيخينن رمينا

مشى هايس لهم لعيون هيفا
.......... تنخوا وانتخا ذرب اليمينا

وفعل فعلٍ رفع روس الطنايا
..........وعلى فعله اخصومه شاهدينا

ونوانا الشيخ ابن هندى بحايل
.......... وحنا من نوانا له نوينا

تحركنا ونزلنا له بعروى
.......... قصرنا عنوة الشيخ وعنينا

تقابلنا الضحى والشمس حيه
.......... وخسر فيها وحنا الرابحينا

ورجعنا للجبل معنا الغنايم
..........عوايدنا ليا منا غزينا

وفعلنا المعجزه فى كون بقعا
.......... ذبحنا كل طاغى ماطغينا

ثلاث آلاف من مات وتصوب
..........نهارٍ فيه شاب المرضعينا

نهارٍ فيه سوينا الهوايل
..........على اغلب جمعهم حنا قضينا

صفا بقعا عليها الدم غطا
.......... وكم راس شيخ له وطينا

شريدتهم حلف واقسم وطلق
..........فلا يغزا مداعمره يمينا

وحاصرنا الكويت اشهور اربع
.......... وثلاث قلاع بالجهراء بنينا

ولاذوا فى حما الانجليزعنا
.......... وفعلنا المعجزات ولا انثنينا

ونخانا الشيخ ابن ثانى واجبنا
..........كما العاده ليا نخينا مشينا

امرنا الضيغمى نمشى وسرنا
..........لبني ياس وهل البحرين جينا

وصلنا لدار ابن ثانى واغرنا
..........على جمع الغزات الطامعينا

وهزمنا جمعهم والكل يشهد
.......... وشواهد ماذكرت القلعتينا

الى يومك باسم برزان تعرف
..........دلايل فعلنا لو مااحيكنا

يكونن الفعول بفعل فاعل
..........وحنا للصعاب الفا علينا

وغزينا الجوف يوم رويل زادوا
..........وهدمنا دونها الحصن الحصينا

وذبحنا بالهنادي كل خير
..........بقطع الراس للغادر جزينا

حصدناهم وابدناهم ابادة
..........هزمناهم واخنا البيرقينا

علينا يبتغون الزود لكن
..........تطيح الروس ماتعلا علينا

وغزينا المنتفق باطراف دجله
..........وهزمنا جمع خزعل و ارتكينا

هزمنا اللى مع مبارك يحامى
..........وعن الفزعات ياما له نهينا

ولكنه تمادى فى غروره
.......... تناسى فعلنا مادرى نسينا

دفع قيمه غروره نصف جيشه
.......... جزا للكبر واستهزاه فينا

يقود اجموعنا شبل مجرب
.......... شجاعن مايذل ولايلينا

شجاعن كل اهل نجد تهابه
.......... ويهابونه هل البصره وسينا

له الشيخان يهدون الهدايه
.......... وله الفرسان هيبه خاضعينا

سلاطين الدول تاخذ احسابه
..........ولااحدن فيه يقدر يستهينا

وجميع ال الرشيد ابطال شمر
..........لهم فعلن وتاريخ مبينا

جمعوا مابين الاماره والشجاعه
..........ومابين اللين والعزم المكينا

ولو نجد وحموها واحتموها
.......... اسود الغاب حامين العرينا

اسود مايهابون المعادى
..........اسود يقهرون المعتدينا

اسود اسياد سادو بالجزيره
.......... اسود عيال اسود محنكينا

اسود اسياد سادو كل سيد
..........هم الاسياد رغم المنكرينا

وترى شمر تميزهم ثلاثه
..........بها عن غيرنا متميزينا

صخانا الحاتمى من دور حاتم
..........اضف معها الشجاعه ثم دينا

ورثنا الجود من ابوا الجود حاتم
..........بنا الامثال تضرب كل حينا

وسكنا بالجبل قبل النبوه
..........ومابعد النبوه له حمينا

ونحينا عن جبلنا كل طاغى
..........بحد السيف قطاع الوتينا

براضى نجد قد رفرف علمنا
..........ومن البصره الى حد الرافدينا

تحت راياتنا تمشى قبايل
..........ومن يعصى على داره مشينا

وحنا أهل المروة والأخوة
..........واذا ضاقت على المبلي يجينا

وكنا اهل الريادة والسيادة
..........لنا تخضع ارقاب العالمينا

طنايا للمعالي فوق نرقا
..........سنام المرجله فوقه رقينا

لنا التاريخ يشهد بالحقايق
..........مع اهل العرف فيهم شاهدينا

حقايق لو جهلها مثل هايف
..........كثير الناس ماهم جاهلينا

حقايق لو جحدها كل جاحد
..........تبين وتتضح غصبٍ تبينا

حقائق حق تثبتها وثايق
..........لها التاريخ واثباتٍ ضصمينا

ولا أحدٍ يدعي بأفعال غيره
..........سوى عن اللي بالفعايل عاجزينا

رد كديميـس العصيمـي العتيبي ايضاً بـ 100 بيت على شاعر مطير ..

ياعبيـد وش حـدك تـفـوة بـتـارة
قلـي عسـى ماشـر ياشاعـر مطيـر
ماينبغـي ياعبيـد قــدح الـشـرارة
بيـن القبـايـل يــاردي التفاكـيـر
مـدري تكلـم جـد ولــى عـيـارة
ولا سمعت من اقـرب الحلـق تصفيـر
سحبـك مجنـون العـمـار بمـسـارة
( وشلتو من الهرج المزيـف قناطيـر )
راع العمـار الـي بنـالـة عـمـارة
من الهرج حيثنـة علـى غيـر تسعيـر
يـعـد شـعـرة مرجـلـة بـطـرارة
( ومن هرجة التافـة يـوزع فواتيـر )
لوهـو مـن الـي يفهمـون الاشــارة
وعنـدة ملافـي للـكـلام وتفاسـيـر
تبـي تحـط الطايـرة فـي مـطـارة
وتسلمـة خـط التقـاريـر وتطـيـر
لكـن مرجـوجـاً بـراسـة عـهـارة
كبير فـي سنـة وفـي عقلـة صغيـر
ابـتـرك المـرجـوج جعـلـة ودارة
مـال للكـلام الـي بـلا عـدل تاثيـر
حـتـى يـرجـع لسفـيـة اعتـبـارة
وليا رجـع نعـرف مكـان الخوابيـر
امـا انـت كاننـك تعـرف المشـارة
دعوتـك وصلتنـا وجونـا المسايـيـر
( عن لوحة الماضي رفعنـا الستـارة )
وركب الرشا من فوق هـدف النواعيـر
ورد الجـزاء جنـس العبـارة عبـارة
وعلـم تـراء مايعتبـر كـل تعبـيـر
ذكـرت بعـض شيوخـنـا لـلأثـارة
( لكـن ماعنـدك شهـادة وتقـريـر )
ولايبنـي الرجـل الفهـيـم افتـخـارة
علـى التمنـي وخـتـلاق المذاكـيـر
ومدامتـنـك جيـتـلـك بسـتـمـارة
وعبيتهـا بـس الخفاجـي مـع الزيـر
دور ( لبـن جبريـن ) عنـدك جبـارة
اذا وجـدت لقطعـت الـراس تجبـيـر
ماسرتـة حقـب العـيـون وفــرارة
خمة قطامـي كـن عينـة سنـا كيـر
ادلـى علـيـة مجـربـاً فالصـقـارة
حـراً مخالبـيـة ســواة الشناكـيـر
عـدو عينـك نطلبـة ربــع بــارة
ان طار والى في وطى الارض ويسيـر
نجيلـة اقـرب للغـبـي مــن زرارة
حتـى نطيـر هامـة الـراس تطييـر
عينت ( ابو صفرة ) وكيـف اختبـارة
فالامتحان الـي جـراء شرقـي النيـر
جانـا بكـامـل قـدرتـة وقـتـدارة
يبـي العشايـر جلـهـن والاباكـيـر
ولقـى السيـوف الساطيـة بنتضـارة
بيمـان ربـعـاً فامـلاقـا جـزازيـر
كـزة عتيبـيـاً شـلـع عـظـم زارة
بمهلـبـاً كـنـة ملـبـس بقصـديـر
تعـودة الوركـى وذيـب الخـضـارة
علـى ( العوينـد ) حوشتـة المقاديـر
و (بـو عبيـد ) الـي يجيـد المهـارة
اليـا جتـوال معسكـرات المسامـيـر
فالمعـركـة يـقـدر يـديــر الادارة
يثنـي جـوادة عنـد تـال المضاهيـر
جـاة ابلجـاً يكـرة عـدوة مــرارة
اليا عـدى يطـرح صقـور وصقاقيـر
وتواجـة والـكـل جــرب جـمـارة
وطاح ( الدويش ) بوسط ذيك العثاميـر
انـشـد عـنـة ولا تقـفـة بـثـارة
تلقـاة فـي واد الرشـا كنـة بعـيـر
متفرشـاً يمـنـاة عـقـب انكـسـارة
عليـة عقـبـان الفـريـدة مخامـيـر
وذيـب جبلـة ليـاخـوع الـيـل زارة
والطيـر ياكـل منـة والسايـر يسيـر
و ( بن شري ) فارس وعنـدة جسـارة
فـي نطحـة الغـازي لياجاكـم مغيـر
لياشافلـة جمـعـاً تـهـاذب مـهـارة
يلكد على الكردوس والصايـر يصيـر
لكـن ضيـف نابـة اهـل المـغـارة
سباعاً تقانـب فـي خشـوم الشناظيـر
يومـاً جمعـة صـار فيـة اسـتـدارة
تشاقلـن جسمـة وســاع الحناجـيـر
و ( فصيل ) درا انـا منتوينـة بـدارة
وحشد لنـا جمعـاً كبـر حـرة مطيـر
وطـوق نواحـي المجمعـة بالنطـارة
وركب علـى روس الجبـال النواطيـر
وانهـا مشاعـر جمعـكـم وسـتـدارة
للموقـف الـي بـة تـقـدم وتاخـيـر
وعقـب المواجـة صـارت الانكسـارة
( وضاقت على المطران كل المعابيـر )
عـقـب تـقـدم جمعـنـا ونتـشـارة
قفـو وعجتهـم ســوات المعاصـيـر
والشيخ ( ابن شوفـان ) تـم انشطـارة
عينـت راســة مالـقـوة الحفافـيـر
و (حسين ) قدامة و( محسـن ) يسـارة
و ( بندر ) قمز فالغرس مثل ارنب الطير
وفيصـل خذالـة كـرتـاً وفـتـرارة
وقفى يحـث كـروش مرخلهـا السيـر
والـدم مـن جسمـة يفـوح بـغـزارة
قفـى ودمـان ( الدويشـي ) شخاتيـر
وفي قصر ابن عسكـر لجـا وستجـارة
( ومطير مع وادي الكظيمـة قواطيـر )
حنـا نقـوم وكـل شـيـخ بـوقـارة
ماعندنا فـي واجـب الشيـخ تقصيـر
ان زارنـا قمـنـا بــرد الـزيـارة
ونزيـد تقديـرة علـى الشـر والخيـر
ومكـارم الاخــلاق راس التـجـارة
ماجودتـن فيـنـا بـكـل المعايـيـر
( حنـا بنجـد النـا مقـر الـصـدارة
ولاحدن ينازعنا عليهـا مـن الغيـر )
ولاجاتـنـا مـعـروف ولاستـعـارة
الـى بصولاتـن تفـض الشراشـيـر
(عتبـان ) فالهيجـا سـوات النـمـارة
عاداتنـا دحـر الجـمـوع المناحـيـر
الياحصـل يومـاً تـقـادح شــرارة
خيلـن مناحـيـر وخيـلـن مدابـيـر
نسـد بــاب الــراي والاستـخـارة
وقـادو جمالـن فوقـهـن الغنـاديـر
من الي سحـب جمعـة وتـم اندحـارة
وقفـت ركـابـة بالمـذلـة محـاديـر
( الي سر مـن عقـب ماشـب نـارة )
عقـب التحـدي يشعـم النـار وينيـر
( ويخفي مسيرة عن حليفـة وجـارة )
وختـار للمسـرى بطـون التسـاريـر
ورتـب علـى درب الكسيـرة خفـارة
ووزع علـى الحـراس عـدة نواظيـر
حتـى نـزل بيـن الورعـيـة ووارة
ورتاح عقب مواصـل السيـر بالسيـر
هـذا السـبـب يعبـيـد فالانـحـدارة
خـل الكـلام الـي مزيـف وتزويـر
( مهـوب حـدرت نجعكـم بختـيـارة
جـاك الكـلام الـي وراة التقـاريـر )
وتراء الدويـش الـي رفعتـو شعـارة
خيالـكـم فالمعـضـلات المعاسـيـر
غـرة خـوي الجنـب يـوم استشـارة
ونـوخ علـى داورد عربـاً خواويـر
عقب اضرستة الحرب وونـس عـوارة
قـام يتـردد بيـن عــذال ومشـيـر
( ورسل لبـن هنـدي جميـل عتـذارة
وبريـتـاً مشريـتـن بالدنـانـيـر )
ارسلبهـا المنـدوب قـبـل انهـيـارة
لكـن ماتنـفـع سـمـان المعـاذيـر
خسـر الدويـش ولاربـح مستـشـارة
وولـو يسجـون الضعـن بالبواكـيـر
و( شـري ) خطرنـا منتـدب لسفـارة
وصارت نتايج سفـرة الشيـخ تسفيـر
وليتك نشدت ( الملعبـي ) عـن بكـارة
شرشـوح ذودن كلبـوهـن مغاتـيـر
و( الملعبي ) فالرمـح مثـل الصهـارة
الي عمـل لـروس الامـوات تكسيـر
هـذا دليلـن انـة يعـانـي حــرارة
يحـز فـي كبـدة سـوات المناشـيـر
والشاهـد ان مطيـر فيهـم شـطـارة
محـدن لقاهـا غيرهـم فالمحاظـيـر
( لياعارضـو جمعـاً وتـم انتصـارة
يلجـون لقبـور الرجـال المشاهيـر )
قبر ( الصييفـي ) قـد طلبتـو جـوارة
يـوم ارهقوكـم باللحـوق المغـاويـر
خطرتـو لقبـر ( السبيعـي ) خطـارة
سمعتـو انـة يعتـنـي بالخطاطـيـر
يجـب عليكـم يالمطـيـري مــزارة
يوم احتماكـم مـن سيـوف المناعيـر
علـى النقيـرة قـد بنيتـو حـضـارة
وصلـت مبانيـكـم لجـوبـة نقـيـر
مـار ( العـوازم ) صيروهـا خبـارة
تقـول ناسفهـا الدنامـيـت تفجـيـر
وزبنتـو المسـجـد وراس المـنـارة
وجمع ( العوازم ) طهر الـدار تطهيـر
خلـو لكـم بيـن الصياهـد كــرارة
ولي سلـم منكـم زبـن ديـرة شقيـر
وقولـن بليـا شاهـد ويــش كــارة
يظربـة الحايـط ليـا صـار تبريـر
( وانتـة كلامـك يفتـقـر لـلانـارة
الله يلـومـك ياكبـيـر الجماهـيـر )
تقـول مـن يزهـي ذراعـة سـوارة
لعيونهـا دمرتـو الـنـاس يامطـيـر
لكـن مـدري ويـن تـلـك النـامـرة
عن ( الدحمليـة ) يـوم جينـا معاييـر
نجرهـا بـيـن الــذراء والـغـرارة
من الهودج الـي كـن وسطـة نواويـر
عفـر وواشعهـا صـفـار بحـمـارة
وباقي الموضوع اريش العيـن تفسيـر
انــا بشـيـر ولانبيـلـك بـشـارة
جتـك الرسالـة والمعانـي معاشـيـر
يلـي تـدس يديـك وسـط الجـحـارة
تـراء الافاعـي ياكـلـن العصافـيـر
بينتلـك مـاقـد سـبـق بختـصـارة
وصورتلك ميـدان الاحـداث تصويـر
وذكرتلـك سبعـة مـن اهـل النـدارة
و ( الثامن ) الي طب في داخـل الحيـر
ولاواحـدن منهـم قصـدت احتـقـارة
شـوخ الجهامـة محتميـن المثابـيـر
( وحنا السبـب فـي فقدهـم للامـارة
فقـد الحيـاة ومبعـدات المشـاويـر )
خسـارة ياكبـرهـا مــن خـسـارة
لياصار فـي رقـاب المناعيـر تقديـر
جمعـن يحاربنـا نضـيـق قـصـارة
فالحرب لين الصعب يركب على الضير
ونرمـي لجيعـان الذيـابـة كـبـارة
وتبقـى العبـارة بـلا كبيـر ولاميـر
وانتـة ادعـرت لمادعيـتـة دعــارة
بيـا سبـب يمتيـح لوكـان قطمـيـر
نغـزك شيطانـك وغـزيـت شــارة
وعارضتهـا مابيـن نـقـاد ومثـيـر
والرامـي التفـاق يضـبـط عـيـارة
والمرتبـش يبلـش لياصـار تطويـر

مشكور على النقل المميز ويعطيك العافية

والمطيري ماجحد إلا فعله والا فعول القبايل معروفة