هل هشام .. ( بــ / طل .. او .. ســ/ طل ) ؟؟

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قالوا الانذال جـاك الفـارس الشهـم الكريـم=حامل الكاس ورفع راس البلد هـذا ( هشـام )

قلت يا عزي لكم مـا عـاد باقـي بـه حكيـم=ماتـت الغيـره بكـم ماعـاد ينفعكـم كـلام

من فعل فعله سطل ما هـو بطـل والله غشيـم=لا خذا مشي الغراب ولا خـذا مشـي الحمـام

يا زقينه يا حليله صاحـب الصـوت الرخيـم=قلت هذا ابليس زيّـن للبشـر شـوف الحـرام

اختلاط ورقص وعيون الهوى صـارت تهيـم=في زوايا بيـت عـار ٍ ممتلـي حـب وهيـام

هز وسط وقـل ديـن ومشهـد يبـك الحليـم=وانتهـاك لحرمـة الله يـا عساهـم للـعـدام

والله انْ اللي دفـع مالـه عبـث عقلـه سقيـم=سوف يُسأل عن ريالـه يـوم تنسـاق الأنـام

يحترق قلب الغيـور وينفطـر قلـب الرحيـم=يوم صار الجيـل همّـه بالأغانـي والغـرام

لا تظنـون البـلا هـذا جـديـد إلا قـديـم=ديننا صار الهدف .. هذا الهدف ( نشر الظلام )

والقضيه اكبـر اكبـر ليـت تفهـم يـا فهيـم=غزو فكـر وهـز ديـن ٍ مستمـر ٍ بالـداوم

صاب سهم الغدر قلب الامه بجـوف الصميـم=وانتثـر دم الكرامـه .. وانفـرد هـم الكـرام

بالقنابـل هـدّمـوا دار الضحـيـه واليتـيـم=وبالصواريخ الحديثـه دخنّـت ارض السـلام

اصبحت ارض الرسالـه بالمدافـع كالجحيـم=بين تزهيق النفـوس وبيـن تكسيـر العظـام

يا ( اسود الامه ) اللـي فالرمـادي بالخصيـم=حطـوا انـواع العجايـب حـي ذاك الانتقـام

وشوفوا ابطال الحجاره ويـش سـوو باللئيـم=مـا تهنّـى بالحيـاه .. ولاتهنّـى بالمـنـام

يهجدونـه بالحجـاره لاظلـم الليـل البهـيـم=وكم شهيد ٍ فجّر جموع ( النجاسـه ) بالحـزام

ناس تبـذل فـي سبيـل الله وتزهـد بالنعيـم=راجيه ما عند رب الناس مـن طيـب المقـام

وناس تبذل في سبيل ابليـس هـذاك الرجيـم=كلها.. ( تصويت كاذب لاجل ما يخسر هشام )

الله اللـي عزنـا بالديـن والشـرع القـويـم=مع شرف خدمة حجيـج الله ومسجـده الحـرام

مابه احد ٍ سوف يبقى .. لا تعـد انـك مقيـم=كل ابونا سوف نفنـى والكفـن متريـن خـام

وكلنا بنمـر مـن فـوق الصـراط المستقيـم=وحظ من عدّى الصـراط وفـاز بالجنـه ودام [/poem]





لكم تحيتي


جزاء البقمي

[line]

مع تحيات اخوكم الجديد

فارس نجد

يابلادي دام خيرك ودام طيبك
ودمتي في عز ورغد
يابلادي دام مجدك ودام سعدك

،



«لا إله إلا الله محمد رسول الله»



،

المشاركة الأصلية كتبت بواسطة ابوملاك لاهنت يا فارس نجد وصح لسان الشاعر جزاء البقمي

ولا أنت يابو ملاك

وصح بدنك ..... والله لا يهينك على المرور والمشاركة

اخوك
فارس نجد

ووجهك يالمعمري ومن قال سالم

صح بدنك

وشكرا على المرور والمشاركة

اخوك

فارس نجد

حلووووه ....تعجبني صراحتك يا تركـــي

ومن قال ما هان

صح بدنك

شكررررا على المرور والمشاركة

اخوك

فارس نجد

كلامك صحيح يابن شاهر

وانما ايرادي للقصيدة والمناسبة هو لتذكير الناااس بأن هشاااام لا يمثل الوطن إنما يمثل نفسه ومن هم على شاكلته ...والذين يطبلون له ...


الله يبقيك ... وصح بدنك

سرني مرورك ومشاركتك

اخوك

فارس نجد