رساله الى شعراء الاسفاف والاباحيه

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ابتدي باسم المهيمن رافع السبع الخبير=العظيم اللي بيوم الحشر يحشرنا عراة
كافل ارزاق الخلايق من غني ومن فقير=الكريم اللي جعل الاسلام نهج للثبات
ابتدي به غصب عن من قال ذكره ما يصير=يبتدا به يوم ذكره بالبيوت الماضيات
بعدها يا غيم فكري سيل الوادي الكبير=عل سيله يحي الابداع بامخاخ موات
اجعله سيلن غزيرن يسمع لجريه هدير=غزر سيله غزر نيل أرض الكنانه والفرات
يجرف اللي ما يفرق بين أشعار وشعير=كل من بدل جزال الشعر بأشعار الحتات
خاين عهود الفضايل تابع طبوع الحقير=مستخف بالعقول اللي أهلها في سبات
ناظم شعره على فجره ولا عنده ضمير=يرضي الفجار ساس العار أهل المعصيات
يرسل القيفان والشيطان له فيها خشير=يغوي الجهال كل ما قال له ابليس هات
تحت تعبير الحداثه يجعل الماكون طير=ويقلب التاريخ والعادات والاربع جهات
يسمح لنفسه ببدع أبيات تدخله السعير=ويتغزل فالحبيبه بأفسق أنواع الصفات
غادي للفسق والاسفاف والهزله سفير=كل ميدان يطبه تنعدم فيه الحياة
جعله افدن للسديري والنصافي والمدير=الحبابي والسبيعي اهل سبك المحكمات
تل قلبي تل قلب اللي فقد ابنه صغير=ناطره عشرين عاما من بعد عشرة بنات
داسه المسكين بالموتر وهو توه يسير=ما درى به لين سمع لعظم راسه قرطبات
تل قلبي من زمان يعتبر الاسلام ضير= جل ابله شفتها صوب الرذايل سارحات
جيت ناصح غير فاضح ارتجي للناس خير=انصح الجنسين منهم مسلمين ومسلمات
تمت القيفان والمذكور للعاقل نذير=يتوضأ كان في نيته يمشي للصلاة
وختمها صلوا على اللي أرسله ربي بشير=عد ما ضوت حداثتهم بيوت خاملات[/poem]

صح لسانك يابو حامد على القصيدة

والشبل من ذاك الاسد

والى الامام دائما


تحياتي لك

بن مداد

من شابه اباه فما ظلم

عز الله انك جزل من ظهر جزل

وافي من ظهر وافي

تعجز كلماتي عن التعبير عن القصيده

بيّض الله وجهك يالاحبابي ولاهنت فديت خشمك

صحت أبدانكم يا عبدالله وناصر واسمحوا لي في التاخير في الرد

بسم الله الرحمن الرحيم
السلام عليكم ورحمة الله وبركاته


صح لسانك على القصيدة

والشبل من ذاك الاسد


والله يحفظك

__________________

صح لسانك يابوالوليد ولاهنت قصيدة جزلة وودنا بالجديد اللي انا خابره

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

__________________
ابو نواف ابن جريب