طوارفهم إلى قالوا (عواطف) = تخفس الجن عنهم بالرمالي

هذه قصيدة قالها الشيخ/ علي بن وازع بن علي بن شديد ال مخثله (اطال الله في عمره)
وهي ردا" على القصيدة التي وجهها له الشيخ/ضويحي بن ملهي امير ال مشني من آل عاطف (ولكن مع الاسف لم اعثر على قصيدة ضويحي)
ومناسبتها تتضح من مضمونها
[poem=font="Simplified Arabic,6,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
انا يوم الخميس اللي تعدا=بوسط اليوم من قبل الزوالي

لفاني من صديق لي رسالة=هدية غالي تهدى لغالي

وجدت بها الكتاب اللي معبّر=على ماعبرّه يرتاح بالي

تلقيته وحييته بقلبي=عدد ماهلّ مطّار وسالي

شعيب من فروعه والجوانب=على مجراه زفته التلالي

تلقيته بشوقي واحترامي=واقـّدر صاحبه واللي عنى لي

واظن اللي تعنى به (ضويحي)=هو المسؤل عنه اول وتالي

عنى به شيخ من شيخان قومه=وسيع المعرفة ذرب الفعالي

كريم من كرام ماتحايل=لهم في ساعة اللازم مجالي

لهم عادات وافعال قديمة=لهم تاريخهم ياهملالي

طوارفهم إلى قالوا (عواطف)=تخفس الجن عنهم بالرمالي

بعدا هذا نعود إلى الرسالة=هدية غالي تهدى لغالي

نشوف اللي معانيها تضمه=ونبعث رمزها للي روى لي

يقول العرض مصيون الكرامة=ولاتقفاه كرمان السبالي

وطرح الجاه عند اللي يهينه=خسارة مايقّدر بالريالي

وبيت اللاش خله لاتمره=على يسراك خله بالشمالي

وضعيف الراي بالك لاتساله=فلابده على رايه يسالي

ودور في لزومك من يعينك=على مبدا القصيرة والطوالي

حكيم الراي طحطوح صميدع=يدافع عنك صعبات المدالي

ويذكر لي وقوفه في لزومي=يقول انا معك بأيات حالي

واقول الله يكثر من امثالك=رجال الجود ورجال المعالي

ولايخلي من الدنيا وجودك=ويصلح لك بمالك والعيالي

ترى ياشيخ كل اللي ذكرته=كفاني عنه ملحوظ بدأ لي

وانا قدني على الطرقة معنى=كما قالوا على سبل المثالي

اعرف رجال وقفات اللوازم=كما وقفة (عشق) يوم ارتكى لي

وانا قبله طويل الوقت حاير=بوسط البير من جال لـ جالي

صمد فيها بوقفات صعيبة=طويل الباع شهم مايبالي

ولا يخشى في الحق الملامة=ولو قالوا بذا عمي وخالي

كريم كل نظراته بعيدة=وكيده لاتنكّر مايشالي

عسى اللي ساعدوا له في طريقه=على الموضوع في حلة اشكالي

يحل الله مشاكلهم جميعا"=ويجزاهم بفعل الخير والي

وانا لي عادة امشي عليها=تولفني بذربين الفعالي

هل المعروف ورجال المرؤة=صديق وافي لو ماحكى لي

وانا في بعض حالاتي مكلّف=معا وقت طويل ماصفا لي

ولكن قد مضى قبلي ومثلي=رجال تشتكي عن ماجرى لي

وانا لي عند معبودي سراير=بدون اعلان يفهم كل حالي

اساله في خواتمها السلامة=وعفوه والنجا بآخر سؤالي[/poem]

بيض الله وجهك والله مايستقرب الطيب من ال سعيدان

مشكور اخوي حمد على مرورك الكريم


تحياتي لك

يعطيك الف عافية يالسعدي ..

والشيخ عشق كفو ..

وبيض الله وجهك ..

__________________


http://www.qahtaan.com/works/up/get....fmnp1261962149

بيض الله وجهك

وبيض الله وجه ابن سعيدان

ورحة الله على من مات منهم

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

لاهنت ياذيبان

وبيض الله وجهك

قصيدة رائعه ونقل مميز

ارحب ياحمد

ووجهك مايلام

مشكور على مرورك يالغالي

ارررحب ياشامان

الله يعافيك00 ووجهك مايلام

مشكور على مرورك المشرف

اررحب يامشاري

ووجهك مايلام

مشكور على حضورك المشرف والمميز دائما

اررررحب ياكحيلان

ووجهك مايلام

الاروع حضورك المشرف

تحياتي لك