محاوره بين شاعرين

[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
محاوره) بين الشاعرين جابر عايض بن شنان الحبابي= وسعد بن مرزوق الحبابي


جابر: يـا سـلامـي عـلـى شهـمٍ يحـل الصعـيبه = مـا تـعـسـره وانـا واثـق وعـنـدي شـهودي
يـعـرف الـخـافيه والطـب يـبغـى طـبيبه = والـمـرض لـه عـلاجٍ يـقـطـعه مـا يعـودي


سعد: مـرحـبـا بـالصـديـق الـلي ملـكني بطيـبه = وراعي الـطيـب ما يترك طريق الجدودي
كـل واحـد يـا جـابر يقـتـنع في نـصـيـبـه = والـمرض عندي علاجـه ولاحـظ ردودي


جابر: اسمع العلم واعرف مقصدي والمصيبه = ويـش بـنـتٍ يـسـيرهـا ريــاح ورعــودي
سـاسـهـا خـافـيٍ واظـن مـا احـدٍ يـجيبه = تـحـتـمـي بـالـقـبـايـل لـيغـزاهـا الجنودي


سعد: آخـر ايـامـنا شـفـنـا مــواقــف غــريـبـه = وضـاعـت آمـالـنـا ما بين نقصٍ وزودي
بـس تـبـقى لاهـلـها بالـرضا والغـصيبه = وانـت مـنـهـم ولا تـسـمع كلام الحسودي


جابر: يا سعد ما علي (م) الوقت واللي يعـيبه = لـكـن الـمشكـله بالـلـي تـبـيح الـسـدودي
ضيـقت خاطري باوهامها اللي عجيـبه = ضـايـعـه بـيـن خـلـق الله بـلـيـا حــدودي


سعد: بـعـد كـانـت بعـيده كيف صارت قريبه = واصـبـحـت فـي يدين مجرحين الكبودي
كـل واحـد يـقـول انـه حـبـيـب الحبـيبه = بـس حـاول تـصـدى لـلـعــدو الـلــدودي


جابر: احـرقـتـنـي بـجـمرٍ وسط جوفي لهيبه = طـبـعـهـا مـا يـمـيـز بـكـرةٍ مـن قـعودي
قـسـمها الناقصه والبن تشرب سريـبه = وانت لاهـنـت يـا الرجال شوق العنودي


سعد: ما بـلـومك ولا حـد يـرتضـي بـالغـليبه = وكل واحـد مـعـاه احـساس عنها يذودي
راعي الناقصه خسـران من يقـتدي بـه = لـكـن آخـر زمـن يـنـذل شـبـل الاسودي

وسلامتكم[/poem]