السلام عليكم ورحمة الله وبركاته
كل عام وأنتم بخير
ومبروك عليكم الشهر


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="1,black"]
مريت دار(ن) ولوها أسلافنا الأولين=ما باقي ألا بعض الأطلال والذكريات
والذاكره صوّرة لي ما مضي من سنين=شريط والمخرج المخيال للقنوات
والعين تذرف مطر والصدر جر الونين=تدمع عيوني نهر دجله ونهر الفرات
للدار يجذبني الأحساس شوق وحنين=كنّي بوسط البحر من دون طوق النجاة
تقبل وتقفي بي الدنياء شمال ويمين=المقبلات الليالي السود والمقفيات
وأقدام رجلي تمشيني علي الحارتين=مابين حيّ السلي وهضبة المرسلات
يا لين سويت مثل معايد القريتين=وتصريح بعض الدول في سلة المهملات
بسري في ليل(ن)بهيم وعارف الدرب وين=في سهلة(ن)ما تشاف جبالها العاليات
يا ليتني من شهداء بدر وألا حنين=جهاد عبّادة الأصنام فرض وثبات
اليوم نبغي جهاد الكفر يا المسلمين=ننزع قناع الهوان وننسف الطايرات
والموت واحد ولحد القبر لبنه وطين=وشهيد الأسلام حيّ أن قالوا الناس مات
ومن لا مشي في رضاء الله ثم رضاء الوالدين=هيهات ترجع به الأيام ما فات فات
هنئ من فاز بالثنتين دنياء ودين=وجنات عد(ن)تحت مواطئ الأمهات
وأفضل نساء العالمين أم الحسن والحسين=تحت السماوات فوق الأرض وأربع جهات
والصبر وقت المصايب خير للمؤمنين=ولله ترخص جميع أموالنا والحياة
الي متي يا هل التوحيد مستسلمين=قوموا وراس اليهودي نذبحه ذبح شات
كم دولة(ن)وسطها يا عرب مستوطنين=لين أصبحت دولة الأسلام مستوطنات
دوله قبل ما تجي بلدان متجاورين=من قبل رسم الحدود وقبل حفر القناة
بكره جميع الدول مصير أريحا وجنين=دول ضعيفه ومحتلّه ومستعمرات
عيدوا صفوف الشعوب الدار حصن(ن)حصين=توحّدوا في وجيه الغرب وأنتم شتات
والظلم واقع علينا في كلا الحالتين=نشجب ونستنكر العدوان والقاذفات
والوقت للمسلمين وكل ماله يشين=ما عاد يستنكرون الشر والمنكرات
وأنتم مابين الأمم يا عرب مستضعفين=يكفي جلوس المذلّه مثل وصف البنات
عبيد للغرب يا أهل الدين مستعمرين=في زحمة الأغنيات وزحمة الراقصات
غزوا شباب العروبه والعرب نايمين=والدش بثّه عبر الأقمار للساقطات
أفلامه الهابطه ماهوب للنشئ زين=قمر أوروبي تذبذابه مع عربسات
الله يذل اليهود ويخزي الحاقدين=هو ناصر المسلمين وناصر المسلمات
ينصر هل الدين والملّه علي الكافرين=يخزيهم الله ويخزي جملة الكافرات
والسيف يشكي من الأرهاب والمفسدين=مبطي ولا شال حد أرقابهم في الصفاة
غيروا وثوروا وصدّوا جبهة المعتدين=عيدوا تراب الوطن وأمجادنا الماضيات
بعد النبّي والخلفاء الأربعه الراشدين=وبعد الصحابه وبعد أهل السلف ما نبات
الله منزّل سؤر الأيات للثقلين=وأختار خير البشر للدين والمعجزات
ودنياء(ن) تزخرف وتفتن لذّة الغافلين=من هو سلم من فتنها طاح في المغريات
المستديره بنا مثل الرحي والطحين=ويا الله تهوّن علينا الكود والكايدات
من صد وأقفي وخلاها من الرابحين =اليوم كل(ن)يدوّر من غثاها النجاة
والغرب ضد العرب في الحرب متحالفين=غزوا شباب العرب بالخود والمسكرات
غير الكنايس وضد الدين مستنصرين=واليوم يا أهل الشرف ما عاد فيها سكات
لبنان والقدس محتلّه مع الرافدين=وديار الأفغان بالقوات والبارجات
و أرجع لشبه الجزيره وأهلها الطيبين=أهل الكرم في حقوق الناس والواجبات
عرب تقدّم لوجه الضيف سمن وسمين=وأهل بيوت(ن)تشاف أنوارها الوالعات
للجار والضيف وحقوق العرب حافظين=حموّا مواقيفهم بالشّلف وأم القناة
هم مزبن المستجير ودون وجهه ضمين= للصّحب وبل السحاب وللعداء صاعقات
علي جميع الصفاة الطيّبه حايزين=يوم أذكر اليوم بعض أخصالهم كافيات
لا صلوا الفجرخلف أذوادهم سارحين=قدّامها في ظهور الخيل ومفلّيات
علي النقاء والتقاء للضيوفهم واقفين=وذيدان وجه البدو في دارهم سارحات
يذري ذراهم ويقرون القري الجايعين=وطاعوا لدعوات أبو تركي وغيره عصاة
ولا أصلحوا لين مات من البدو قائدين=شيخن دفن في الحساء وشيخن دفن في مرات
واليوم حنّا لصوت أهل الحكم سامعين= علي الشريعه وسنّة من عليه الصلاة
يا هل الشرف والصبر والجود والمستحين=تجنّبوا موضة الصرعات والمايلات
ولا لكم مع هل الخنزير ربع وخدين=الماكرين أسرة التكفير والماكرات
سيروا مسار النبيّ والصحب والصالحين=والمؤمنات العفاف العرض والصالحات
المتّقين الرّكوع الخشّع الساجدين=والطيّبين أسرة التوحيد والطيبات
رجال من خشّية الله في النساء عادلين=ما سبّلوهن تجاره سلعة العاهرات
يقبّل المسلم أمّه راسها والجبين=والكافره من ولدها شافت السيّيات
والمسلمه مكرمه علي نساء العالمين=تمشي بحسن الخلق والجسم تحت العباة
والمسلمه قاسّيه في عرضها ما تلين=والكافره عاريه وأطرافها عاريات
والمسلم الله عطاه الجود للغانمين=والطيب يجزي مع أهل الطيب عشر حسنات
يصون عهد الرجال وللأمانات أمين=وللجار والضيف والصاحب سوات المرات
يعرف حقوق الرجال أهل الوفاء العارفين=يتبع هل الدين ما يمشي دروب الشمات
هذا حديث النبيّ والصّحب والتابعين=وأيامنا والليالي كلّها زايلات
صفّوا وكانوا حماة الدين متكاتفين=علي ظهور النضاء والسبّق المسرجات
علي العهد والوعد والصدق حلف اليمين=والمصلح الله وحده عالم الخافيات
والله غفور ورحيم ويقبل التايبين=مفتوح بابه لعبّاده وللمظلمات
يا حظ من سبّل أمواله مع المحسنين=مضيف عابر سبيل وصون للأرملات
وأمّك غذتك بغذاها وأنت عادك جنين= وهن(ن)علي وهن حملت بك وفيها وصاة
شالتك تسعه ومرضعتك لبنها اسنتين=وأبيك قلبه معك لو كان قلبك حصاة
وحسناك في الأقرباء تلقي العوض حسنتين=تاخذ جزاها علي الدنياء وفي النازعات
والله يحب الصدوق وماقف الصادقين=في يوم تذهل به المرضع في الحشر والراجفات
ميّت وكل الخلايق في الثري ميّتين=يبقي عزيز الجلال وخالق الكائنات
يا الله يا قابل(ن)دعوة دعاء المحرمين=من روس جند النصارا تشبع الحايمات
وحنّا علي الدين يا أهل الدين متعاونين=مع الجماعه نقوم وننثني للعداة
يا المسلم الكافرأحذر منه حقده دفين=خلّك حذر وأنتبه لأهدافه المقبلات
والحق قدّام كل الخلق لأهله يبين=والقادمات أن يشآء الله عاضت الرايحات
من جحر واحد ما يلدغ مؤمن(ن)مرتين=حديث للمؤمنين أنذار والمؤمنات
كونوا لدار(ن) ربتكم يا عرب محتمين=تنالوا البر والخيرات والمكرمات
صفوّا صفوف العرب من زمرة الخاينين=المجد تحت السماء ما يقبل الهينات
وحنّا كعام العداء ولطامة العايلين=علي البسيطه نهد اجبالها الراسيات
وحنّا لحوض المنايا والخطر واردين=نارد لجمع الورود ونلحق الصادرات
نقدم علي المعركه وأن هابوا المرجفين=ونفوسنا من هل الردّه عيان(ن)براة
نرهب قلوب الذيّاب ونمّن الخايفين=ما كل يوم(ن)ظلال اقصور ومكيّفات
البايعين الحياه وما بها الصاملين=ننطح جموع الرجال وننطح الراجمات
لامن دعينا لخوض المعركه حاضرين=حنّا هل الدين والتوحيد والتضحيات
علي رقاب العداء نشيل سيف(ن)سنين=نشبع نسور(ن)تحوم ونشبع العاويات
ما وسطنا عاش فرخ البوم وأبا الحصين=ألا نمور الليال السود والقانبات
لا ثار عج المعارك عندنا خصلتين=نشبع نسور السماء وذيابها الجايعات
هذا كلام الصراحه والعرب خابرين=نثبت سواليفا بأفعولنا البيّنات
وحنّا من الغرب وأهل الكفر مستهدفين=تطوي السنين العمار وكلّنا في سبات
رقوا الكواكب وحنّا بين معزا وضين=سوات غابه نهاب أسودها الضاريات
للغاز والزيت وأرض أجدودنا طامعين=وحنّا نمسس طرف الأشناب بين الخوات
لا يا قروم العرب جرح(ن)بقلبي مكين=عسي العوض يا عرب في أيّامنا القادمات
يا كم وكم في البلد عمّال متخلّفين=ومعاملات الخفي وسط البلد باطلات
وسكان طيبه من الحجاج وأهل القرين=من روسيا ومن بلاد أثيوبيا اليوم جات
لو بيدهم ريح الأنسم تقطع الأكسجين=ناس(ن)توّرد علينا الخمر والخايبات
أؤل ما ياتيك واحدهم ذكاء يستكين=يمشي مع أبناء جنسه في الشوارع حفاة
متسوّل(ن)عندنا لكن ضلعه متين=يومين يبني علي المكشوف مستودعات
في عام تاجر ما ندري جاب ماله منين=يرسل كروته علي التجّار والتاجرات
وخير البلد من كسلّنا في يد الوافدين=دخل بنوك الرباء غسيل ومساهمات
وشبابنا كم سنه عن العمل عاطلين=يا مكثر العاطلين ومكثر العاطلات
وعلي فساد الأداره يا الله أنّك تعين=تقضي علي الفاسدين وتنهي الفاسدات
والله يوفّق ملكنا قولوا آمين آمين=همّه شباب الوطن ويزوّج العانسات
زاد الرواتب وعيّن في البلد مصلحين= وبناء المساجد وسوي حولها المكتبات
مشّي رواتب كبار السن والمعدمين=يلقي جزاها نهار الحشر والقارعات
وزّع مساكن علي المسكين فاضي اليدين=وأراضي أمنوّره وزفلت ومخططات
ملك وعادل في شعبه مطلق الراحتين=يصلح ما بين الشعوب وينبذ الترهات
يعفو عن التايبين ويطلق المعسرين=له عام في الحكم صدّر طيّب المكرمات
من حر ماله طلع من كان مسجون دين=وأسمه يسجّل مع شرهات ومقررات
سيف الشريعه معه يقطع يد السارقين=ما يعرف الشرع كذب وزور ومجاملات
أبعد خباث النفوس وقرّب المخلصين=بطانته من مشاكيل الرجال الثقات
وكرسي أمامه بكفّه يسند الطاعنين= يحل صعب الأمور بشيك ومسيّرات
من روس حكام في حكم الوطن حاكمين=هم طيّبين الرجال وكاملين الصفاة
للمملكه عادلين وسور وموحّدين=للمسلمين السلام وللمعادي صفاة
أل سعود الكرم للحكم متوارثين=أيّام غزو البدو وأيّام رعيّ الفلاة
وعبد العزيز البطل جاها وهي تستعين=واشرف عليها من أعلي هيت ومغرزات
تحذف عليه الورود وتحذف الياسمين=ومن نجد حوّل لجدّه لا جبال السراة
وحد شعوب(ن)بها من قبل متفرّقين=لم الشمل للعرب هي خطّته والمناة
مرحوم يامن في نجد وفي ثراها دفين=في جنّة الخلد وسط الحور والطيّبات
وسعود عقبه حكم عطاه جزل وسمين=بناء الهجر مع مدارس علم ومرتبات
فيصل بعدهم وخالد و الفهد مالكين=علي الشريعه مشوا رغم أنوف الوشاة
يا جعلهم في جنان الخلد ومخلّدين= يا عالم(ن) بالخفي ويا عالم البيّنات
في جنّة الخلد من حوض النبّي شاربين=يوم الحشر والبعث نطلب لهم بالثبات
واليوم صقر العرب وأخوانه الواصلين=والشعب جيش الشريعه للشريعه رعاة
بشاير الخير بانت مع قدوم الثنين=وليّ عهده كريم ومرخص الغاليات
ونايف وسلمان وأحمد للعدل منصفين=وسلمان حكمه عدل ويعدل المايلات
أبو فهد فيه يا أهل المملكه شارتين=باني بيوت اليتاما و منهي الواسطات
وسطام ريف الضعوف وجعلهم سالمين =وعيون الأمن البواسل للبلد ساهرات
ومن ضيّع أحدود شرع الله مهان وسجين=الله يعز الملك وسيوفه المرهفات
سلام منّي علي حكامنا الواثقين=عدد نجوم السماوات العلا الساطعات
والشك ما يقطعه يا ناس غير اليقين=مستشفيات ومدارس علم مع جامعات
الحمد لله رب البيت متعلمين=تخرج معلمين وخرّج معلمات
وجميع كل القبايل في البلد طايعين=لله ثم الملك وأصحاب الأمر الولاة
وأنا أدري أن القبايل كلّهم جاهزين=ونفوسهم في سبيل الله ودينه هبات
وحضّار كل القبايل تكفي الغايبين=تقهر نفوس(ن)علي ملك البلد طامعات
هذا الحديد ونطق للناس صوت و رنين=عجب وتقرب مسافات الفضاء النازحات
والوقت يطوي الزمن والعمر في كل حين=وتطاولوا بالبنايات الحفاة العراة
ذالوقت فيه الرخم والبوم مستانسين=والذيب يقنب ومن فوقه هجاد وبيات
شبعوا وومنوا وعن عربانهم مغتنين=من قبل ما تاجد الحبّه وحيد الرحاة
واللاش يضحك جماهيره وقلبه فطين=وأن كان سلمت يشّر لك كبير اللهاة
من نعمة الله وخيراته غداله بطين=رصيد في البنك مع شركات ومؤسسات
ومن جور الأيّام والدنياء طلع له قرين=يا كن تحت الرموش من التعجرف قذاة
لامن تكلّم كلامه للأجاويد سين=يغضي بعينه كبر والضرس فوق الشفاة
عرفت وجه السفيه وبان وجه الرزين=ولحوم كل الأوادم شريّ ومحرمات
وآخيرمنّهم صلاتك والعرب هاجدين=بعدك عن أهل الرّدي وأهل النمامه غناة
والله لو أذنيّ الثنتين فيها طنين=للناس ممّا جري ما أقول ويش السوات
وأنا من الله بخير وثم ذرب اليمين=عدّيت سن أربعين ولا بعد قلت هات
يا الله تشفي مراضا(ن)في البلا مبتلين=بيديك نفس البني آدم مولده والوفاة
مشحون فكري غضب والقلب منّي حزين=والبنك يصرف ذهب للغرب ومساعدات
وكم واحد(ن)سجّل اسمه بوش عنده سجين=من دون سابق ظروف أنذار ومراسلات
وفي قايمة زمره الأرهاب متورّطين=كم(ن)سجين(ن)بلا تحقيق ومحاكمات
سبحان من كوّن الأنسان من ماء مهين=وسيّر كواكب فضاء تحت السماء سابحات
ما عصم غير النبّي وأمثالنا مذنبين=والله خلق مذنبين ومثلهم مذنبات
والله موكّل ملائكة القلم كاتبين=يعفو عن التاركين الذّنب والتاركات
وأبليس عايش علي الدنياء وفوقك قرين=عوّذ من أبليس والأيام متقلبات
وحنّا لحكامنا في الرزق متقاسمين=صدورنا من غلاهم طعم سكر نبات
الخير وافر وفاض الوزن في كل عين=لكن بيت القصيده في نشيد بركات
وأنا لا جبت القصيد أجيب شي(ن) ثمين=الوافيات الجزال أمثال والمحكمات
أصخّر الشارد الهارب مع الهاربين=يطيع لو قالوا أسبق من رصاص الرماة
الدر واللول والمرجان يا السابحين=في قاعة البحر تحت أمواجه المغرقات
القاف مرهون ماني للقوافي رهين=نلطم خشوم الهوان ونكرم الوافيات
تخضع حروف القصيده طوع ما تستهين=لامن نظرت القوافي جاتني مسرعات
هجسي لهدّاج تيما ما ورد كل عين= لو كان خيل الهواجس كلّهن ضاميات
الخيل ترقب وعدها والعرب منتحين=علي التّعب والشقاء والقايله صابرات
وأسوقها لين تاصل في الحساب أمئتين=من بعد تصويرها تصوير فن الهواة
يا الله يا الله يا قابل دعاء الصايمين=من غيث جودك مطر يحي عروق النبات
والبارحه ما رقدت أسامر الفرقدين=علي سحاب(ن)سري بنجومه الساريات
نرفع كفوف الضراعه للولي شاكرين= يسمع دعاء الشاكرين ويسمع الشاكرات
ما كل شعب الجزيره كلّهم مترفين=كم واحد(ن)في حلوق كلابها النابحات
ما بيننا عالم الذرّه ومتأخرين=وش فرقنا يا عرب عن الدّول الأخريات
ولا أكتشفنا جهل لو حبّة الأسبرين=وعقول متحجّره في الغيّ متحجّرات
في زحمة الناس حنّا بينهم تايهين=وعقولنا من قلال المعرفه تايهات
لكن وجود السلامه في البلد نعمتين=صحه وأمان وطمان ورز مع خضروات
لأنعام رب البشر من جورنا مسرفين=يعلم خطأ المسرفين ويعلم المسرفات
شعوب بعض الدّول ضعاف ومشردين=من جوعها تاكل الحرمات والميّيتات
علي المرض والخطر من نسلهم يائسين=علي الفقر عايشين ويأكلون الفتات
أمراض وأطفال منظر يوجع الناظرين=المسلمين الفقارا في يديّن الطغاة
فم الطفل في ديود أمه وهم ميّتين=يحزن سخاف القلوب ويحزن المرضعات
وطاحوا في أخس الأمم حاخام أبو نيتين=كم شذ من شاب عن دينه وكم(ن)فتاة
ما ياخذ المسلم العاجز معه ساعتين=فرق ديار السلام وفرّق العائلات
وأنتم في نعمه وعوذوا من بليس اللعين=سيّاره آخر موديل وشيك ومكالمات
لا بيت يأوي عوائلهم ولا مكتسين=وحنّا نعد الفلوس ونبني الناطحات
وللكف بصمه وللأنسان عقل(ن)ذهين=وشبابنا همّته تشجيع ومباريات
منتم علي ظاهر الدنياء دهر خالدين=علي الطرب يا عرب دسكات ومسجلات
ولستار أكاديمي التخريب مدحدرين=في كل شارع وسوق أرقام ومعاكسات
وشبابنا من طباع الغرب متأثرين=علي صدي الفاجرين وصرخة الفاجرات
لا تحسب أنّك مخلد يا ألبني آدم سنين=حنّا علي ظاهر الدنياء حياة وممات
في ظل شجره نقيّل تحتها وراحلين=في موحشات القبور العوج والمظلمات
والقدس يا المسلمين وثالث الحرمين=تحريره أصبح علينا مثل فرض الصلاة
ستين عام(ن)مضت نستقبل اللاجئين=نبني لهم في البلد مسكان ومعسكرات
لكن أقول الله أكبر ينصر الصابرين=نحفظ عهود الوفاء من دون شرط الوصاة
وحنّا من الغرب وأهل الغرب متضرّرين=ما ينفع اليوم شجب الغرب ومظاهرات
كم لاجئ(ن)في ديار الغرب ومعارضين=تحفر وتدفن لنا وتكوّن أمعارضات
عداة الأسلام والتوحيد ومنافقين=ما عاد ينفع معاهم جلسة الطاولات
علي شعوب العرب في الشرق متعاهدين=ونفوسهم للدروب المهلكه هايمات
حنّا ترانا ما حنّا يا عرب هيّنين=يكفي ويكفي سنين أوعود ومعاهدات
يا كم سنه قد مضت لحقوقنا ماكلين=بيت الأمم من قزاز وضرب حيد الهواة
مع اليهود النصارا كيد متعاطفين=فيتو و ينقض قرارات(ن) بها ساريات
مع العدو يا مشاكيل العرب مايلين=وحنّا علي ما حصل وعقولنا غافلات
وشارون ملعون كلب الغرب سوي كمين=مكالة السحت كل أحقادهم مرمسات
زرع لهم بيننا جاسوس ومعقبين=وصحون الأقمار ترسل فوقنا الذّبذبات
وشارون جنكيز صورة هتلر وموسلين=علي بيوت العرب مؤءقت الناسفات
للكلب طوق وعصا ولليث قدر وعرين=والظلم عكس العدل والحق له بيّنات
شبعا مع هضبة الجولان يا المكرهين=وأيدين الأمّه بدون اسلاح ومفجرات
يا أبناء الصحابه نقوم ونطرد الغاصبين=لأم المعارك نشغّل مخزن الصاليات
ما أنتم علي الذّل يا أسياد الأمم مجبرين=تري المعارك ثقات اقلوب ومصادمات
شعب الجزيره جنود الدين ومقاتلين=ترقص نسانا لخوض الحرب وملولشات
مئه تغلب ألف بذن الله ومنتصرين=وجيوش الأعداء عداة الدين مستسلمات
نبيع الأنفس لوجه الله ومكبرين=ومن مات عقبه خواته وأمّه مكبرات
وصلوا لسيد البرايا خاتم المرسلين=من حذّر المسلمين وبيّن المهلكات[/poem]

السلام عليكم ورحمة الله وبركاته

اررررررررررررحب

حيه وحي ماجاب

صح الله لسانك مدد ولاهو بعدد

قصيدة وافية وجزله وعلى اسمها

ملحمه بركانية

وتدل على ان خلفها شاعر ما عليه كلام

وصحت يمناك على نقل هذه الملحمة الشعرية

في تاريخ الشعر


تقبل وافر التحية

__________________
00000000

وعليكم السلام ورحمة الله وبركاته
جبل بن زيد
لا هنت يا القرم وبيض الله وجهك
هذي لي طال عمرك

اشكر اهتمامك وكل عام وانت بخير

كفو كفو والله الي به شاعر

ماشاء الله عليه

والمعذره طال عمرك

تم التعديل

ولي يعذرنا منك هو








الاسم المستعار


تقبل العذر

ووافر التقدير

__________________
00000000

معذور يا القرم
وافي ومن وافين

البركان الثاير




عز الله ما قصرت



صح لسانك عدد حروف قصيدتك



لاهنت


ولاشنت



هذا الاسم يحتفي خلفه شاعر مميز



تحياتي

__________________

البركان الثاير


اشهد بالله ان به شااااعر


صح لسااااااااانك


مدد


واتمنى ان تكون قريت رسااااااااااااالتي


تحياتي يا كحيلان


والسلام ختام


اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الاخ عوض بن شفلوت
صح بدنك لا هنت وبيض الله وجهك يا القرم

الاخ عبدالله المهداني
لا هنت وبيض الله وجهك
وصح بدنك يا القرم

البركان الثائر


صح السانك مدد بلا عدد


مرور واحد على هذه الملحمه لا يكفي

__________________