||ô||| ياوارد اليابان تشكر على الشاص/ مجارات لبعيد المراميس|||ô|||

السلام عليكم ورحمه الله وبركاته

اولا : المعذره على قله تواصلي معكم في الردود لنشغالي كما يعرف اصحاب المنتدى بذالك
ثانيا: اضع هذه المتواضعه بين ايديكم أرجو ان تنال بعض استحسانكم

[poem=font="Simplified Arabic,5,white,bold,italic" bkcolor="red" bkimage="" border="none,4,gray" type=1 line=0 align=center use=ex num="0,black"]


يالي عطيت الجيب جمرك وترخيص=ويامٌورد اليابان تشكر على الشاص

عز الله انه يعجبك في المقانيص =لالا ح برق الوسم في حل مقناص

عليه غمر مايعرف المخاليص =يضرب على الكايد ليا جاه ماحاص

بتار جبار يفص المفاريص=اصقه ولا يرقص مع كل رقاص

يسري ولا همه حساس وقواريص =وياطى على حيود الرضم تقل قرقاص

اخطل يمين ويعشق البحر ويغيص =ويجيب در البحر ويجيك لا غاص

ويشري على اعلا سوم مايشري رخيص=عينه على الغالي ولا يقبل رخاص

يسري معه مؤجز وراي وتلاخيص = يقراء جزء عماء وتبارك والاخلاص

ياخذ معه من بعد وقفه وتحريص = خطي ووصل خطي العجل لحراص

قل يابعيد الرمس مادامك بخيص = مثلك رجال تعرف العلم وبخاص

هرج القفاومعفص الهرج تعفيص= نقص ويجيبه نقص والنقص لنقاص

ياما حكو فينا بخرص وتخاريص = ويما بهتو غافل على ضلم وخراص

ادناس ناس تنغص العيش تنغيص=ياليت تجمعهم سوا داخل الباص

وتنثرهم بحزمٍ يسارٍ عن خريص = واركب معي وازهل نوطيهم الشاص[/poem]

__________________
قلت انا عضم النحر راس البعير ***من بني قحطان بن هود ومجار