شعر: سيف بن سعيد الجروي القحطاني - تعليق: الحميدي الحربي





للشعر موقف في تسجيل الأحداث بصدق لتبقى للتاريخ.. والموقف الذي يسجله الشاعر سيف القحطاني
في هذه القصيدة يستحق أن يكتب بماء الذهب وإن لم يكن من أكبر ما قدمه سمو الأمير نايف بن عبدالعزيز
وزير الداخلية -حفظه الله- للوطن وأهله، ويتمثل الموقف بالسعي الجاد والمتكرر منه -حفظه الله- لاعتاق رقبة
بجاهه وماله، حيث أوفد نجله ومساعده للشؤون الأمنية سمو الأمير محمد بن نايف لإنهاء المهمة، وقد انتهت
كما أراد سموه تقديراً لمكانته من أصحاب الشأن، وقد دفع لهم من ماله ما أرضاهم. وهذه عادة حسنة
تعودناها من سموه في كل موقف إنساني. يقول الشاعر سيف في تجسيد هذا الموقف وباسم قبيلة قحطان كافة:

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم قحطان أهل الولاء والمواجيب =شكر وثنا وجلال وكبار وعجاب

يا سيدي نايف عطيب المضاريب =يا نصرة المظلوم يا ضد الإرهاب

يا منتهى الشكوى ويا قمة الطيب =درع الوطن من كل عابث وحراب

يا فخرنا بين العرب والأجانيب =يا ذخرنا وقت الحوادث والأسباب

مواقفك مثل النجوم المراقيب =يشهد بها التاريخ وأصحاب الألباب

حلال عسرات العقد واللواليب =وأنت الذي سموك فكاك الأنشاب

حكيم ما تسمع كلام الزواريب =حليم ما تغضب لون اللهب شاب

شجاعتك عدت على الزير وكليب =وجودك كما غيث على الأرض سكاب

وسياستك تذهل كبار المناصيب =في السلم والا بين طالب والطلاب

تقوم بعمالك بحكمه وترتيب =يا مجرّي اللي في نحور العدى هاب

رمز الأمن ما فيك شك ولا ريب =يا مشرع أبواب ويا معتق أرقاب

كان القمر يبدي على الكون ويغيب =أمنك علينا دايم الدوم ما غاب

ونجلك محمد ماضي له تجاريب =بالشون لمنية صعد كل مرقاب

سوٍ على من قام بعمال تهريب =ونصرٍ لمن قال الحقيقه ولا ارتاب

ونار على من مارس أعمال تخريب =والي يفضل منهج الليث في الغاب

الله يكثر خيركم يا معازيب =ياللي جمايلكم بلى عد وحساب

خويكم لا صار بين المخاليب=يهب له من دولة العز هباب

يوم القحطاني باشر اعيونه الشيب =وصبح مثل وصف الجمل عند قصاب

أرسلت من شانه خيار المناديب =شيخٍ معه في جعبته شيك وكتاب

والمطلب اللي يعتبر عسر وصعيب =بالجاه وخشوم الملايين ينجاب

بجاهك ومالك ما تبقى مطاليب =عفو عنه واخلو سبيله مع الباب

وامّه مطا ولها السهر والهنا ديب =مثل المريض اللي من السل منصاب

كانت توجد وجد شالح على ذيب =وفرحت فرح سعدون بعقاب وحجاب

وجودات نايف تتعب أهل الحواسيب =ما هوب يحصيها مكاتب وكتاب

نور على نور وطيب على طيب =يا قوم يا تاريخ أبو زيد وذياب

تم الكلام اللي على فعل ومصيب =لاني بمتهاون ولاني بكذاب [/poem]

__________________

لاهنـــــــــــــــــت

وبيض الله وجهك

وتسلــــــــم يمنـــــــــاك يابومسفــــــــــــــر

لا هنت بيض الله وجهك

__________________

لاهنت يا ابو مسفر


وصح الله لسان القحطاني


عزالله انه ابدع

الله واكبر وبسم الله وماشاء الله هووووووولة الهول



الله لايضره والشكر اللي مهوب شوي لك يالحبابي القرم والذوّيق

هلا وغلا ابن جفشان

__________________

صح لسانه

ويستاهل سمو الأمير نايف

ولاهنت


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

__________________

لاهنـــــــــــــــــت

وبيــــــــــــــض الله وجهــــــــــــــــــك

وتسلــــــــم يمنـــــــــاك يابومسفــــــــــــــر

حياك الله يامحمد

__________________