تغطية حفل جائزة آل حشر للتفوق العلمي 1428هـ

بسم الله الرحمن الرحيم
الحمد لله والصلاة والسلام على رسول الله ........

تغطية حفل جائزة آل حشر للتفوق العلمي



تأتي جائزة آل حشر للتفوق العلمي تحقيقاً لرغبة الأمير خالد بن فيصل والأمير فلاح بن فيصل والأمير محمد بن خالد بن فيصل رحمهم الله في دعم جهود دولتنا المباركة واهتمامها ورعايتها للعلم وأهله .
وحرصاً من الأبناء على إحياء ذكرى الآباء وتكريماً لما قاموا به من جهودٍ ساهمت في دعم وتطوير التعليم في مدينة الهياثم .
وهي جائزة سنوية تستهدف تكريم المتفوقين والمتفوقات من الطلبة والطالبات في جميع المراحل الدراسية في مدارس مدينة الهياثم .


الأمير خالد بن فيصل بن حشر رحمه الله


الأمير فلاح بن فيصل بن حشر رحمه الله وبجانبه معالي وزير الشؤون البلدية والقروية د. محمد الجار الله خلال وضع حجر الأساس لبلدية الهياثم ويظهر الشيخ فيصل بن فلاح خلفهما


الأمير محمد بن خالد بن حشر رحمه الله


والآن تغطية الحفل لهذه السنة 1428 هـ
وهي للمتفوقين في العام الدراسي 1426- 1427 هـ
وذلك يوم الأربعاء الموافق 22 / 4 / 1428هـ
في بيت الأمير فلاح بن فيصل بن حشر رحمه الله

والحفل تحت رعاية
أمير قبيلة آل عاصم
و رئيس مركز الهياثم
الأمير حزام بن خالد بن حشر
حيث قام بتوزيع الجوائز على المتفوقين

وإليكم جوانب من الحفل

الأمير حزام بن خالد بن حشر وعلى يمينه شاهر بن محمد الهامل محافظ السليل سابقاً

الشيخ فيصل بن فلاح بن حشر وعلى يمينه الشيخ خالد بن محمد بن حشر وعلى يساره محمد بن دحيم

الأستاذ ناصر بن محمد بن فراس العاصمي أمين عام الجائزة
ورئيس المجلس البلدي بالهياثم



جانب من الحضور


الأمير حزام بن خالد بن حشر يسلم أحد المتفوقين جائزته وعلى يمينه الشيخ خالد بن محمد بن حشر والشيخ حزام بن فلاح بن حشر

الشيخ فيصل بن فلاح بن حشر مع بعض كبار السن


متفوق آخر يتسلم جائزته



الشاعر مطلق بن راشد القعيمة
وقد ألقى قصيدتين نالت إعجاب الحضور

الأولى
وهي في المناسبة

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قالو اكتب للحفل شعر مليح = حول موضوع التفوق والنجاح
قلت لا مانع وانا رجل صريح = في مقام الجد ما عندي مزاح
الصحيح ان كان تبغون الصحيح = اسأل الله للتلاميذ الصلاح
ومن يصاحب صاحب دربه قبيح = كنه اللي واق في بير وطاح
ماحد يوحي صياحه لو يصيح = ثم يصيح ويلحق الصيحه صياح
والرديّ ان كان ودك تستريح = صد من وجهه وتشعر بارتياح
والفتى لا صار ما عقله رجيح = رقعة تومي بها هوج الرياح
والشباب اللي تعلمهم شحيح = كنهم الغازين مامعهم سلاح
والتفوق للشيوخ اهل المديح = من سلايل خالد والا فلاح
الشيوخ اللي مواقفهم تزيح = عن جريح الروح جرح ما يزاح
الصدور اشرح من الكون الفسيح = والوجيه اسفر من شروق الصباح
ما لهم بالجاه والنخوه نطيح = راح من خلفهم وما كنه راح
باقي للعز قصر ما يطيح = سطحه الامجاد والساس الكفاح
قلتها وانا ضميري مستريح = واستميح العذر منكم والسماح[/poem]


والثانية
وهي في الأمير حزام بن خالد بن حشر والشيخ فيصل بن فلاح بن حشر
وفي الحشر كافه

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا قلم لا تسطر غير جزل الكلام = من هجوس عن هزال المعاني تشوم
ما بنيت الشعر ترميم بيت هدام = ساس بيتي متين وقمته كالرجوم
كلما فزت عيون القصيد النيام = ثم كتبته تهيض كل سد كتوم
والشعر كان ما شدك معه بانسجام = يعتبر هرج من سحر البيان معدوم
لا كتب غيري ابياته سواة الظلام = اجمع النور من قمرا وشمس ونجوم
واكتبه بين وزن وقافيه وافتهام = باجتهادي ولا عقب النبي معصوم
مغرم بالشعر من صغر سني غرام = مثل ما يغرم العاشق بذات الوشوم
نظرتي للبعيد وخطوتي للأمام = وما يعبر مهبطة العزايم عزوم
لو تهاجمني الحساد شرق و شام = عندي احسن وسيله للدفاع الهجوم
بعد هذا تحية كل مسلم سلام = عد من يركع الفرض ويحج ويصوم
ياسلامي سلام سامي لو يسام = بالملايين ما بعته على من يسوم
من ضميري على شيخ فعوله وسام = فوق صدر الثنا ومقدر ومحشوم
لا مدحت المعرب من خوال وعمام = وجات الابيات من فكري فرادا وتوم
قالو الناس يستاهل وكفو حزام = مارث اللي عزاويهم على القوم شوم
مارث اللي خذوها بالقنا والحسام = ما خذوها بعد كثر الطلايب ختوم
لا تعلو ظهور الخيل يوم الزحام = فرقو بين روس اهل القشر والجسوم
كم وكم راس مسطور من الزوم زام = جاته الساعه اللي عقبها ما يزوم
كلما ثار في جو الحرايب عسام = واعتزى باخو حصه كل جسر غشوم
قال سبع الخلا للطير ما به صيام= ابشر انك على الروس الكبار معزوم
فعلهم يستر اللي طوحت باللثام = والذليل يتتقى لو قدره محتوم
لا تعذر عن الواجب شبيه النعام = عذرهم بيعة الارواح عند اللزوم
ينطح القوم واحدهم وتوه غلام = يوم بعض العرب شابت لحاهم رخوم
يوم بعض الخلايق يقطعون الرحام = للقحاطين روس جبال ماهم حزوم
لا نصاهم و جاهم و انتخاهم شمام = حاير النظره اللي مسهرته الهموم
راح منهم خلي من همومه ونام = كن ما صوبته من الليالي سهوم
ميزة يآل فيصل من قديم ودوام = فيكم اتخصكم بد المشايخ عموم
طلبة ابن حشر عند الملوك الكرام = تعتق اللي عليهم بالقصاص محكوم
جاهكم يابو فيصل يحترمه النظام = حاسب له حساب ولا يرد مهزوم
والذي لا إله الا هو إنه لزام = مدحكم والردي من كل مدح محروم
لا يجي في قصيدي شكة وإتهام = بامدحك واسفه اللايم وخله يلوم
يا حزام اللزوم ان جا لزوم الحزام = بيض الافعال ذود ولك عليها وسوم
يا قليل الكلام اللي صعاب المهام = عندك اطوع من اللي بالخزام مخزوم
يا ضديد الزهيد و يا رفيع المقام = صوبك الهون ماله حيلة للقدوم
درب شيبانك وسيرات اهلك القدام = بين عزم العزوم وبين جزم الجزوم
رغم عصر الحضارة واللجج والخصام = وغزو الافكار بإسم العولمه والعلوم
التزمت بمسار الاولين التزام = ما تناسيت عادات العرب والسلوم
ما حلف بالطلاق ولا علي الحرام = حلف الانسان بالثنتين ما له لزوم
غير واللي من المنشا يسوق الغمام = لين تحيابه ارض عقب قيظ وسموم
ما به اقصور في كل الشيوخ الحشام = بس مامنهم اللي في مقامك يقوم
ما تهان قحطان ولا وربي تضام = وانت حي الى شمرت ذيك الكموم
كايدات وعسيرات الخطوب الجسام = امرها كلما تعطيه وجه محسوم
كم بخت واحد من عقب ما طاح قام = لا نخاك وبلا حمى تقول محموم
من شمال الحدود لحد نجران يام = ومن خليج العرب للبحر الاحمر يموم
كلمة ونعم بالتصميم والاهتمام = جبتها كسب ما جاتك بحب الخشوم
مثل ما تلبس الجلد و لحمه العظام = تلبس من الوفا لبس لباسه يدوم
فدوتك من يطيب ايام ويخيب عام = يلبس الطيب ثم يفسخ سواة الهدوم
في ضميري كلام يالامير وكلام = والقوافي تحكم وكل قول مختوم
ودي اقول شي قبل مسك الختام = في دوا كل عله لا زهمه الزهوم
ابو نايف ولا يلحق يمينه ملام = فيصل اللي على الطاله يحث العزوم
يتجه دائما عكس اتجاه اللئام = ومن يروم العلا للهينه ما يروم
وافي الشبر ما يصعب عليه المرام = نوم عين الصديق الصيرمي اللطوم
حاجتين جمعها بالوفا والتمام = فزته للرفيق وكزته للخصوم
كلما قيل تكفى والهمام الهمام = جاك مثل البشاره بالفرج لمهموم
ما يواعدك بعدين وتمر العوام = ثم يروح الوعد لين القيامه تقوم
كن راسه من النعره فدوه الخمام = تشتعل داخله نار حطبها جروم
ما يعرف انحدار وقهقرى وانهزام = يقدم اقدام والهقوه تعدى الغيوم
كل باب عسير يقتحمه اقتحام = وكل بحر خطير به يغوص ويعوم
عنده الكايده تصبح على ما يرام = كنها خادم ينصاع لامر مخدوم
ابصم بعشر ما هي بصمة بالبهام = لا مدحته يشوش الراس كنه يحوم
غالي وابن غالي واحترمه احترام = صدق ماهي مزاعم يزعم ابها زعوم
يوم شفته و عيني ما غفت بالمنام = احسب انه فلاح مصورته الحلوم
من مواريه ماخذ كل ذروة سنام = من شجاعه ومن حكمه وقلب رحوم
جعل من ورثه يسكنه رب الانام = في نعيمه وقسمه من خيار القسوم
تمت وخاتمة جزل الكلام السلام = واسلمو ياهل العشوا عساكم سلوم[/poem]



الراوية الشاعر عايض الحميداني
ألقى عدد من القصائد المختارة


الحضور في اتجاههم لتناول وجبة العشاء
بعد انتهاء الحفل

والصلاة والسلام على رسول الله

__________________

الاخ السعدي

لاهنت بيض الله وجهك

على هذه التغطيه الوافيه لهذا الإحتفال الكبير

رحم الله ميت آل حشر واموات المسلمين

والله يطول عمر حيهم ويوفقهم لما يحبه ويرضاه

معروفين وعلومهم غانمه وترفع الراس


وتحياتي للجميع ،،،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ووجهك أبيض أخوي سعد

وأتمنى نقل الموضوع لمجلس المناسبات

__________________

الاخ السعدي

السلام عليكم ورحمة الله وبركاته


بيض الله وجهك على نقل احداث احتفالية جائزة التفوق العلمي

وفي الحقيقه اننا بحاجه لمثل هذه الاحتفاليات في جميع مناطق قحطان

ليزداد التنافس العلمي

ويتحقق هدف التنافس في مواصلة التعليم

لاااااااااااااااااااهنت

يالسعدي

و بيض الله وجهك على النقل و التغطيه


تقبل خالص تحياتي يالمبدع و ننتظر المزيد من ابداعاتك يالقرم



دمتم بود

بيض الله وجهك يالسعدي

ذكرتني بالهياثم وأهلها الطيبين

والأستاذ ناصر بن محمد بن فراس العاصمي أمين الجائزة زميل دراسة سابق

تمنياتي لمدينة الهياثم بمن فيها مزيد من الرقي والتقدم

بيض الله وجهك يالسعدي


وبيض الله وجيه ال حشر اهل العلم العلا


من اول وتالي


لاهنت يالغالي

أخي السعدي


بيض الله وجهك


وكثر من أمثالك


وآل حشر معروفين


بمواقفهم المشرفة


مع قحطان كلهم


وما تكريم المتفوقين


إلا جزء يسير


من مواقفهم الخالدة


والتي يعرفها القاصي والداني




تحياتي









.

لاهنت وبيض الله وجهك يا السعدي

على هذه تغطية حفل جائزة آل حشر للتفوق العلمي 1428هـ

__________________
حرك الماوس على الصوره

لاهنت وبيض الله وجهك يا السعدي

على هذه تغطية حفل جائزة آل حشر للتفوق العلمي 1428هـ