[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=ex num="0,black"]
عوافي يابحر جدّه عوافي=ولوبيّحت لك ماكان خافي




أمانه خلّها بينك وبيني=طلبتك يابحر ماصار كافي




دخيلك لاتسولف باللّي شفته=من دموع ومشاريه وقوافي



أنا جرحي سبايبه المودّه=ومصير الجرح يومٍ للتشافي



جفاني ماجفيته لو جفاني=حبيبٍ مبعدٍ عني مجافي



يسرّيني غرامه لين أعدّي=حدود الصبر وتبان الخوافي



تهّل العين دمعٍ يوم أهلّه=تقول إنّه نهر وإنها ضفافي



ومن ينشد أقول إنّي معافى=وطيّب ماعلى حالي خلافي



وأنا حزني تغلغل في ضميري=وجال بصدري المتعب وطافي



جميع إركون قلبي والحنايا=يزلزلني وأنا مآقول كافي



وأنا ماأزعل عليه ومآأتشرّه=ولويسقيني من الهم صافي



أحبّه إي وربي إني أحبّه=محبّه مايجي فيها إختلافي



عشقته من وأنا توني صغيّر=ومن يعشق صغير يموت وافي



نذرت سنين عمري لأجل عينه=ولعينه كل أبو حرفي وقافي



وربّي يابحر جدّه وربّي=مايلقى مثل قلبي له إمصافي



أنا يابحر لامنّي ذكرته=شكرت اللّه وقلت إنها عوافي [/poem]

اخوي معيض

صح لسانك

لاهنت

أرحب يافيصل



صح بدنك



دمت بخير

اخوي معيض صح اللسانك واقول لك لافض فوك
وأعجبتني عندما اعترفت ان الدعوا عوافي جعلها الدايمة لنا ولكم ولك مسلم

نطلب المزيد
ولك مني جزيل الشكر

صح لسانك يامعيض القصيدة هذي جزلة بمعنى الكلمة

تقبل خالص شكري وتقديري

أخوك ومغليك

__________________

ارررررررحب يا معيض

صح لسانك يا وافي

جزله وافيه

تحياتي وتقديري

__________________
بدون توقيع هذي الايام راحه

الأخ إبراهيم بن مريع



صح بدنك والله لايهينك


إشادتك وتقديرك لها كل التقدير


لاهنت على مرورك الكريم ودمت بخير.

الأخ الكريم مسفر بن نومه


صح بدنك والله لايهينك ولا عليك زود

تقبل تحياتي ودمت بخير.

صح لسانك ولا عدمناك ياكحيلان

قصيده وافيه ياوافي

تقبل تحياتي وتقديري

__________________

قصيده ولا اروع اخوي معيض وصح لسانك