السلا عليكم ورحمة الله وبركاته

من منّا لا يعرف الشاعر (طلال الرشيد) رحمه الله...فهو علم من أعلام الشعر الكبرى**
في الحقيقه لقد كتبت هذا الرثاء بعد وفاته بفتره..لكنني لم أكن راغباً بطرحه لحاجةٍ في
نفسي... بالأمس كنت اقوم بجولةٍ في (فواصل) وقد لاحظت أنّه لا يزال صدى هذه الواقعه
يتردد كثيراً هناك... في محاولاتٍ عدّه لكتابة مرثيةٍ بحق هذا الشاعر ((كيف ننساه؟؟))...
وبعد تفكيرٍ طويل قررت أن أطرحها.....

يـــ طلال ـــــــــا

[poem=font="Simplified Arabic,5,limegreen,bold,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
انقطع راس الشعر يوم اقبل وداع الرشيد=وانبتر ساق القوافي يومها واصبح جماد
وانجرح كف الحروف بخنجر الموت العنيد=والبست كل القصايد لجله ثياب الحداد
الشعر قفّى وخلّى عالم(ن) ما به جديد=طاحت اوراقه من فروع(ن) تلوّت من وقاد
لااقبلت ساعة بن آدم ما تناقص او تزيد=تنتهي بأمر العليم اللي حَكَمْها للسداد
تالي العمر السعيد أليا انقلب ماهو سعيد=وان لقى الخير بطريقه ينده: أبشر بالحصاد
يـا طـلال شلون نقوى غيبتك تبعد بعيد؟=الوداع اللي جبرنا واجبرَك حزن البعاد
يـا طـلال شلون نكتم دمعنا ونوح القصيد؟=وابيض القرطاس طال من القلم دمع السواد
يـا طـلال شلون يزهى صوتنا بحلو النشيد؟=والحناجر ذايبه بحلوقنا... وامست رماد
يـا طـلال القلب عقبك ساهر(ن) يبكي وحيد؟=غرّق العشر النحايف بالدمع.. يا ليت فاد
بيننا حكم القدر له كلمة(ن) فيها وعيد=وكلنا عمره قصير من المهد لين الرقاد
الوكاد إنّا فقدنا راعي الحرف العتيد=ما يجي شرواه ينحت صورته بين العباد
يا عسى ربي كتب لك مرتبه مثل الشهيد=ورحمة الله يـا طـلال الواسعه.. تزفّك مداد[/poem]

تغمد الله الفقيد بواسع رحمته
واسكننا وإياكم فسيح جنانه

(( عمر السخني ))

__________________

صح لساااااااااااااااانك

ورحم الله




طلال الرشيد


وتقبل تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح لسانك ....... وما قصرت

والله يرحم راعي (الفاصلة البيضاء ) رحمة واسعة

عاش حياة المبدعين والكبار

ومات ميتة المقاتلين والقادة

الرائع عمر السخني


صح لسانك ولاهنت

هكذا هم الاوفياء


رحم الله طلال الرشيد

رحمة واسعه




تحيتي لك



العبيدي

__________________

الغالي عبدالله المهداني

صح بدنك ولا هنت...مشكوووووور مرووووورك
اخووووووك
الشاااااااعر
(( عمر السخني ))

__________________

الشاعر عمر


صح لساااااانك وبيض الله وجهك

قصيدة جزله ولا تستغرب منك

ورحم الله الفقيد وأسكنه فسيح جناته

أخـــوك

__________________



ممصمنا المبدع
تركي العلياني
ألف شكر لك

أخوي عمر السخني سلمه الله

أسعد الله أوقاتك بكا خير وعافيه وسعاده دائمه قل آمين

صح لسانك وبيض الله وجهك قصيده وافيه وجزله

والضيغمي الأمير طلال الرشيد كفو عسى الله يرحمه رحمة واسعه

تقبل فائق احترامي وتقديري لشخصك الكريم

__________________