شارك بأجمل بيت شعر

‏يامساء الخير والتجلي ... حسب التوقيت المحلي

أهلاوسهلا بك طال عمرك ,,

__________________

سلمت لي يالغالي

بوجودك طال عمرك

اشغلتني من بعد ماكنت خالي
وعلمت عيني الدمع وقلبي ونينه ..
ياما جرالي منك ياما جرالي
والمبتلي بالحب ربي يعينه ..
أغليك ومدري ليه دايم تغالي
... وتمّن بوصالك عليك وعلينا..
تبعد وتهجرني وانت اقبالي
ولا بعدت عنا علوم شوقك تجينا ..
تسقى من العاكر ، ونبعك زلالي
مدري تخاف من الهوى أو تهينه ..
غريب طبعك والغريبة تغالي
محظوظ أنا من كل زينٍ بشينه ..
أول أسمي كل عشقٍ هبالي
والوم ضعف اللي يحب و أدينه ..
واليوم أنا شفت الهزاوي فحالي
كن الهوى داين ، وأنا أرد دينه

في خاطري حاجه,ولاقلت حاجات
,,,,,,,,,,,,,,,حاجه فقط,ماقلت مليون حاجه
كافي علي من ضايع الوقت,مافات
,,,,,,,,,,,,,,كافي على غصن الغرام,أنعواجه
ياما تنازلت,,وتنازلت,,بسكات
,,,,,,,,,,,,,,,أقرأ العتب وأنساه,عند المواجه
وأشره على الصياد في بعض,الأوقات
,,,,,,,,,,,,,,,لاصار,ضيع صيدته في عجاجه!

__________________

العتب دمع والاحلام سرب الحمـام
والمكاسب طعون وذكرياتك وسايـد

حل طاريك وارخيت الرسن للكـلام
قلت ابكتبك لو حلمي وراك متكايـد

انت يامن بعدك الصبح عاف المقـام
انت يامن بك الجزلات صارن عوايد

حبك الغيث وقبالك طيوف السـلام
ريحك الهيل وملاقاك راس الفوايـد

انقض اليل لعيون السهـر لا ينـام
اوقد الجرح لا تبرد كفوف القصايد.!

__________________

هذا الخطا اللي ماتوقعت يخطيه . . شف كيف كشر طيب القلب نابه
أثر الحسد لاعشعش بصدر راعيه . . يجعل من قلوب الحبايب ذيابه
اللي تعلم من سكوتي تماديه . . علمني استقبل خطاه برحابه
والواجب انه لو جحد فزعتي فيه . . مايجحد حقوق النسب والقرابه
وانا اللي يوم ان المصايب تبكيه . . كنت اقرب إله بضيقته من ثيابه
اللي تعاف اوله ينعاف تاليه . . وانا كفا صدري من الغيظ مابه

__________________

لو راح بي جزر غيرك جابني مدك
ولاهب طاريك بشراعي ومجدافـي

تشوقني لالبست من الوفـا قـدك
مالي عذر عن وفالك ولينك الصافي

تأكد ان المشاعر ما تقـف ضـدك
لاخانها البرد ترجي صوتك الدافـي

__________________

مرت الستيـن مــــــــــازال الجهـل
كل ما جيت استره يكشف غطـاه

مرت الستين فـــكري مـا اشتعـل
كلمااشعل جذوتـه وقتـي طفــــاه

مرت الستين دربـي مــــــــا كمـل
واقف في راسـه أتأمـل مـــــــــداه

ألتفــــــت والوقـت يدفعنـي عجـل
ماانتهيت من امس وباكر ذا سناه

كل يوم أقـول فـي بـــــــــاكـر أمـل
وان حضر بـــــاكر رجيت اللي وراه

أرفع الهقوات لــــــــــو حظـي نـزل
واقنص القاع الذي مـــا احد وطـاه

المراجـل مـا بطلبتهـا خجـــــــــــل
يخجل اللي يقــدر الطيب وعصـاه

السنين اشعـــــار والشاعـر مثـل
يفهمه من شاف بــــالعقـل وقـراه

أكتب الايـــــــام في شعـري غـزل
كـــل بيت عاش في عمري حيـاه

__________________

لاتضيّع حكمة الصمـت إذا كثـر الصيـاح
واترك العالم يروحون صوب وروح صوب

وانظر بعين البصيـره تـرى الدنيـا كفـاح
ماتشـوف إلا معـارك وغالـب ومغلـوب

__________________