الشاعر عبدالله خميس النواق الشراري

بسم الله الرحمن الرحيم

السلام عليكم ورحمة الله وبركــاته

عبدالله بن خميـــس النواق الشراري شاعر أستطاع ان يرسم لنا صورة جميلة

من خلال كلماته الرائعة وتصوير موقف مر عليه وهو يراقب رحيل من لهم في

مقلة القلب مكانه ولم يكن مصدقا بالبداية بفراق من احب وعندما تأكد من الرحيل

قال (لا والله الا صار للبدو تنجيع) .. واسهب بوصف احداث الموقف بكل حذافيره

وهو ليس له اي حيلة سوى المشاهده

اترككم مع هذه الرائعة الجميلة لعلها تكون اكثر بلاغة من السرد







لا والله الا صـار للـبـدو تنجـيـع
وكلن نوالـه نيـة(ن) مـد صوبـه
صبح الرحيل مشمريـن(ن) مفاريـع
وكلن ينافـذ محزمـه بـي جنوبـه
قشـر النواظـر طايريـن الجنازيـع
باتوا علـى نـو الرحيـل ومشوبـه
وتفرقـوا فرقـى عيـال الجرابـيـع
واللـي يـود اليامـهـم شمتـوبـه
تلوعـه لوعـة نـهـار التـواديـع
اكثر من ضحكة خاطره بالـف نوبـه
وقت(ن) ضحك به يوم وقت التجاميع
والله مـا يسـوى نهـار العقـوبـه
اقفت جهامتهـم وانـا امـد واريـع
مع راس حزم(ن) شففوا واتقوا بـه
واقفن بهم مثل السفاين مـع الريـع
مـع سهلتـن متسمحاتـن دروبــه
ايمانهـن تومـي اومـاي المقاليـع
وعجـز المحـوّل لا يتعلّـق ركوبـه
تقلّعـوا مـع قفـر الاريـاع تقليـع
بيـن المقـام ومنزلـن مـا بنوبـه
تلقـى بـه الفطّـر لذيـذ المراتيـع
يدعي على الخلفـات مثـل الركوبـه
وانا مـرض حالـي يجيهـا تناويـع
ونفسي على زادي تقـول مغصوبـه
كني مريـض(ن) قومتـه بالتمانيـع
وممشاه من عقب المشاويـر دوبـه
عسى يجن مـن الشراقـي ذعاذيـع
حر(ن) يسم الوجـه لفحـة هبوبـه
وجعله ينش القـاع عقـب التناقيـع
وعسى غدير المـا يمـوت دغلوبـه
ويصير بي عشب الدغاليـن توجيـع
ويلتـف ليـن انـه تنثـر حبـوبـه
تلقى فـروخ الحمـره بـه مقافيـع
عريان لبس وقاصـرن عنـه ثوبـه
وتسمع لحنين الجمـل بـه قعاقيـع
مفـلاه حمـض ولا بعـوده رطوبـه
يـحـن وده بــاردات القراطـيـع
من مبرك(ن) حامي وشمس(ن) لهوبه
حر(ن) يميّـع ثومـة الكبـد تمييـع
ام اللبـن مـا كنهـا بـه حلـوبـه
ايـام غيبـات النجـوم اللوامـيـع
ست اشهرن تمضي عليـه محسوبـه
راع الهـوى يعـدهـن بالاصابـيـع
والناس عدى الوقت مـا برّقـوا بـه
ليله طويل ومجضعـه بـه تواجيـع
وصبحن على مثله يشـادي غروبـه
يشوف مـن وقتـه قـراده وتلقيـع
ودنياه مـا تاتـي يغيـر بصعوبـه

اررررررررررررررررررحب يا الشراري

والله يحييك في محلك وان شاء الله ما تقاطعنا ونتمنى منك المزيد من المشاركاتكـ....


وصح الله لسان ابوخميس وسلمت يمناك على النقل

وقصيدهـ متجليه معانيها و واضحه

ولا هنت يا الذيب

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

لاهنت اخوي خالد

مشكور على هذي السالفه الطيبه تستحق القراءه



مشكووووور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

اخوي سعيد الجهيمي مرورك زاد النور نور الله يبارك فيك
اخوي نايف راكان يسرني مرورك وتعليقك
دمتم بخير

ارحب يالشراري تراحيب اقحطان


مرحبا بك وبمشاركاتك الطيبه

ولا تحرمنا المزيد

تسلم يالرفيدي ومرورك يسرني