لاتـــــعـــتـــذر

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاتعتذر فاتـت وحـان افراقـك
=قربك وبعدك فالنظـر سيانـي
شفتك تعديتـي حـدود افاقـك
=واسبابها مدحي ونطق لسانـي
ودامك تصد وخاطري مشتاقـك
=وتزيد لوعات الزمان احزانـي
يمين لاعلنها وازيـد احراقـك
=واسقيك من كاس الهوان الواني
أرسم غروبك رسمتي لاشراقـك
=وارجّعك وقت ٍ مضى من ثانـي
يومك تجين وتشرحين اشواقك
=والدمع يسرق كحلة الاعيانـي
يوم الغلا يجتاح كـل اعماقـك
=وأنا الوحيـد بدنيـة الخلانـي
علمتني في ساعتيـن اشتاقـك
=وانـا علـيّ اعلمـك تنسانـي
ماعاد يغرينـي سنـاء براقـك
=ولاعاد لك في مهجتي عنوانـي
أول تشـوّق نظرتـي لعناقـك
=واليوم مات الشوق فالوجدانـي
الديّن رديتـه وجـاك اطراقـك
=والحمد للـي رجّـح الميزانـي
كنتي تبيها فخر بيـن ارفاقـك
=وأنا تـرى حققتهـا بالعانـي
لاتعتذر فاتـت وحـان فراقـك
=قال المثل فاتت علـى ونيانـي

للشاعر/ النايف

[/poem]