ما قيل في المزاين


حبيت أضع هذا الموضوع في هذا المكان والقصائد اللي قدرت اني أجمعها من من قالها وهذا الموضوع مفتوح لجميع ما قد قيل في هذه المناسبة والموضوع مفتوح




سعيد بن فالح المهداني وقصيدة ترحيبية في امسية اليوم الاول




[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
يامــرحبا فــي حفـل قحطان = أهلاً هلا والــف تـــرحــــيبه
ترحيبة تــِـرجــــح الميــزان = والضيف لا جاء نهـــلـــي به
بمــــزايـــن الآبة الظـــفران = كـــلٍ بـــــذوده يمــــــاريــبه
يـامحـــلا شـــوفت الذيـــدان = فـــي تختـــخ ٍعــــاوي ذيبـه
لاربعـــت في حـدا الريضـان = فيـــــه أم ســـــالم تغنـــيــبه
فـي مرتـــع ســـاقه الــودان = منـــوة راع الـذود يمشي به
العصـــر تبــرا لـها الحيران = في وســــط روضٍ تعشــيبه
ولا روحـــت كنــها غــزلان = في ســــاقة الجيـــب تلـويبه
والصبـــح لا طبــت الميـدان = كــــل يحســــب مكـــاســـيبه
البـــل مكاســيب للشجعان = ومـــــزاين البل نــوصـي به
وأقول عن لابتـــي قحــطان = يامـرحبا وألــف تـــرحــــيبه[/poem]


كما القاء الشاعر عايض بن هادي آل شنان الحبابي هذه القصيده





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
في مزاين كاسبين المدايح والسلوم = لابتن يعرف نهار الجهل خيالها
يا سلام الله عليكم عدد برق الغيوم = وعدد ما دندن رعدها بعرض خيالها
من مشاعر شاعرٍ لا وقف سد اللزوم =يفتل الحجة لا منه عجز فتالها
أمدح أهل المدح وأفخر بشجعانٍ قروم=قحطان أهل الفعايل ونعم أفعالها
أفتخر في لابتن وسمها فوق الوسوم = لا بتن تاريخها شاهدٍ لأبطالها
ونعم يوم الملاقاء ونفاذ الكموم=في الجهل والسلم محدٍ شرب فنجالها
أمدح اللي مدحها غصب من فوق الخشوم=شجرةٍ من لاذ فيها يظل ظلالها
قومٍ أشرس قوم في حربهم وأعز قوم=بالفعول تجمل الله يجمل حالها
وأسرج حصاني على المدح وإحصاني عزوم = في عيال مضيم من حبها يبرى لها
والله لا فيهم هزيعة ولا فيهم رخوم = غير شجعانٍ تشق النحور سلالها
ويكرمون الضيف وقت العسر عفراء الردوم=ويجعلون البن والهيل وسط دلالها
والخوي دونة توقف بزرقات السهوم=تنثني دون الخوي لو تروح أجالها
وجارهم ينعم بداره مقدر ومحشوم = في ذرى قحطان ذوده يفك عقالها
من تلوا في حماها جلت عنه الهموم = وشالت حمولٍ عنه عاجزٍ ما شالها
يوم كلٍ له يمينه ومعطاء ومحروم=ما غداء مثقال ذره لها من ما لها
في مناكب الارض تسرح وتمرح كل يوم = لابتن البيض من فعلها تبنا لها
من يحاربها يعود من الحرب مهزوم = وحالته من حربهم حالةٍ يرثالها
يشبع الذيب الجويع بأثرهم في الحزوم=ومن وقايعهم تعشي السباع عيالها
يرتفع راسي بمدحي لوافين العلوم=الله اللي جل شانة رفع منزالها
الوفاء من طبعهم جعلهم دايم سلوم = قلتها في تاج راسي وغيري قالها
وقسمهم من فضل ربي من خيار القسوم=القسوم اللي تجمل بشيل جزالها
وصفهم لما كبر كنه السيل الدموم = وقعهم مثل الصواعق يهد إجبالها
والقبايل ونعم كلهم ضلعٍ زحوم = لا دقلت للحرب فالموت في مدقالها
ومجتمع قحطان ومشاهدة فخراً يدوم = والفخر لي يومني واقفٍ اقبالها
زاينوا بللي عليها الشحم كومٍ وكوم=المزاين إتجاول حلو تجوالها
شيء مثل الليل الاسود وشيء مثل النجوم=وشي حمراً تعجب العين في زرفالها
والفحول أنواع من بينها مثل الرجوم=تدهش الأفكار بأنواعها وأشكالها
نزلت بكتاب ربٍ كريمٍ ما ينوم=وقال فيها آياتٍ يا ما حلا رتالها
إبل عطران الشوارب محطمت الرقوم = المدايح كل قرمٍ بفعلة نالها
وهم هل البل لا غدا الحرب دخانة يعوم= تنثني من دونها دقها وجلالها
وأما هذا اليوم كلٍ تريح ومخدوم= في ذرى آل سعود شيبانها وعيالها
تحت رايت مكرم الشعب والأب الرحوم = أبو من شحت عليه السنين اليالها
من محبة شعبه إمحققٍ كل الحلوم = وفي رضى شعبة وكل الشعوب أوالها
قام يعطي الشعب مالخير ويسد الثلوم = والخزينه لجل شعبة يفك أقفالها
ما حسد هذا ولا ذا جعل حظة يقوم = وبأكرم يمناه ما وقفت مرسالها
واليتيم يمسح دموع عينه بالبهوم = ودمعته تذرف على الخد يوم إسالها
ما أحدٍ مثلها بكا شكل عبدالله معدوم = لو نلف الارض من جالها لا جالها
أتسامح فيه والحلم والطيب محتوم = في مليكٍ يحمل إخفافها وإثقالها
وزعل صقر العروبة كما الحر اللطوم = يلطم العيال لين تهجد عيالها
وداموا آل سعود فالحق ماهو بمهضوم = بالعداله والوفاء ما نقص مكيالها
ودام عبدالله وسلطان ذخراً للعموم = هم ذرى اللي ما معه حيلةٍ يحتالها[/poem]

كما في حفل قبيلة آل الجرو القيت هذه القصيدة لشاعر سند بن بجاد الجروي

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسمي وبسم الوافي الشيخ قبلان = وبأسماء بني جاري شباب وشياب
يا مرحبا ترحيبةٍ شانها شان = ترحيبةٍ تفتح لها كل الابواب
ترحيبةٍ تبقى على مر الازمان = ومن سمعها يصغي لها شوق وإعجاب
ترحيبةٍ يرجح بها كل ميزان = وفاقت على ترحيب سعدون بعقاب
ترحيبةٍ تضفي على كل قحطان = وتضفي على كل القبائل والاصحاب
أنطق بها في حفلنا سر وعلان = وأكرر الترحيب والقاف ما شاب
وأسوق قافٍ فالشعر تو ما زان = وزانت طواريقة على كل هنداب
والشعر له داعي وحاضي وعنوان = وليا حضر داعية ما عنة مجناب
وحاضية حضّر وأصبح الفكر ولهان = ولمزاين أهل الطيب طاب الفكر طاب
طاب الفكر من فعل من صيتهم بان = فعل قحطان مطوعة كل حراب
العزوة اللي فعلهم شّد الاذهان = عزوة مضيم مطوعة كل الاصعاب
قومٍ لهم تاريخ بين وبرهان =وتاريخهم من صفحة المجد ما غاب
خيالهم وإن ركب للموت طربان = وليا نظر وجه المغيرين ما هاب
يارد على حوض الوغى ورد ضميان = إتقول ذا لمناطح القوم طلاب
ومن غير نقص فالقبايل وحقران = حبيت ابين موجزلعكف الاشناب
وأعود للي سيس الحفل لا هان = وأرفع له البيضاء على كل مرقاب
وللجنة التنظيم شكر وعرفان = ولداعمين أكرر الشكر بعجاب
وصلاة ربي عد ما هل ودان= وإعداد ما ذعذع من الغرب هباب
على الرسول محمدٍ نسل عدنان= اللي بعث مرسول من رب الارباب[/poem]



حمد ابو ظهير شاعر المبايعة المشهوره وهذه القصيدة في الابل





[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
البل عطايا الله تراها كليفه = مثل المراجل كسبها بالكلايف
سودٍ كما سود الجبال المنيفه = والا مغاتيرٍ مثل كف نايف
عوص النضا مرباع قلبي وصيفه = وساع النحور وغاليات الوصايف
البل كرامة واحدٍ جاه ضيفه = غبوقها ما عاد عقبة كلايف
يوم إن بعض الناس نفسة ضعيفة = لا مره الطرقي شبكها وخايف
خايف لبنها يروح منه النصيفه = يبخل بدر الذود لا و حسايف
ويازين شوفتها بدارٍ نظيفة =قبل العمر تمضي عليه التلايف
في واديٍ عشبة كثيرٍ وصيفه = وحيرانها بالقاع الاخضر ولايف
البل تراها عند أهلها طريفة = شيب الغوارب موميات السفايف
وظيفة إللي ما لقا له وظيفة = أنا أشهد إنها من خيار الوضايف
أخير من شوف الرقيب وعريفه = بسرية فيها قرود ولفايف[/poem]

فهد المكودر اشعل حماس الجمهور بهذه القصيدة التي تطلق وجهه



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
حاظر بحاظر والمواقف لا دعتني ما تلام =ما للمواقف غير أهلها من عصر عاد وثمود
حظرت أشرف عزوتي قحطان يوم الحظ قام=في موقفٍ غصاب يلزمني ولاعنه صدود
امزاين إبل لقحطان وعيد جمعا وإنظمام =الله يبيض وجه من حطة وجعلة فالوجود
يا مرحبا ترحيبةٍ منزالها فوق الغمام = والعود الازرق ريحها لا نسنست مع كل نود
إعداد من حج الحرم وإعداد من صلى وصام =ترحيبةٍ بإسم قحطان وتشمل كبار الوفود
عنوانها التقدير وإكرام الرجال والاحترام = ومضمونها الفنجال الاشقر والطلي عقب القعود
سلمٍ لنا وأجدادنا واللي بعد سن الفطام = يبقى لنا دام قحطانٍ ساسنا والجد هود
وحنا ولا من قلت حنا يا قحطانٍ في الهمام = حنا قبايل بيتنا واحد وقحطانٍ عمود
ما نتبع اللي مقفيه ولا نحب الانهزام = ولا خذيناالهاملة ولا تنطحنا الشرود
أرواحنا ماتت شرف وإنفوسنا تحيا كرام = ووجيهنا طالت فخر وفعالنا ترقى سنود
حنا بني قحطان في وقت المعارك والزحام = على ظهور المسرجات من الحدود الى الحدود
نقدم على اللي معتدي بالسيف قصاص العظام=ونحط من جاله وجود بفعلنا ماله وجود
يشهد لنا سيف بن هادي اللي خذا عشرين عام =في نجد حاميها من يدين الذيابه والاسود
ويشهد لنا فعل الشفاليت الشيوخ أهل المقام=اللي توارد للخطر مثل الحيام اللي ورود
ويشهد لنا فعل الحباب اللي لنا درع وحزام = أفعالهم يشهد لها التاريخ والعالم شهود
وتشهد لنا ترثة بني هاجر عمى عين الخصام = لما اقبلت مثل المزون اللي ترزم بالرعود
وتشهد لنا شريف وقبايل وادعه بين الانام=وبني بشر ورفيده وسنحان وافين العهود
وتشهد لنا فرسان نجد اللي يردون الجهام=اللي ليا حمي الــوطـــيس تقود روس القوم قود
عثفر وهادي وبن هادي والمهادي ابو الغلام = اللي قطع راسه يعود الجار والا ما يعود
وشالح وأخوه فديع واللي فالمعارك ما يضام = ذيب بن شالح والشجاع يحود لو هو ما يحود
وزيد وجمل وقنيفذ ومسعوت مرويت السهام = وحقيب وقريويش وملهي وجرمان الفهود
وابن حشر وابن مريحة وابن شبعان الكرام = وجراب مع فراج وجديع آل جرو وابن عبود
وهذا مثال وباقي من أبطالنا شرقٍ وشام = ولاّ لو أعدد يشيب القاف والاسماء تزود
عشنا على وجه البسيطة قسمنا راس السنام= ولا خضعنا الا لمن هو ينخضع له فالسجود
ومن الحصاه الى السراه وبين نجران ونعام = ومن جبال طويق غرب الين صبحا والنفود
هذي منازلنا ونور الحق جلاي الظلام = يشهد عليها اللي عرفها من عريبين الجدود
وتشهد عتيبة والبقوم وحرب ومطيرٍ ويام =والاد وايل والشريف وكل من سيفه يذود
قلته وانا من نسل بن عاطف وماخذ لي وسام = وأقدح بيوت الشعر من راسي مثل قدح الزنود
أتعب على المعنا وأقوده لو مافي يدي له خطام = وأصرف من بيوتي على قافي مثل صرف النقود
وماني بعرضها صفا ولا بنطحها العدام = أرقابها في راس مرقابٍ على القمة صعود
وماني بأنقص حق من فعله غنيّ من الكلام = كل القبايل فعلهم ثابت ولا يبغى شهود
واليوم حنا أخوان نمشي كلنا حسب النظام = ونفخر ليا منه دعا الداعي وجينا له جنود
وختلمها ما باقي الا كلمتين في الختام = وأجب على أقولها والعود في عين الحسود
الله يديم الامن والامان في دار السلام = ويعز عبدالله ولد عبدالعزيز بن سعود[/poem]
سعد بن مناحي بن شفلوت وهذه القصيده الشامخة






[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
يطيب الكيف ويزين الكلام وتصدق القيفان=مشاعر شاعر نفسه لبدع القاف مشتاقه
معلمها ماتدخل غير سوق الجزل مهما كان=لونها وأحمدالله ماتدل الهزل واسواقه
انا شاعر ولي مبدا ولي منهج ولي بنيان=ولي بيت ليا طال المدا ماخفت اشناقه
والي جااللازم اللي مايخص فلان دون فلان=وتنادوبه رجال في دروب الطيب سباقه
وردت الشعر وحبالي طوال ومحزمي مليان=والى مني عسفت البيت الاول جات منساقه
وصغت من البيوت اللي ينومس لابتي قحطان =رجال لاجلهم حن القصيد ولاح براقه
هذا والبيض للي بان ميقافه وفعله بان=وللي فزعته تبني عمود البيت ورواقه
صحيح انه مايصهل لاحتما الميقاف غير حصان=وثوب المدح مايزهى بلبسه غير عشاقه
وصحيح ان الصعاب تهون لاجاو الرجال اعوان=ومن ساقه حماسه للطليعه ماحد عاقه
مادمنا اهل السلوم المتعبه من ماضي الازمان=عوايدنا نكمل في الوجوب ونحتمي الساقه
وبين اهل الفعول اللي لها وسط الجزيره شان =لنا شان نجومه في سما التاريخ شعاقه
نقول اقوالنا وافعالنا لاقوالنا برهان=وكل دون حقه ويتصرف فيه خلاقه
حن اهل البل من ايام الجهل ومصامخ الفرسان=خلقنا الله رجال للفخر والعز عشاقه
لنا معها على صدر الزمن رسم ولناعنوان=ولناامجاد مايكسبها راعي الحكي بتمذلاقه
كسبناها بوقعات تهول وتخلص الديان=يومن بعض العرب من دون حاله نومه شفاقه
تحت هيبة متيهة العشاير خوف والا أمان=ماترعى غير نبت الوسم لامن زافت اوراقه
ولن طمعوا صواريم العدا اللي تخلي المرحان=وجا للخيل خياله وجاللروس حلاقه
فلاقدامهم غير اشهب البارود والظفران=مافينا لاعتزينا خيال البل لاش وعلاقه
نحول بالمزرج لابسين الجوخ والشيخان=وكل دون مخلفة الهقاوي ثاني ساقه
يثور وينجلي عج الرمك في الجو والدخان=وكل همه انه ماغدا منها ولد ناقه
هاذي حم الذرا سفن الصحاري مارث الجدان=ورجل مايقدر منزلتها يعتبر عاقه
رصيد التاجر اللي ماعرف مصرف ولادكان=وغناة اللي جعلها اكبر طموحه وأخر اشواقه
تدسم شارب القناي وتكرم لحى الضيفان=وتدفن فقر من وقته حداه وشين اخلاقه
محبتنا لها تجري سواة الدم في الشريان=مايردعنا الشقا من حبها والوقت وارهاقه
وبعد راح الجهل واهل الجهل عاذوا من الشيطان= وكل بعد امان الله جعل سيفه بمعلاقه
تعلا شانها واثمانها زادت على الاثمان=عسى ربي يعين المقتدر ويوسع ارزاقه
ويحفظ مملكتنافي ذرا عبدالله وسلطان =عساهم في الوجود وراية التوحيد خفاقه
لهم منا جزيل الشكروالتقدير والعرفان=ولهم منا الولا اللي ثابت عهده وميثاقه[/poem]


علي بن عبدالله المهداني وهذه القصيده


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]

مرحباً في كل من لابا عزيمتنا وجانا=عد مافي المملكة وعداد من في ارض الكنانة
بسمي وبسما بني عمي هل الحفل اقحطانا=من لساني قلتها عن كل واحد من لسانة
مرحباً بضيوفنا واللي لهم حقاً علانا=طيبها عود ازرق الجاوي وهيل وزعفرانة
ومرحبا ترحيبتً ماهي بعشر ولا ثمانا=ابين من الشمس وابيض من زهور القحويانة
في عموم اللي حضر منا ومن كل اقصرانا=من خليجي واعربي حياه ربي في مكانة
في محل مكرمين الضيف في عسر وليانا=عهد شايبنا القديم وحن على عهده وامانة
ما علي الأ ارحبو بسم قحطان واتفانا=شاعراً سدو عنه فالموجبة خيرت اخوانة
بيض الله وجه من سدو عن الكل وكفانا=وكل من قاموا على الحفل وتوالأ اوضاع شانة
حقهم منا جزيل الشكر وأفضل الأمتنانا=والله يجزاهم نهار العرض من مدت احسانة
نرفع البيضاء بغيبتهم ونرفعها عيانا=واجباً يستاهلونه واجباً منا أعلانة
نعلنه عبر القناوات الفضاء جهراً بيانا =وانشريها ياصحافة وردديها يا أسطوانة
والقصايد فيهم أكبر فخر ترفع مستوانا=وان قصر شعري عن ابناء لابتي مافية خانة
والله لا أعد المدايح فيهم واني ماتوانا=شاعراً وعندي على الصعبة مواجيب وميانة
ودام زان الشعر للشعار والطاروق زانا=يوم جاز المدح فاللي يستحق وذا مكانة
في رجالاً قاموا بحفل اقحطان ونومسانا=وكل من لاجل اقحطان بان جهده و ادعمانة
والمديح بغيرهم ماله محل ولا مكانا=خير من تقديمة يخلا تحت سلك الحصانة
كون في خادم بيوت الله أبو متعب وابانا=عادلاً صان الرعية في عطاه وفي كيانة
خادم البيتين عز الشعب بالحب احتوانا=والله أن ارواحنا وعيالنا دونه رهانة
سيفنا اللي عز شعبه بين الأمة واحتمانا=صيرمياً ماخدم الأسلام مثله في زمانة
هو فخرنا عزنا نور الجزيرة في سمانا=في وفاه وفي عطاه ومنهج التوحيد صانة
المليك اللي مسح دمع اليتاما وفقرانا=والضعيف والأقطعة عقب الجفا لقيو حنانة
والشباب يعلمه والعود زاد اله الضمانا=والمسن والأرملة والعاجز أمر له اعانة
واحمد المعبود يوماً مدنا فيه وعطانا=حاكم الحكام رجال السياسة والفطانة
يكفي انه من نذر نفسة فداء الدين وفدانا=قالها واعلن بها قدم الملا والرب عانة
كلمته عزاً على طول الدهر تاجاً كسانا=بالليانة و بالشموخ وبالصمود وبالرزانة
بنهضتن تفرح بها في المملكة كل اصدقانا=ومن حسدنا ماحسبنا للحشف تمر الخنانة
والمنافق والمداهن مايغير في وفانا=الوفاء بقلوبنا مثبوت ماغير مكانة
ولملكنا ولولي العهد مانخلف ولانا=ومن رضاء فيهم مهونة جعله الله للمهانة
ومن يخون املوكنا والدين من بعض اسفهانا=ننصحه في الأولة ونقول عان الدرب عانة
وان عصانا واتبع نهج الخوارج من ورانا=في شبا السيف الحدب لو ما استمع نقصر عنانة
ودون دين الله وملكنا والوطن نرخص ادمانا=نجلب ارواح الغلا من دونهم جلب استكانة
والختام اطلب من الله للملك عز وامانا=ينصره ربي ويحفظ للملك باقي اخوانة[/poem]


حامد بن علي بن مايقه وهذه القصيده



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]

سلام يا حضار قحطان بن هود = من شاعر قول التماثيل قوته

من سلسبيل بين الافكار موجود = مستعجل خوف المعاني تفوته

المجد يوجد له تواريخ وشهود = والشعر يشرح ما خفا من ثبوته

من ديرة بن دليم وجبالها السود = حتى قطر واللي سكن في بيوته

جواهر فيها تحاليل وعقود = واصواتها فيها موسيقى ونوته

انعم من الماهود والطف من النود = في نجد لى هبت هبايب خبوته

اللي يذكرني على طاري العود = هاك الشجاع اللي تجينا نعوته

شيخ الجحادر مارثة كل نمرود = رمز المفاخر في حياته وموته

اللي ذكر قصة حنيضل وابا الدود = في ما مضى والسابقات مغموته

والشعر له ميدان ولسان وحدود = واجمل بيوته ما ظهر من نحوته

وأنا على ما قيل ماني بمقرود = أخلي المخطي يساري وأشوته

واجنب التضليل والنقص والزود = خوف من السامع يشغل رموته

اسج من قول التماثيل واعود = للشعر لى حانت معاني وقوته

في دربنا يوجد مطبات وحيود = والمخطي اجمل من كلامه سكوته

والكبر في سلم الرجاجيل منقود = راعي التكبر قامته طول فوته

ينظر شزر بالزود والعقل محدود = يظهر غروره في كلامه وصوته

كل الرجال بهم غضاريف وجلود = والمنتفخ يملى ثيابه وكوته

والماء يجي قبله براريق ورعود = والجسم عند المنتهى زاد حوته

والله جعل للدين حراس وجنود = حرز من اللي بالمذاهب يلوته

والدين له حبل مع الناس ممدود = من يلتزم به ما يضيع سموته

من لا تعلق في هل المجد والجود = أضعف رجا من خيمة العنكبوته

والجود يوجد له سلالات وحدود = تبقى عناوين الوفا في كروته[/poem]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

بيض الله وجهك ياعبدالله

علمك غانم ووافي

وتسلم يمينك ياذيبان

لاهنت ولا هانو

وبيض الله وجيهكم جميعاً

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

لاهنت ولا هانوا

وبيض الله وجيهكم جميعاً

__________________

تشكر يا عبدالله على هذا الجمع المبارك


بيض الله وجهك يالذيب

بيض الله وجهك ياكحيلان والله العظيم أنك ترفع بالراس ياوجه بني شداد

وعلمك غانم أول وتالي والله يبارك فالمزاين اللي خلتنا نشوفك على الطبيعه

وصح لسان الشعار وأشهد بالله أنهم كفو ووفو

لك مني كل الود والتقدير والاحترام

أخوك / أبوعساف

__________________

أررررررحب يابوعابد

وبيض الله وجهك على النقل الرائع

وقصايد قمة في الروعة..

واتمنى انكم سجلتوها فيديو ولا صوت

تحياتي بلا حدود

__________________

اررررحب ياعبدالله ملايييين

بيض الله وجهك يابوسعود الحقيقه وجودك انت وشروك في هالمزائن يضيف له الكثير الكثير من النجاحات
فمن اول يوم ومن خلال متابعتي لك وانت شعله من النشاط وبشهاده الجميع
فلك الشكر والتوفيق والسداد وكثر الله من امثالك في قحطان من الابناء الاوفياء واكبر دليل
علي تميزك ومتابعتك الدائمه نقللك لهذا الدرر الرائعه لاهنت لاهنت

__________________

بيض الله وجهك ياعبدالله على هالمشاركة الجزلة واتمنى لك التوفيق وننتظر جديدك المتميز ولك تحياتي

وننننننننننننننننننننننننعم ..... كفوا


الله يجمل حالك


ويكثر خيرك

ابداع × ابداع وزيااااااااااااااااااادة


خشمك .................... حبة خشم تستاهلها واكثر


الله يسعدهم ربعنا هالطالة .... مبدعين من اول وتالي ............

صح الله لسان كل شاعر ...

__________________
« اللهم كما أحسنت خَلقي فحسن خُلقي »