الشيخ ماضي بن علي ال عايد (( معتق الرقاب الخضر))

الشيخ ماضي بن علي ال عايد الهاجري رحمه الله

معتق الرقاب الخضر

من شيوخ ال محمد بني هاجر في وقته وفي شعره الكثير من الصور التي تبين مواقف الشجاعه رجل عرف عنه الكرم والنخوه ومساعدة المحتاج والوقوف الى جانب بني عمه وبرز بينهم بهذه الاعمال الجليله وعندما توفى رثاه كثير من الشعراء بقصائد
ولد رحمه الله قبل حرب الحساء بخمس سنوات وذالك في عام 1328 هجري وتوفى يوم الثلاثاء 28-12-1398 هجري من جراء حادث مروري يرحمه الله
من قصائده
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياالله يااللي جميع الكون باقـداره =ياعالم السر و النيـات والسيـره

تفرج لمن هو زمانه عذب افكـاره =واليا قضي له لزوم خالفه غيـره

الوقت ماهمني لو كثرت اخطـاره =ولا بنشـاد مـن زوده وتقصيـره

نفسي على ماحصل جبره وصباره =ماهمها المال في جمعه وتبذيـره

أراوز العز وابني طايـح اجـداره =لا خربه جاهل في شيـن تدبيـره

كسب المراجل جعلته عندي تجاره =يوم ان غيري يضم المال باشعيره

عاداتنا ننطـح القـإلات خسـاره =وإن زارنا مجرم حنا هل الجيـره

كم واحد نعتقه لا حانـت اقـداره =من داخل الحبس لا حلت مقاديـره

لا حط فيه الحديد وقصر اهجـاره =والباب دونه معسكـرة مساميـره

ناتيه في حزة ما هي لـه زيـاره =ونظهره والوالـي هـذه تدبيـره

ورثنا المجد ورث الجـد لصغـاره =حنا سنام الظهر ما في الفخر عيره

ما قلتها مـدح والعـراف عـذاره =لاشك من واهج شبـت سعاميـره

ختمت قولي عدد ما هلت امطـاره =علـى نبـي صـلاة الله وتقديـره [/poem]

ورثاه الشاعر مبارك بن شحيمان الهاجري

مبارك بن شحيمان

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ساقتني القدره ومريت لي بيت=بيتٍ عقب راعيه ولى ربيعه
لا شفت انا المبنى عقب طيب الصيت=ضاقت على قلبي فجوج الوسيعه
يا طول ما دقيت صدري وونيت=قومي خسارتنا وكبر الفجيعه
فلوكان صوت الحي يفطن له الميت=كان انا يمه قمت قومه سريعه
حكيت له مما وطاني ولا قيت=واعلمته بنارً بكبدي وليعه
لا شك ما تنفع عرابيد يا ليت=بدرٍ سرى ما عاد للشيخ زيعه
من عقب ماضي وين بذهب وباهيت=ظني مع الاجناب بذهب نزيعه
كم اعتق ارقابٍ عليها تثابيت=لاصابهم تنفيذ حكم الشريعه
ولا لا ذبه من داوروه الشماميت=ما تنفذ احكامه وماضي شفيعه
ولا قام فالدعوا تهاب الطواغيت=منه..ولا يرضى لنفسه هزيعه
ويشل حملٍ مايشله جبل هيت=.....من اهل النفوس الدنيعه
عقبه اخوانه من قمرهم تقديت=كنهم قمر خمسة عشر في لميعه
وردت ظميانٍ على الشط واسقيت=ما سقت طرشي للمشاش ورجيعه
يومٍ على السيدين من فعلهم ريت=اقفت طوابير السرايا مطيعه
وبالعون يا عايد لهم ما توانيت=اقبل لهم مثل الجمل في قضيعه
ومن حد شرق الهند ليونس ستيت=لهم الجميل وحن علينا نذيعه[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]