قصيدة تسخر من زيادة لـ 5% نسبت للمنصوري مقدم برنامج شاعر المليون

[frame="1 80"]تناقلت بعض المواقع الاخبارية والمنتديات المهتمة بالشعر الشعبي على شبكة الانترنت قصيدة ساخرة من قرار زيادة الرواتب الأخيرة ، نسبت للشاعر الإماراتي هادي المنصوري مقدم برنامج شاعر المليون وهي على النحو التالي :



[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
سر يمنا لدبي يامرحبا السـاع = دبي تحفظ للبنادم وقاره
لا تنتظر ياخوي تحسين الأوضاع = ماطولك ياليل بعيد نهاره
صارت مثل بدبي لاطاح بالقاع = حظ ال صبي قالوا بصدق العبارة
حظك سعودي ؟ ويه ياقل الاسناع = لافاد ربح ولا سلم من خسارة
اية بدل ؟ هذي ثـمن كيس نعناع = حتى رواتبكم بدل ( للطرارة )[/poem]

1



فأثارت هذة القصيدة الساخرة الشاعر والإعلامي سعيد آل منصور فقام بالرد علية بقصيدة وهي كتالي :


[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

تخسا وتعقب حقدك اليوم قد شاع = وبان القناع اللي ستركم وقاره
الوضع متحسـن ولا بيننا جيـــاع = وشبه الجزيرة ما تقارن بـ أماره
لا بيننا هندي وسندي ولا رعاع = الشعب واحد في الشكل والعبارة
هذا وطنا موطن أحرار وسباع = ماهو بمدهال لــ نـشوى وساره
مهبط وحي ترقى على كل الابقاع = يكفي بها مكة وطيبه مناره
وأصغر سعودي ما يقارن بفزاع= لا دق زير الحرب وأشعلت ناره[/poem]



وانا اقول::


من شاعر المليـــــون ضاع الفتــــى ضـــاع
ومثـــــــله يحب يكون وســـــط الاثــــــــارهـ



من ديــــرة (ن) فيها الاجنبي صدق ماجــــاع
أبوفسيـــــــــة عايشــــــــن في عمــــارهـ

كثـــــرت فضايحــــــكم على كل ألاسمـــــــاع
والرجــــل منـــــكم ماتلفت لعـــــــــارهـ

راح الادب بالرجــــل وفي غيـــرته مـــــــاع
يمســـــــي ويصبح ماسكن له زقـــــارهـ


للفن عشتم زيف ياشين الاطبـــــــــــــــــــــــاع
وراحـــــــت ديار الشيـــخ سكر و دعــــارهـ


انا سعــــــــــودي مذهبــــــــي ديـــــن منـــاع
خــــــــــادم لبيت الله با بــــــــــسط عبـــــــارهـ


ماجيـــت أدور عـــــــرض شـــــاري وبيـــاع
والــــــرزق عنــــــــد اللي يـرد الخســــــارهـ


حتي يزين الوقت وتزين الأوضـــاع
ولاعيــــــــش مع هيـــفا ونانسي وســــــارهـ

وقحطان ساس المجد في كل الاصقاع
اهل الولا والمجد بين شعاره [/frame]


وهذا رابط الخبر المنشور

http://www.sabq.org/inf/news.php?action=show&id=4745

والله ان هادي المنصوري شاعر ماتوقع انه قايله والظليمه شينه

والشعب الاماراتي حبايبنا

وعموما أقول للي قالها مهما كان قائلها

( ماعلى الذيب من طقاع النعاج )
أبيض وجه يا حكيم الشور

وشعب ابومتعب اكبر من انه يكون مصخره

والله لا يهينك ..

__________________

[frame="1 80"]ابومحمد[/frame]

الله لا يهينك على نقل الموضوع وعلى القصيدة الجزلة


أن كان قايلها المنصوري

فهو مايعرف أن دولتهم ولا تجي نصف الرياض

ويعرف أن المملكة فيها أطهر بقاع في الارض مكة والمدينة

ويعرف

ويعرف

ويعرف

إلخ

__________________

صراحه قصيده مالها سنع


لكن حنّا اللي حطينا الدرب علينا


والشعراء اللي ردوا لي على ردودهم بعض التحفظ


فصحيح ان دولتنا مهبط وحي وتنعم بقياده عظيمه


لكن هناك اذناب حطونا في موقف لا احد يحسد عليه في العالم


الناس ماتوا في الشمال وفي كل ديره والنتيجه بطانيه نفر ماتدفي ورع


ولا زياده خمسه في الميه ماتجي مية ريال ماتجيب قوطي نيدو


يعني قويه شوي كيس نعناع


وبعدين انت ياكاتب الموضوع وش دخل قحطان في السالفه؟؟؟؟


الوضع مع احترامي لك ولنصك لا يسكت عنه


اما زياده مع المسلمين ولا بلاش


وشكرا

__________________
]

مااتوقع المنصوري يقول هالشي ولا يكتب هذي الابيات ...





لكن ان كانه كتبها فعلا : فالله يجعلها بين حجانه

__________________

لسماع قصائد الشاعر : سعيد بن مانع
اضغط هنا

نفى الشاعر المنصوري ما نسب اليه

والمنصوري شاعر محترم ولا يمكن يقول هذي الابيات

^
^
^
^
^
^

للشهرة ضرائب

و

للنجاح أعداء



تحياتي للجميع

تقبل مروري

__________________
h-albeshri@hotmail.com

ياليت تشوف ها الرابط والذي ينفي فيه هادي المنصوري هذ الخبر عموما يعطيك العافيه يالحكيم


http://www.qahtaan.com/vb/showthread.php?t=38680

__________________

المنصوري نفى ولا يمكن أن نصدق أن الشاعر

هادي المنصوري هو الذي نضمها ، قد يكون شاعر

آخر بنفس الإسم .

وبيض الله وجيه الشعراء اللي ردوا وكفوا ووفوا .

لاهنت ياحكيم الشور

والقصيدة تعكس اخلاق وادب قائلها


وبيض الله وجهك الشعار اللي ردوا ولاهانوا على كل حال