محاورة للعملاقين عبدالله بن شايق وملفي المورقي

[poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ملفي المورقي
يا سلامي بعد ما جيت حفل السهول=ردة تشمل الحله وضيفانها
جيت أغني مع الشعار وأهرج وأقول=مير جعل العلوم يقر ميزانها
...........
عبدالله بن شايق
مرحبا بالنيابه فوق متن الذلول=عان الأهداف قدمك عانها عانها
صل لله وسلم عند ذكر الرسول=وإذبح الحيه اللي مدت لسانها
...........
ملفي
كان ودك تخض الأرض عرض وطول=لا تخش الدير مع غير بيبانها
للقبايل سلوم وللسوالف وصول=دور الغاليه وإتعب على شانها
...........
بن شايق
صاحبك ما يفكر في ضعاف العقول=والديايين شافت وجه ديانها
الجبل ما تحرك من قرون الوعول=ما تطير الطيور إلا بجنحانها
...........
ملفي
كل غيمه تراها بأمر ربي تزول=جنب النار شعلتها ودخانها
يا هل المعرفه لا تسرجون الخيول=راح وقت الخيول وراح ميدانها
...........
بن شايق
لو تلوح البروق ولو تسيل السيول=ليلتك ليلة ما غاب شيطانها
الفرس ما تحرك والبعير معقول=والمعارك تعرف الناس فرسانها
..........
ملفي
يقطع الهرجه اللي ما تحصل قبول=ليلتي حاضر من عصر رحمانها
شوف باب الخروج وشوف باب الدخول=والرعيه تحت تصريف رعيانها
..........
بن شايق
يقطع الكلمه اللي ما تجيب محصول=البعارين جاتك تسحب أرسانها
فكروا في الطلوع وفكروا في النزول=ما يقود السفينه غير ربانها
..........
ملفي
في الحجاز القصيد وفي الجنوب الطبول=إستمع هرجتي وتشوف برهانها
أنتم أصحابنا ما أرضى عليكم ميول=غير مال المباني غير عمدانها
..........
بن شايق
في الجنوب السباع وفي الحجاز الثعول=ولا نعم الحجاز وكل سكانها
أبك حنا الجمال اللي تشيل الحمول=والمزارع بخوختها ورمانها
...........
ملفي
إثقلوا يا عرب دايم وراكم عجول=يا سباع كسرنا روس نيبانها
أنت دايم عيونك يم الأصحاب حول=والسواري بحبتها ونيشانها
..........
بن شايق
للمواقف رجال وللمشاكل حلول=يا سباع كسرنا خيرة أسنانها
وأنت نظرتك دايم يم خبزه وفول=ما تعرف الفرس لو تمسك عنانها
..........
ملفي
تحسب إنك على كيفك تصول وتجول=وأنت تعصرك بقعاء بين كرعانها
تدري إنا رجال في الموقف فحول=ما حسبنا لزايدها ونقصانها
..........
بن شايق
مشكله مشكلة صاحي ورط بمهبول=جمع الوقت صالحها وخربانها
كانكم للزمان فحول حنا زحول=نضرب عيونكم من بين حجانها
...........
ملفي
هرجتك صايبه هذي ليالي تهول=ساوة الناس صايبها وغلطانها
لا تساوي البحور الطاميه بالدحول=سلم الله رجال طالت أيمانها
..........
بن شايق
أثر في مصر بيه وفي أم درمان زول=قصة مصرها يضحك لسودانها
استح استح على وجهك وخلك خجول=أم الأيتام تبكي دون ورعانها
..........
ملفي
في أم درمان زول وجنب الأهرام هول=مير الأردن تبى تشريف جيرانها
يا هل المسفله يا بعد ريع الحجول=أعرف البدو واللي وسط مرحانها
..........
بن شايق
أنت جاهل وأنا رجال ماني جهول=قسم هيا وميا راح لاخوانها
عيدنا عيدنا عيدين في كل حول=راح شوالها مع درب شعبانها
..........
ملفي
إحمد الله ليا جالك من الكيف دول=ما يحكم الجزيره غير سلطانها
كان قلبك من الوقت القديم مغسول=الأوادم بخير ومعتلي شانها
..........
بن شايق
أحسب إن الهرافى ما تهز الذيول=لين سرحت معزاها مع ضانها
كان قلبك عقب ذاك الزمان معلول=جاك سيف يقص الروس أمتانها
..........
ملفي
وين الأشراف عند مخرزين النعول=ما بقى إلا الديار يثور بركانها
لا تعارض أسود الضلع وأنته جفول=تاكلك نص لقمه بين لحيانها
..........
بن شايق
غلطتك ما وراها فايده وش تنول=ويش فعل الرجال وفعل نسوانها
نارد العد ثم نشرب وناخذ علول=ثم نعود على الغبه وحيتانها
..........
ملفي
ما أقدر أضغط على بلفك تطش الهمول=والقبايل على تاريخ جدانها
أحسب إنك تجابه وأنت سبع ختول=ويش علم العبيد تسب عمانها
..........
بن شايق
لو تضغط على بلفي دخل فيك قول=إترك ضعافها لاتترك سمانها [/poem]