بن شنان وفنان العرب

[poem=font="Simplified Arabic,5,white,bold,italic" bkcolor="transparent" bkimage="backgrounds/38.gif" border="none,4,gray" type=0 line=1 align=center use=ex num="0,black"]
مذهله

على متن الغرام وكفتين المدح والاعجاب = تعاندني احاسيسي وتتعبني سؤلاتي
ابا اعدل بينها واكتب مشاعر خافقي باسباب = تخليني اترجمها شعر واقرى كتاباتي
بعض الاشياء تخلي هاجسي يفتح كثير ابواب = تجيني منه ابيوت الشعر وابدع بهقواتي
هلابك يا الشعر في وقت حاجه والقمر ما غاب=تسامرني على الموال وتحقق طموحاتي
تخاويني على دربٍ جميلٍ معشبٍ خلاب = وروده تشرح الخاطر وتنشط فيه خطواتي
تبعته والنظر يتبع شعاعٍ ظاهرٍ نهاب =ينورلي ظلام الليل ويبدد متاهاتي
وانا من كثر ما بي من فضولٍ سرت له مرتاب =يخوفني اقترابي منه واكسب منه قدراتي
مشيت وقلت يا كبر العزايم والبعاد اقراب =توصليني مكان النور بطيب وشوق من ذاتي
لقيت النور من بدرٍ بنوره يفرح المنصاب =ينسيه الشقى والهم وطبعاٍ كل ما فاتي
هلا بالحسن واوصافه هلا باللي فداها رقاب =هلا واقولها صادق عسى ترأف بحالاتي
جذبني سحرها المذهل خذاني اسلوبها الجذاب = تناظرني بعينٍ شفت فيها كل وجهاتي
اغني مذهله واهدي لها الكلمه وجوي طاب =يغنيها ابو نوره واجربها بنبراتي
يصح السان شاعرها ويسلم من نقد وعتاب =وفنان العرب لا هان صوته يبري اهاتي
تناقض صار في فكري ولي قلبٍ ابد ما تاب = عن امواج الغرام اللي الاطمها بعباراتي
عرفت الحب من نظره وجربته وانا ما اهاب=تساعدني على خوض التجارب فيه خبراتي
على متن الغرام وكفتين المدح والاعجاب =تساعدني احاسيسي وادون بعض اجاباتي

جابر بن شنان [/poem]