!!! ((( خلك على الباب الايمن وازهل الطاره ))) ((( جديده ))) !!!

بسم الله الرحمن الرحيم

السلام عليكم ورحمة الله وبركاته

أبيات شعرية متواضعة تنتظر مروركم الكريم :

[poem=font="Simplified Arabic,6,black,bold,normal" bkcolor="transparent" bkimage="backgrounds/15.gif" border="double,medium,gray" type=2 line=0 align=center use=ex num="0,black"]
خلك على الباب الايمن وازهل الطاره = ان كان تبغى الونس والعِرف والخوه
ما كل رجل(ن) يخاوي يتقن ادواره = حيث السفر صنفره للضعف والقوه
رجل(ن) اليا طالت الطرقه على كاره = زود الشدايد يزيده صبر ومروه
ما هوب تسبق جزيل افعاله اعذاره = إلاّ على الطيب فيه خراش وجروه
ورجل(ن) نقص مع طويل الدرب مقداره = ضعيف وادناة حاجه كدرت جوه
يبلش خويه بضعف ارياه وافكاره = ويصير بين الروابع فارق وهوه
هذا من الطيب تقدح بالشرر ناره = وهذا الردى شابكه به نسبة عنوه
كم واحد(ن) يعجبك هرجه وسط داره = واليا طلع عن دياره ما هو بهوه
انا اشهد ان المظاهر حيل غداره = برقه ورزه ولاكن البلا جوه
فاما خوي(ن) يسر الرجل باسفاره = ولاّ فلاهوب لازم فالسفر خوه[/poem]
وسلامتكم

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

اشهد بالله اك عز الخوي في السفر وفي غيره


بيض الله وجهك على هالاسطوره


الشاااامخة والجزله


بيض الله وجهك منا لأعندك



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

كم واحد(ن) يعجبك هرجه وسـط داره
واليا طلع عن ديـاره مـا هـو بهـوه
انا اشهـد ان المظاهـر حيـل غـداره
برقـه ورزه ولاكـن الـبـلا جــوه
فاما خوي(ن) يسـر الرجـل باسفـاره
ولاّ فلاهـوب لازم فالسـفـر خــوه


الله الله

عليك يابو عايض


جدفت بمجداف الجزاله ببحر الإبداع والتميز


قصيدة عانقت السحاب جمالاً وروعه


فلك مني كل التقدير والأحترام على هذا النص الرائع والراقي



حضور مميز كالعادة يابو نواف


وصح الله لسانك ملالالالاين

اررررررحب يابو نوا ف تراحيب الحيا

الله الله عليك

اخترت فبدعت جزل قاف ومعني


صح السان يا القرم

__________________

الله يجعل سفرك وخوتك على البر والتقوى

اللهم امين

صح اللسانك اخي الشاعر

__________________

فاما خوي(ن) يسـر الرجـل باسفـاره
0000000000ولاّ فلاهـوب لازم فالسـفـر خــوه




ابوعايض صح الله لسانك علي الابيات الرائعه والمحبوكه

فعلا ابيات في الصميم وجزاله غير مستغربه منك ياعبدالله

ماشاء الله عليك تكتب شعر حقيقي يجبرنا علي متابعتك

__________________

بسم الله الرحمن الرحيم
السلام عليكم ورحمة الله وبركاته


لاهنت وصح لسانك وعلا شانك على القصيدة الطيبة

بسم الله الرحمن الرحيم

الله الله

وصح لسانك ولاهنت...........

الله الله صح لسانك يابو عايض

عزا الله وافي وقصيدك وافي يجبرنا على متابعة الجديد

تحياتي لك

__________________

بسم الله الرحمن الرحيم
السلام عليكم ورحمة الله وبركاته


الله يبض وجهك

وافي وولد وافي

صح الله لسانك



رجل(ن) اليا طالت الطرقه على كـاره
زود الشدايـد يزيـده صبـر ومـروه
ما هوب تسبق جزيل افعالـه اعـذاره
إلاّ على الطيب فيـه خـراش وجـروه

شرواك

__________________
سبحان الله وبحمد سبحان الله العظيم