قصيدة نبطية قديمة لابن بقشه

[color=#0066FF]





[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يقول من هو في كلامه بادي = يبدى بذكر الله على مارودها
يالله يالمعبود يالفرد الصمد =يا عالم نقص السنين وزودها
تنصر قايدنا الحكيم العادل =ابن الاكارم من مجاني فهودها
فيصل سعدنا ساعد الله نوه = هو نصرة الدنيا وهو عمودها
حامي حمى الاسلام والبيت والحرم= والمملكة امن جميع حدودها
من عاصمة بغداد للشرق لليمن=المملكة فازت وفاز سعودها
انشى المعاهد والمصانع والعمل = والطرق مهدها وزفلت نفودها
واهل المزارع عانهم في شغلهم = والبادية حط المكاين عدودها
والشعب كله في نعيم كامل=وكل بخير ونعمته في زودها
وعبدالله القايد لقوات الحرس = في نهضة الاسلام قايد جنودها
قايد هل التوحيد لا رد البراء = يمشون والبارود مثل رعودها
لاكبرت القولة ردوا له الخبر = يضرب مخافيها ويرقى سنودها
وسلطان زيزوم الدفاع ومقدمه =وسلطان حاميها لا هتز عودها
قايد دفاع الجو والبر والبحر = يسود المعارك لاشتبك بارودها
لاما غدا قدح اللهب مثل الذهب = وحس المدافع مثل قصف رعودها
تقدم الجيش السعودي بفخرها = جيوش فخرها من اوائل جدودها
حنا العرب وابناء العرب مقدم العرب = ومقدسة الاوطان حنا جنودها
فيصل امام الدين قايد نهضته = مقدم هل العوجاء حماة حدودها
خيالة العوجاء مورث مقرن = نعم الشباب ونعم ماضي جدودها
هل كلمة التوحيد ماهي من كفر = فضل من البادي وخلقة شهودها
يشهد لهم التاريخ بالمجد والثناء =وعبد العزيز مصدق مارودها
لعل عود جابهم في الجنة = يسكن منارلها ويشرب برودها
في جنة الفردوس عند المنتهى = في ضل بستان النعيم يرودها
جيشه يحق الدين قوم نصرنا = سنة رسول الله يقوم حدودها
اللي يعادي الدين عاداه اكثر= ارخى عليه السيف بمحدودها
لين استطاع وحكم الشرع بالعدل=وجنب حكايا الشرك هي وورودها
حق على اهل الدين للسلم والعرب=في واجب الاسلام تبذل جهودها
حنا هل التوحيد يامعشر العرب = شبانا تمشي مماشي جدودها
وحنا هل التوحيد من عصر الجهل = نفخر بحكم الله ونفخر بزودها
هذا جوابي والصلاة على النبي = اعداد ماهبت ذواري نودها[/poem]

__________________