هذي قصيدة ابن حوبان الي رد علية الشاعر سلطان بن وسام

بيض الله وجهك علي كل حال

لنقل القصيدتين

ولما عودت لصادقه فامحلف لا يتجاهلونا ولا نتجاهلهم لهم افعولهم


ولنا افعووووووولنا



والهاجري احتما موقفه ولو محتماه ابن وسام

احتماه غيره من شعرا الهواجر و باقي شعرا قحطان


وعلى ارياكم وعفاكم وهذا كلام الجد لما جات الصادقه

لاهنت ياعلي الهامه على نقل القصيده،،،


بالنسبه ل ال مره وبني هاجر فهم ربع وبينهم نسب ومصاهره،،،

والهاجري غالي عند المري وسوالفهم بينهم طيبه ،،،،


ومسألة الماضي فكل قبيله تغزي ويغزى عليها ،،،،


والى انهزمت قبيلة ما ليس بعار لان الحرب فائز ومنتصر،،،

لكن العار هو الفر من ساحة المعركه ،،،


خلاصة الكلام ان بيني هاجر رجال مافيهم كلام من كرم وشجاعه

لكن ال مره محد يقدر ينكر فعولهم وتاريخهم سؤاً على بني هاجر ولا سبيع ولامطير ولا عتيبه،،،

فرجاءً من الاخوان عدم التعصب الزايد وبن حوبان قال الكلام موثق ولاهوب يدس راسه وهذي فعول مضت ولاهيب منقصه لان كلا الطرفين شجعان سوأً مري او هاجري،،،،


ارجو من الاخوان حينما يردون يردون بعقلانيه ،،،

المقصد اني والله ماكان ودي ادخل في هالموضوع لان هذي المواضيع ذمها المصطفى صلى الله عليه وسلم

لكن وجدت ردود انتقاصيه من بعض الاخوان في هذا الموضوع وهذا ينافي اخلاق بني قحطان لما عرف عنهم من حسن الاخلاق،،،،

وفي هذي الردود انتقاص لافعال قبيله عرف فعلها دول وقبائل من غير قصور فيكم يامحلف،،،


ارجو قبول ردي بصدر رحب يامحلف ،،،

شمال الجنوب


ولا احد قال شي وانا خوك


بني هاجر وال مره والعجمان وقحطان قبايل منهم النسب والصحيب والقريب

ولا بينهم الى الطيب

وعلوم اول كلن ياخذ وينوخذذذ وكلهم قروووووم ولافيهم شكه


لكن سالفه توثيق لا والله ثم والله لم يوثق الى الكذب بعينه


كل المعارك التي ذكرها المري معروفه وهي انتصارات لبني هاجر والعجمان وال مره الاولين لاينكرونها لكن الله يهدي عيالهم هاللحين

ويهدينا معهم


وترا القصيد والحكي واااااااااجد وسهل ان الواحد ينظم له كم بيت ويمجد قبيلته على حساب الغير


لكن الي يغبن ان العلوم تصير مزوره وخاليه من الصدق وهذا الي مانرضاه يابني هاجر كانهم يرضونهم هم بصرهم



سلام

اررررحب يا محلفي ولاهنت نبي منك طلب بسيط

علمنا بهيات ال مره وحروبهم ان وجدت معا مطير وسبيع وعتيبه !!!!!! استر عليهم وش جابكم صوب ذا القبايل وانتم هنيا في الرمله !!! (( اقول ياكبرها عند الله ياوجه محلف ))

ال مره ونعم ما نقول فيهم شي لكن الخريط يسمى خريط

تراني مزاح

__________________
[/center]

أرحب يابني هاجر،،،


كلام عسل وجميل وكلن له فعوله ياوجه محلف ،،،


والاولين فعولهم طيبه وتقود وجيههم ،،،،


واليوم طلع ناس ماهي تعرف التاريخ ويطلع له كم بيت خاليه من الصحه،،،،



على العموم يامحلفي يشهد الله اني اغليكم يابني هاجر ،،،


واطيب ربعي منكم وهذا يدل على طيب معدنكم يامحلف،،،،



تقبل خالص الود والاحترام،،،

أررحب يالعبيدي،،،


الله يسامحك وانا اخوك وش جاب الخريط في سالفتنا؟؟؟



لذي الدرجه وصل عندك الاستخفاف في ال مــــــــــــــــره؟؟؟



لكن انا ماني بقايل شي لك لاني في محلكم وبينكم ،،،،



وبأكتفي بأجابتك على سؤالك البسيط جداً


اما بالنسبه لعتيبه فقد خذوهم ال مـــــــــــره في الغزيز وبالتحديد على قبيلة العصمه


والى الان والنعامه عند ال مـــــــــــره وبالتحديد عند ال هادي بن زايد ،،،،



اما بالنسبه لسبيع يحضرني الان هيتين

الاولى صبحا


والثانيه نهار المبرنس





اما مطير فأظن ان المبرنس خير شاهد ودليل


وهذي قصيدة قصيدة بن حنيف في الامير جفران الفغم بعد المبرنس


يوم ريت أنا لمة جموع البوادي
كل ٍ بجمعه والمظاهير تتلاه
ما نضرب الإ الراس ولا الثنادي
لا نقتصر من دونه ولا حنا نتعداه
جانا الفغم مع أول الجيش عادي
وأتلى العهد به والحدايا تدالاه
كم حاشراً منهم تدش الحدادي
تصبح وتمسي ونومها ما تهناه
كله لعينا مقرعات التوادي
يحلف عليها الحبل ما عاد ترعاه



ارجو اني جاوبتك على سؤالك ياعبيدي،،،



اما بقولك وش جابهم لذا القبايل وهم في الرمله فهذا انتقاص للمره وهذا غير مقبول لكن انا في محلكم ولاني براد عليك احترام لهذا المنتدى الكبير باسمه وبربعه وجيه محلف،،،،


واحب اذكرك ان ال مــــــــــــــره يلقبون ((بعيدة المغازي ذبّاحة الجوازي))




واسف على الاطاله،،،



اخوك شمال الجنوب،،،

يالربع تكفون أبي رد ابن وســــــــــــــــــــــــــام

__________________

ارحب يالمري

عليم الله ان مافي النفوس شيء والقلوب صحاح


وحنا وانتم يامحلف رفقه ونسب وعلوم تجمل ولا يهزنا كلام صغار سن الي يتكلمون بالفاضي والملليان


الله يكفينا شر هذي الفتن ويعافينا عنهاااااا


والناس الكبار والفاهمه والواعيه من يام وقحطان تنفي الامور الي حصلت في الفتره الاخيرة وتستنكرها لانها بعيده عن عوايد صبيان محلف من الهواجر وال مرة والعجمان


تحياتي لك

انا ما ادري ليش يسمونه ابن الذيب

الاسم الحقيقي هو ابن خر الذيب

هذا مايناقله اكثر الياميه والمعروف لديهم بانه محمد ابن خر الذيب

يعطيك العافية

__________________
][][§¤°^°¤§][][قحطان وان ركبت ظهور خيولها ******* تهتز مصر والعراق الاسفلي][][§¤°^°¤§][][