الطيـب وأهـل الطيـب عاشـق ومعشـوق ..&&&

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,white""] الـشـعـر لـــه فــاتــل ونــاقــض وفــــاروق=والـســوق لــــه ســايــم وشــــاري وبــايــع
والـلـي ربــح ببضاعـتـه يـمــدح الـســوق=والـــنـــاس تــطــلــب نــــــادرات الـبـضــايــع
يــا مــدوّر الطـيـب تخـيّـر عـلــى الـــذوق=وأحـفـظ مـعـك مــن قــول فــارس ودايـــع
لــو كــان بـالإرشــاد والـنـصـح مـسـبـوق=ذكـــــرى لــعـــل لــهـــا تــــــرق الـسـمــايــع
جـواهـرٍ معـهـا شــذى الـمـسـك مـرفــوق=ومـعــهــا الـتــجــارب مـثـبـتــه بـالـوقــايــع
واللـي لبـس مـن جوهـر المرجلـه طـوق=مــثــلــي مـــجــــرّب والــتــجـــارب نــفــايـــع
سافـرت لــي طـرقـه وطبـيـت لــي ســوق=وخــاويــت فــــي دربــــي جـمـيــع الـنـزايــع
والله خــلــق فـالـنــاس مــيــزات وفـــــروق=الـــنـــاس شـــتـــى بـالــشــيــم والـطــبــايــع
أحــــدٍ عــلــى مــبــدأ ولــــه نــظــرةٍ فـــــوق=وأحـــدٍ كـمــا ثـلــجٍ عـلــى الــقــاع مــايــع
ولانـــي وكـيــل آدم عـلــى كـــل مـخـلـوق=لــكـــن أشـــــوف بـخــلــق ربـــــي نـــوايـــع
أشفـق علـى الطيـب ولـي رفقتـه شــوق=غــريـــب وإلا مــــــن قـــريـــب الـجـمــايــع
وراع الــردى مــن دونــه الـبـاب مغـلـوق=بـيـنــي وبــيــن أهــــل الـسـفـالـه قـطــايــع
الطيـب وأهـل الطيـب عاشـق ومعشـوق=والـطـيــب لـــــه مــبـــدأ وحــكـــم وشــرايـــع
والمـرجـلـه وهـبــه مـــن الـــرب ووفـــوق=والـــديــــن رأس الـمــرجــلــه والــطــمــايــع
والـرزق مـن ربـي ولــه فــرض وحـقـوق=مـن يطلـب أرزاقـه مــن الخـلـق ضـايـع
والأخـــــذ بـالأســبــاب ثــابـــت ومــوثـــوق=وتـوفــيــق ربـــــي هـــــو خــيـــار الــذرايـــع
ولا كــــل مــطــرودٍ كــمــا قــيــل مـلـحــوق=قــــولٍ مـبـالــغ فــيــه لــــو كــــان شــايــع
إن مـــا جلـبـهـا والـــي الـعــرش بــرفــوق=كــثــر الـمـطــارد مــــا يــحــوش الـنـفـايــع
ومن يحسـن النيـه مـع النـاس مـرزوق=ومـــــن يـتــقــي ربـــــه دروبـــــه ســنــايــع
والــكـــذب ثـــــوبٍ مـايـجـمَّــل ومـشــقــوق=ولا يــنــرفـــي شـــقــــه بــكــثـــر الــرقــايـــع
ومــن لا يـحــط أســـرار قـلـبـه بـصـنـدوق=ويــجــوَّد الـمـفـتـاح عـــــن كـــــل صــايـــع
يـفـتـح عـلــى نـفـسـه مـداخــل وخـــازوق=وقـنــاصــة الــفــرصــه تـــزيـــد الــجــلايــع
ومــن يـقــرب الأنـــذال لا يـامــن الـبــوق=الــنــذل خــايــن مـــــا يــصـــون الــودايـــع
عــقـــرب ثـــــرى وإلا كــمـــا نـــــاب زاروق=لا صـــــــادف الـــغــــرات لــلــســـم زايــــــــع
وأحــــذر تــــرى الـنـمــام لـلــشــر نــاتـــوق=دايـــــــــم يــــقـــــرَّب لـــلـــشـــرار الــــولايـــــع
مــن المـكـارم خـــارب الـقـصـد مـسـلـوق=وعـقــلــه لـنــزغــات الـشـيـاطـيـن طـــايـــع
وترى الردي شمـعٍ علـى الحيـط ملـزوق=لا أونـس حميـم الشمـس جـاك متمـايـع
أحـــذف ردي المـعـرفـة حـــذف خـمـلـوق=لا تـــنـــخــــدع بــالــزبـــرقـــه والــلــمـــايـــع
عـلـيـك بـالـطـيـب لــيــا صــــرت مــزنــوق=الــــلــــي فـــعـــولـــه كــلــبــوهـــا روايـــــــــع
يشـيـل عـنـك مـــن الصعـيـبـات طـــاروق=ولا يـلــحــق الـمــنــه جـمــيــل الـصـنــايــع
لامــن عــن الـواجـب هـبـا كـــل مـزلــوق=يـــقــــوم بــالـــواجـــب بــعـــيـــد الــرمـــايـــع
والشـارب اللـي ساعـة الضيـق محلـوق=وقــت الـرخـاء مــا أحــدٍ يـبـي لــه فـزايــع
خلـه ولـو شفتـه علـى الوجـه مصـفـوق=ولا تـسـتـشــيــر مـجـالــســيــن الــربـــايـــع
وإن كان في صدرك قنا الوقت مـزروق=خــلـــك عــلـــى الــشـــده قـــــوي الـبـتـايــع
واضـرب علـى الكايـد ولا يلحـقـك عــوق=وأطــلــع ســنــود وخــيـــر ربـــــك طــلايـــع
والشمس لو غابت يجي صبح وشروق=والـحـق لـــه صـيــتٍ مـــع الـنــاس ذايـــع
يقـدم عزيـز السـاس لــو كــان مفـهـوق=ويــأخـــذ عـظـيــمــات الــمــراجــل قـــلايـــع
وأبـلـيــس أخــــو مــــره مــربَّــط ومـفـلــوق=وفــــي كــــل يــــوم يــــزود حــــر ولـقــايــع
نـركــي عــلــى كــبــده مـراقـيــع وحــــروق=وعــــروق قـلـبــه مــــن وحـمــنــا مــزايـــع
[/poem]

__________________

صح لسانك ولسان الشاعر وبيض الله وجهك

وهذه القصيدة للشاعر محمد بن عرير

اختيار موفق وفقك الله أخوي مبارك ونرحب فيك

وتستحق التقييم اهلاً بك ..

__________________

صح أبدنك أخوي سفر ..

وجهك أبيض يآ غالي
شاكر لك ومقدر كرم الزيآرهـ والتعريف بقآئلها ..

تقديري وأحترآمي

__________________

صح لسانك ولسان الشاعر وبيض الله وجهك

وهذه القصيدة للشاعر محمد بن عرير

اختيار موفق وفقك الله أخوي مبارك ونرحب فيك

وتستحق التقييم اهلاً بك ..

__________________