طاروقين جرت بين الشاعرين علي الحبابي وفواز العازمي

هذه الطاروقين جرت بين الشاعر: علي الحبابي والشاعر: فواز العازمي في مرحلة 12 من مسابقة نقض وفتل
وهي محاورات مباشرة في النت في منتدى نقض وفتل وقد كانت لجنة التحكيم مكونة من :
الشاعر: رشيد الزلامي والشاعر: محمد السناني والشاعر: مصلح بن عياد الحارثي
وقد وصل أبوصالح للمرحلة النهائية .

حبيت أضع هذه الطاروقين بين أيديكم واتمنى أن تنال إعجابكم ورضاكم .
الطاروق الأول :
[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
علي الحبابي :
سلام الله ولي نية ولي معنى ولي مقصود=سلام الشاعراللي ما أنقصر من دون ماجوبه
ألا يا العازمي كل" بجهده يبذل المجهود=يقولون العوارف كلمة الرجّال محسوبة

فواز العازمي :
هلا يامرحبا يابو الثلاث اللي عليه اشهود=بردية ابيوتن من يميني جتك مكتوبه
اقول ونعم فيكم مير حنّا ماعلينا زود=وصحيبك عازمين مايجيك الشك من صوبه

علي الحبابي :
يدوم إلك البقاء واللعب يا فواز قدح زنود=وأنا أحب الزميل اللي يعرف اللعب ودروبه
يا فواز احتزم ما قدمك إلا النار والبارود=ترى المشوار قرب نهايته ما أقول يا دوبه

فواز العازمي :
ليا ارسلت الك (مشلح شيخ) لا ترسل عليّ اجرود=ترى الدعوا ذكاء لا اردّها نوبه ورى نوبه
انا لااوفيت للروس الثلاث اللي من آل سعود=رضاء الجمهور عندي غايتن ماهي بمطلوبه

علي الحبابي :
ألا يا العازمي فواز ما أظنّك تجيب الفود=بعد ما جبتها في حزة الميقاف مقلوبه
أظن البندق اللي معك لا صفرة ولا عبرود=وهذي بندق" يا أصحابنا ما هي بمرغوبه

فواز العازمي :
علي صلاّ يبي وبل المطر من ربه المعبود=لكن مدري قلب طاقيّته ولا قلب ثوبه
لابالله بندقك وانت (الحبابي)رميها بأركود=ليا ثوّرتها يم (العبيدي) يعلن التوبه

علي الحبابي :
على راسك نخيّل مزنة" فيها برد ورعود=عسى وبل السحايب فوق راسك تمطر نصوبه
ثلاث جبال قدمك راسية والجود فالماجود=وترى نار "العبيدي" لو تبي تنويه مشبوبه

فواز العازمي:
تخيل المزن من ديرة محايل بالعيون السود=تقفّاه العجاج ومزنته ماهي بمشروبه
مثل ماللديار احدود عندي للكلام احدود= عساه وقفتن بمزارق النوماس مصحوبه

علي الحبابي :
ألا يا العازمي من بعدا ما هبت عليك النود=أنا ثبّت مبنا المعرفة طوبة على طوبه
وانا ماني بمتحيّر وأنا ربعي عيال العود=وبنت العز لن راده ولي العرش مخطوبه
الطاروق الثاني...
فواز العازمي :
يالحبابي لاتفكّر لك بشي ن مانت يمه= اشغل التفكير كيف الله يحبّك يالحبابي
تدري ان الداب يرهب لامسه من قو سمه=كيف تامن ياوسيع المعرفه والداب دابي

علي الحبابي:
الحبابي والله إنّه حاضر" وقت المهمّة=طايع" الله ولي جاء لازمه ما هو يغابي
شاعر" ياطى على راس الحنش ما هو يهمه=انتبه يالعازمي للي جرى وإحسب حسابي

فواز العازمي:
في زمان العولمه عاش الضمير بدون ذمه=مابقى الاّ يجهم الغرنوق ويشيب الغرابي
ندخل المسجد وفرضن فارضه ربي نتمه=وش علينا من هل التحريف في فصل الخطابي

علي الحبابي:
في زمان العولمة يا كثر ما شفنا مطمّه=أنفتح للشر ودروب البلا تسعين بابي
المساجد عامرة والله يجمع شمل الأمة=ومن نوى التحريف في منهاجنا خاسي وهابي

فواز العازمي:
والله ان الشيخ ماهو بالمعمّ اللي يعمه=اشهد ان الشيخ من يعمل بما قال الكتابي
كل شي ن عندنا محفوظ والحافظ يصمه=والحديث محدّثه (طاها) وراويه (الصحابي)

علي الحبابي :
الحقيقة واضحة وفلان ما نبغى نذمّه=يا عسى ربي يدّل شيوخنا درب الصوابي
من عدود المعرفة نرهي ونارد كل جمه=عارف" وقت الصلاة وعارف" قدر النصابي

فواز العازمي:
البلا بالمنحرف ولاّ البلا في راس عمه=انت علّمني بسرّ ولاتعلّم في جوابي
حوّل الموضوع للي طيبهم في كل قمه=خاف ربك لاتحوّلها على رقم الحسابي

علي الحبابي:
ما يهم الرجل يا فواز هم" غير همه=وكان ما أنته ذيب يا فواز تاكلك الذيابي
الهدف حذراك في تالي مطافك لا تزمه=ما على الدنيا ملام ولا على الدنيا عتابي[/poem]
وتقبلوا تحياتي وتقديري

أخوكم/ عامر الوهابي