مرثية في خالي سالم بن مسفر المبوغم

[poem=font="Arabic Transparent,6,black,bold,normal" bkcolor="transparent" bkimage="backgrounds/1.gif" border="solid,medium,black" type=2 line=0 align=center use=ex num="0,black"]
يالله يا منعم علينا بالاسلام = يا مهون بدينك علينا المصايب
في كل ذكرِ لك وتكبيرة احرام = وعداد ما شدوا لبيتك ركايب
تجبر عزانا في فقيدٍ لنا ضام = ضام القلوب اللي بكته القرايب
حرٍ على وكره خذا عشرة اعوام = يالله عساها في رصيده كسايب
من اولٍ يشهر على كل ما شام = ضربت يمينه للمعادي عطايب
زيزوم ما زحزح عن الحق ضرغام = يقدح بفكره ما يهاب النشايب
حتى وهو جالس له الهيبه تقام = ويقوّم الحكمه لنا راي صايب
يا راعي ( العجفا ) وانا ابكيك ما الام = ما الام لو هليت دمعي سكايب
انعيك يا خالي ولو جفت اقلام = جعلت من دمي على الطرس نايب
يالله عسى جنات ربي لك ختام = ويجعل على قبرك تهل السحايب[/poem]