السلام عليكم ورحمة الله وبركاته

أسئل الله العلي العظيم أن يعيننا ويعينكم على طاعته في هذا الشهر الكريم

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/1.gif" border="inset,5,royalblue" type=1 line=1 align=center use=ex num="0,black"]
الا يالله الوالي العظيم تجيب=سؤالي ولا غير الكريم مجيب
اغفر ذنوبي وعفوا عن كل معصيه=وانا اخشى من اسباب الذنوب لهيب
من عقب ذكر الله ومن عقب طلبته=عسى اللي سمع قولي يكون لبيب
إعلم بآداب الدعاء المفصله=من الشرع ولاتاخذ كلام أديب
من محكم التنزيل وسنة نبينا=كم أغنت مريض ٍ من كلام طبيب
العبد لخلص فالدعاء وتوفّرت=شروط ٍ على العاصي الجهول تغيب
تسري الإجابه حين ينزع ستارها=ويقبل دعائه والكريم مجيب
إبدأ بحمد الله والقلب حاضر=عط القلب عن فرط الأمور نصيب
ثم اعترف بالذنب ولاتكثر السجع=تكلّفك مازاد الفجوج شعيب
والصوت خلّه بين الإخفات والجهر=توسّطك طيّب وانحيازك ريب
إجزم تضرّع إخشع إصدق تيقّن=يقين ٍ بأنه للعباد قريب
إستقبل القبلة والإلحاح وارد=وطلاّب غير الله رجاه يخيب
رد المظالم قبل ترفع يدينك=تأكد بأن الله عليك رقيب
أكثر دعائك كانك بشدّه أو رخى=بيوم ٍ حسن أو عشت يوم عصيب
لاتدعوا بثم ٍ أو قطيعه بالأرحام=توقّع تشيل من الأمور مريب
أيضا به أعمال ٍ تعطّل قبولها=سبيل التعدّي بالدعاء غريب
ناس ٍ عماها الزور والغل والحسد=عجيبه واذاها للعباد عجيب
تلقى ديرها من جفى الغيث ميته=خرابه وحال الساكنين صعيب
من لايهاب إثمه بدنياه وذنبه=يهيبه بالآخره عذاب مهيب
هذاك يوم ٍ يفزع الناس هوله=ومن شدّته راس الرضيع يشيب
يارب تنجينا بعفوك ورحمتك=بعفوك يثاب اللي عليه تثيب
والختم صلى الله وسلم على النبي=عدد ماحدر سيل ٍ وسال طريب [/poem]

وسلامتكم

__________________


[poem font="Andalus,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قحطان لاركبت ظهور خيولها=إهتز نجد والعراق الأسفلي[/poem]

وعليكم السلام ورحمة الله وبركاته

صح لسانك ياوسيع الخاطر

والشهر عليك مبارك


والله يتقبل مننا صالح الأعمال



.

__________________

صح الله لسانك وقبلك


وكثر الله من امثالك



اخوك

لاهنت يا وسيع الخاطر على هذه القصيدة الطيبة الله يجزاك خير

__________________

صح لسانك


ابيات طيبة وفي طياتها آداب الدعاء

__________________