((((((قصيده وصيه من فيصل الرياحي يوصي ابنه بدر))))))

اعزائي الكرام اترككم مع وصيه قديمه

للشاعر المرحوم فيصل الرياحي لأبنه "بدر" نسأل الله العلي القدير

ان يرحم ابوبدر رحمه واسعه ويبقي بدر واخوانه





[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يابدر خـذ وصيـه واعتبرهـا وديعـه =الله اعلم متـى يابـوك يـوم الوداعـي
يجري العمر والايـام تجـري سريعـه =سرها قبل رمـي اسهومهـا مايذاعـي
يابـدر نحمـد الله ماعلينـا هزيـعـه =رغم بعض العواصف رافعين الشراعي
نطلـب الله يوفقنـا دروب الشريـعـه =ما ندور على دروب الغوى والضياعـي
ونطلب الله يجنبنـا الامـور الشنيعـه =لاتعـاوى علينـا ضاريـات السباعـي
يابدر ماجنيتـك مـن بيـوت الدنيعـه =النفوس الضعيفـه والقلـوب الوجاعـي
يابدر مركزك بين الحصـون المنيعـه =اخذ منا ومن جـدك حميـد المساعـي
يابدر من يحـاول هزعتـك لاتطيعـه =الجبال الشوامـخ ترفـض الانهزاعـي
ومن قطع رفقتك قلـه يامـال القطيعـه =يارفيق المذلـه مـال رفقتـك داعـي
وكان بعض الرفاقه جاك منهم وجيعـه =قد يكون الفراق افضل من الاجتماعـي
لاترافـق خبيثيـن النبـا والطبيـعـه =سقط ناس سوالفهم تجيـب الصداعـي
يلبسون اقنعه فوق الوجيـه الوضيعـه =وعن وجيه الردى لازم يطيح القناعـي
واجد الطيبيـن ولا تضيـق الوسيعـه =دور اهل الوفا واهل الصدور الوساعي
والصديق الصدوق المحتـرم لا تبيعـه =احتفض به وخلـك للمواثيـق راعـي
واحذر الضحكه الصفرا من اهل الخديعه =حلل افكارهم في مختبر فكـر واعـي
بعضهم يتخذ من كـل حاجـه ذريعـه =يكرهـون البنـا ويفضلـون التداعـي
ولاتضلي خلاف النـاس مثـل التبيعـه =كلمة النعم جاهـد وانتزعهـا انتزاعـي
لاتأخـر جـوادك خلهـا فالطليـعـه =خذ مكانك مع اهل المجـد والإطلاعـي
المذمه علـى الانـذال ماهـي بديعـه =والمدايح يحصلهـا طويـل الذراعـي
والتزم فـي حبـال الله بـما تستطيعـه =من تمسك بدينه جاء بوجهـه شعاعـي
والصبر له عواقـب طيبـه لاتضيعـه =قدر الصبر والله معك وامـره مطاعـي
كم صبرنا على بعض الامور الفضيعـه =نعتبرها مـن التافـه وسقـط المتاعـي
وكم لي اصارع الدنيا بنفسٍ شجيعـه =واجتهادي يحقق لي نتيجـة اصراعـي
اتفاول بخيـر ودم وجهـي مـا ابيعـه =كـل شـيٍ يبـاع الا الحيـا مايباعـي
اعشق العـز.. واحـب الحيـاه الرفيعـه =واكره الارتخايه وارغـب الارتفاعـي
واتواضع لسمحيـن الوجيـه النصيعـه =واترفع عن اهل الزيف واهل الخداعـي
يابـدر لاتلفـت للعـقـول الخليـعـه =قدر الراس قـدره لاتحسـب الكراعـي
كم سمحنا وسامحنا خطـات الخميعـه =حشمـة الطيبيـن وقصـرة للنزاعـي
ما عرضنا لحمنـا للوحـوش المجيعـه =لو شربنا من الحنضل وسـم الافاعـي
ولن وردنا خصومة حـق والا نزيعـه =عظمنا ما يلين نكيل صاعـن بصاعـي [/poem]

__________________

بسم الله الرحمن الرحيم

الاحبابي :

رحم الله ابو بد و عز الله انها وصيه

الله يرحمك يا ابو بد و يسكنك فسيح جناته

لاهنت على النقل المميز لا عدمناااااااك

اخوك : ابن قوشع

__________________

الله يرحمك يابو بدر رحمة واسعة ويسكنك فسيح جناتة
وصية ما عليها كلام والله يوفقك يابو فيصل على النقل الاكثر من رائع

__________________

[frame="1 80"]ابومحمد[/frame]

ابو فيصل الله لا يهينك ويعطيك العافيه

الله يرحمك يا ابو بدر

تحياتي000000اخوك

ارحب تراحيب المطر ياعلي
بيض الله وجهك على نقل هذه الوصيه الله يرحم فيصل الرياحي ويبارك في بدر

تقبل تحياتي لك يابوفيصل جعلني ماعدمك
دايما تجيب المفيد نفداك ياذيبان

أخي علي تحية إجلال وعرفان فأنت شامخ كشموخ هذه القصيده التي وفقت في نقلها رحم الله فيصل الرياحي

لأنه هامة شعريه كبيره أسأل الله الكريم أن يعوضه في حياته بالجنه وأن يصلح أبنه بدر

تحياتي لك .................

__________________

حياك الله اخي الغالي

انا سعيد بمرورك علي مشاركتي

دمت بكل الود

__________________

حياك الله اخي الغالي

انا سعيد بمرورك علي مشاركتي

دمت بكل الود

__________________

رحمك الله يا بو بدر ..

أنا أشهد إنك فقيدة ..

الله لا يهينك يا بو فيصل

والله يتقبله بالرحمه

وكان رحمه الله شاعر فذ .. فمنذ بدايه ظهوره وانا من المتابعين لمحاوراته

فكان الشاعر الذي لا يرضى بان يتفوق عليه احد

تغمده الله بواسع رحمته واسكنه جنان الخلد

__________________
للتواصل:

fahad_alhababi@hotmail.com