يقول من عدأ على النايف ضحي
واختار من زين المثل ماطراله

هرج على معنى مسيس ومبني
ويقال صح لسان من كان قاله

أطرد زمان صار متردي في
وحظ ن على الله طيحته واعتداله

الله من حال طواه الزمن طي
طي الرشا من فوق وسق المحاله

مر ن تسند رجلي ومر تنحي
متعني ن بين الجنوب وشماله

جيت الكويت وجيت عمان ودبي
وطفت الخليج وطفت ساحل صلاله

والساحل الغربي ونجران وطحي
والساحل الشرقي ونجد وتباله

تدرون ويش حصلت في طرقتي ذي
تدرون ويش المكسب وراس ماله

لقيت عز نفوسنا مالها زي
لو ما لقا الرجال قيمة عقاله

ومن لاتجمل في حياته وهو حي
في الآخره ماهوب ويا الجماله

حمد ابو ظهير

__________________

ومن لاتجمل في حياته وهو حي :: في الآخره ماهوب ويا الجماله
ياسلام عليك يا ابوظهير في قمة الروعه وأنت ياحمد الضلافيع أبيض وجه ومشكور على النقل الموفق . تحياتي وتقديري لك .

لقيت عز نفوسنا مالها زي ؛؛؛ لو ما لقا الرجال قيمة عقاله