قصيدة مخرب في ابن شفلوت وقحطان

15-01-2006, 05:13 AM

ابن عاصم

عضو فضي

تاريخ التسجيل: Oct 2004

الدولة: هناااك

المشاركات: 1,402

قصيدة مخرب في ابن شفلوت وقحطان

قصيدة الشاعر مخرب الروقي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عقب القيام وموسم الخير والصـوم=يالله تقـبـل للصـيـام وقـيـامـه
ويالله عسى ماني من الخير محـروم=وكل الوجوه الحاضرة فـي سلامـه
الله جمعنـا ياهـل الطيـب واليـوم=عيد وفـرح والكـل فيـه ابتسامـه
أرحب بالأجناب والضيـف محشـوم=ومن زارنا ياجـب علينـا إحترامـه
وسلام يا قحطـان واخـص زيـزوم=مقـدم عبيـده للسلـف والجهامـه
أخص إبن شفلوت وأثني على القوم=عبايـد اللـي تستحـق الزعـامـه
عبايد اللـي فـي مواجيبهـا تقـوم=والكـل منهـم يفتخـر فـي مقامـه
لاطار ستر البيض والحرب مزحـوم=يشيـب منهـم كـل طفـل بفطامـه
ولآلاد سالـم مارثـة عـود ملـزوم=أخصهـم والجـود لبسـوا وسامـه
أهل الرفيعه منقـع الطيـب وقـروم=سلم المراجـل فـي إيديهـم زمامـه
وأذكر بني هاجر سعـد كـل مكلـوم=خزنة ظفر والمـوت تنقـل سهامـه
حريبهم يسري بـه الليـل منجـوم=هواجـرٍ سقـم المعـادي كعـامـه
هذا وأنـا مـن لابـةٍ تبعـد الحـوم=جحـادرٍ فيهـا الكـرم والقـرامـه
قد قال إبن هادي زبن كـل مضيـوم=لـي لابـةٍ حدرتهـم مـن تهـامـه
وسلاحهم صنع الفرنجي مع الـروم=مرحوم ذاك الشيخ ما أجمـل كلامـه
عدوهم في شـذرة السيـف ملطـوم=يبطي ويفنى ما إهتنـا فـي منامـه
وفعل الحباب بعالي المجـد مرسـوم=فيهم على صعب المواقـف صرامـه
عضود الجحادر لا غلا بسوقها السوم=تركض بهم قب الرمك فـي عسامـه
وأخص ربعي والقبايـل لهـا سلـوم=آلاد روق أهـل الوفـاء والشهامـه
آلاد روق تخضب السيـف وسهـوم=مثل البحـر لا زاد موجـه إلتطامـه
ضديدهم لا ثـوّر الحـرب مهـزوم=ومن شافهم بالعيـن تبـرد عظامـه
أهل المهار المسرجـه والسعـد دوم=يا سِعد منهم في المواقـف حزامـه
خويهم يبقـى لـه الحـق مقسـوم=وقصيرهم تشرب ضوامـي حيامـه
والحمـد لله البلـد صـار محـكـوم=حكمٍ على الديـن الحنيـف إنتظامـه
آل سعـود مناصـرة كـل مظـلـوم=مثل القمـر يزيـح دامـس ظلامـه
وفي الجله يطري لي سواليف وعلوم=سوالـفٍ ترفـع بهـا كـل هـامـه
أحبهـا ويحبهـا كــل شغـمـوم=دار اقحطان الطيـب ترقـى سنامـه
وفي الجله يا سطام ما انتهنا اليـوم=واللـي يلومـك يستحـق الملامـه
يلومك اللي ضيع الحـر فـي البـوم=تبـعٍ ولـد تبـعٍ سلايـل هـلامـه
والا أنت يا نسل المناعيـر محشـوم=وتكرم رجال الطيب وأهـل الكرامـه
وصلوا على المختار والهرج مختـوم = على شفيـع الخلـق يـوم القيامـه[/poem]
اخوكم

ابن عاصم

__________________
ماهقيت إن للجمايل على الدنيا جحود
لين معروفي بذرته بنـاس وجحـدوه

أشهدٍ من يفعل الجود في من لا يجدود
مثل من حجج على غاربه ذباح بـوه

الشاعرالكبير _ حمد بن هادي المسردي

15-01-2006, 05:26 AM

محمد القويفل

نائب المشرف العام

تاريخ التسجيل: Sep 2004

الدولة: الرياض

المشاركات: 3,487

محمد القويفل has a reputation beyond repute

ارررحب يا ابن عاصم

ولاهنت على نقل قصيده ابو فلاح

وصح السان مخرب بن فلاح

وهذه القصيده ألقيت في امسيه في حي الرفيعه بالجله جمعت الشعراء
عوض بن شفلوت المناديه
ومفرب بن فلاح
وسطام بن شفلوت

بحضور الشيخ مترك بن شفلوت رحمه الله

15-01-2006, 06:00 AM

ابن شطفان

عضو متميز

تاريخ التسجيل: Jan 2005

الدولة: أرض الله الواسعة

المشاركات: 991

صح لسان الشاعر مخرب ..

مشكور ولا هنت يا ابن عاصم على نقل القصيدة الرائعة ..

__________________

BB PIN: 21CD7379

15-01-2006, 07:18 AM

المجهول

عضو

تاريخ التسجيل: May 2005

الدولة: كوكب زحل

المشاركات: 84

لاهنت يا ابن عاصم على ذي القصيده ونحتري جديدك

المـــــجهـــول العاصمي

15-01-2006, 09:22 AM

محمد الحياني

.: مشرف ســـابق :.

تاريخ التسجيل: Aug 2005

الدولة: k . s .a

المشاركات: 8,767

محمد الحياني has a reputation beyond repute

لاهنت وابيض وجه يالغالي

كثر الله خيرك

نقل رائع لقصيدة رائعة

تقبل ودي وكل لحظة وانت بخير ان شاء الله

__________________
« اللهم كما أحسنت خَلقي فحسن خُلقي »

15-01-2006, 09:56 AM

محمد الاحبابي

عضو

تاريخ التسجيل: Apr 2005

الدولة: DOHA_QATAR

المشاركات: 97

محمد الاحبابي is on a distinguished road

لاهنت بن عاصم

اشهد(ن) ذا القصيده تهول هوال

وبيض الله وجه قايلها

15-01-2006, 12:41 PM

علي بن شافع العنبسي

. . : : باحث تاريخي : : . .

تاريخ التسجيل: Nov 2005

المشاركات: 787

علي بن شافع العنبسي is a name known to all

لا هنت يا بن عاصم وبيض الله وجهك على نقل القصيده واشكر الشاعر والشفاليت يستاهلون المدح

__________________

أرجو ممن يقتبس من مواضيعي الإشارة إلى المصدر
وسيكون المخالف محلاً للملاحقة الإعلامية والقانونية

التعديل الأخير تم بواسطة علي بن شافع العنبسي ; 15-01-2006 الساعة 12:44 PM

15-01-2006, 02:41 PM

شيهان

عضو مشارك

تاريخ التسجيل: Apr 2005

المشاركات: 138

صح لسان الشاعر

15-01-2006, 02:49 PM

فارس قحطان

تاريخ التسجيل: Jun 2004

الدولة: في قلب شبكة قحطان

المشاركات: 7,494

فارس قحطان has a reputation beyond repute

السلام عليكم ورحمة الله وبركاته

بيض الله وجهك يابن عاصم

وصح لسان ابو فلاح

واشهد انها قصيده جزله

والقصيده موجوده عندي صوتياً وبحاول انزلها في الموقع

والشاعر مخرب في هذا البيت

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ولآلاد سالـم مارثـة عـود ملـزوم=أخصهـم والجـود لبسـوا وسامـه[/poem]
يقصد فيه ربعي القوافله عيال سالم بن عون

والقصيده فيها خطأ في البيت
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وفي الجله يا سطام ما انتهنـا اليـوم=واللـي يلومـك يستحـق الملامـه[/poem]

والصحيح هو
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وفي الجله يا سطام ما انت بمليوم=واللـي يلومـك يستحـق الملامـه[/poem]

والمقصود بسطام هو الشاعر سطام بن شفلوت

هذا ماحبيت اوضحه

والسلام عليكم

.

__________________

،

«لا إله إلا الله محمد رسول الله»

،

15-01-2006, 03:29 PM

#10

محمد الحياني

.: مشرف ســـابق :.

تاريخ التسجيل: Aug 2005

الدولة: k . s .a

المشاركات: 8,767

اشكرك اخوي الغالي

فارس قحطان على الايضاح

تقبلوا ودي جميعاً

__________________
« اللهم كما أحسنت خَلقي فحسن خُلقي »

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى