يالعيد - شاعر مخربها

يالعيد كنت الوصل بين المخاليق
عقب السعاده والقئ بالهدايا

خلوك فرصه للعير والتعاليق
ناسً تجمع للخزى والحكايا

لجل النميمه فالمجالس مطاليق
تنقل ردي الهرج مثل المطايا

من طبعهم تلقى الشوارب محاليق
والثوب يلمع والخصر له مزايا

وجنوزهم يوم تركوها معاليق
مستغربين الثوب قدم المرايا

لشعورهم قصاة مدري مفاليق
أهل القزع مستبعدين المنايا

لاعيدهم يصلح ولا العاده تليق
ووجودنا معهم وجود الزوايا

دام المراجل فالضلوع المغاليق
نسكت لاصار الهرج عككس النوايا

صح السانك ياقحص

__________________
قحطان ابونــــــا وهود جدنــــــا،،،،،،،،،،،،وشيوخنا مثل النجوم الزحــل
قحطان وان مست سروج خيولها،،،،،،،،،،اهتزت لها نجـد والعــراق الاسـفلي
شجعــان لمن المهـــور تنــاطحت ،،،،،،،،،كرمان لمن الســماء لم تهمـل
والله لولا ذل ضـــرب ســيوفــهم ،،،،،،،،،،ما بقي فيهــا مذن ولا مــهلل