عضو مجلس الامة الكويتي السابق علي بن مركوز

هذه قصيدة في عضو مجلس الامة الكويتي السابق الاخ النائب/علي بن حمود بن مركوز الهاجري



[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,medium,blue" type=2 line=0 align=center use=ex num="0,black"]
ياعلي بن مركوز ياكاسب الطيب = ابومحمد يرفع الراس طرياه

حر تعلا عاليات المراقيب = قرم على العليا تدرهم مطاياه

مسند بني عمه بوقت الاصاعيب= حلآل حليحيل على الطيب مرباه

فزعة ربوعه لاعوا الذيب للذيب= يحل دعواهم برايه ويمناه

صيته مع الاصحاب وايضآ الأجانيب= ونجمه سطع فوق الثريا وشفناه
يستاهل العليا حصان الأطاليب= ابومحمد سعد من جاه ينخاه
والضيف لامن جاه يبشر بترحيب= حجاج يضحك عقبه الفال يقفاه
يذبح سمان الضان مع شمخ النيب=ودلال رسلان على النار مركاه

والعود الازرق في المداخن بترتيب = من غالي الكمبود والهند مشراه
يرخص حلاله في لزوم المواجيب= والنفس يتعبها علشان علياه
انشهد انه من خيار المعازيب= واللي يبي العليا يسوي سواياه
كم من مريض فوق عوج المصاليب= يشكي من الاوجاع للطب وداه
وكم واحد جاله بدربه كواليب=بذل له المجهود والمال والجاه
يشهد على قولي معارف واصاحيب= واللي تمشكل والتوابه ونجاه
والقول بالبرهان مافيه تكذيب= عديتها بالقاف للناس تقراه

موثقه بالصدق قلته بتأديب= ولامقصدي منه بناقه ولاشاه
لاشك نومسني عطيب المضاريب= ومن المعزه قلت مدحي ويزهاه
وعديتها من الراس ماارسل مناديب= وقدمتها لحضرة جنابه محياه
يستاهل العليا حصان الاطاليب= ابومحمد سعد من جاه ينخاه
من لابتن يكدرون المشاريب= هواجر للضد تفلج ثنياه
وينوخون اللي براسه تصاعيب=جنب وعبيده والقحاطين مجناه
وصلوا عدد ماتطلع الشمس وتغيب= على رسول الحق دينه رضيناه[/poem]

الله الله

صح لسانك وعلا شانك يا ابن عسكر


ويستاهل الطيب ابن مركوز وبني هاجر وقحطان كافه


لا تحرمنا من جديدك يا القرم

أخوك البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ابن عسكر

صح لسانك

وابن مركوز كفو ويستاهل


لاهنت لاهنت

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ابن مركوز يستاهل المدح

والنعم في المادح والممدوح


وقصيدة رائعه جداً ياهادي كروعة حضورك الرائع والفاخر

صح الله لسانك وبيض الله وجهك

صح لسانك يابومبارك

ونعم بك وبه ياوجه جنب

قصيده وشاعر وممدوح

لاهنت وتقبل من محبك بحر

اصدق الود

__________________