(( اسمحوا لي يا قحطان بالرد عنكم على شاعر شهران ))

لقد احزنتي يابن نغموش بردك على الشاعر/ فهد الشهراني


صح لسانك ولسانه ملااااااايييييييييييييييييين

ورحم الله موتاكم رحمة واسعة واحسن الله عزاكم والحمدلله على قضاه وقدره


تحيتي للجميع

ابن نغموش الله يسكن الميتين فسيح جناته ويحسن عزاك



صح لسان فهد الوف وصح لسانك ملا يين



تحياتي

__________________
[poem font="Simplified Arabic,6,white,normal,normal" bkcolor="transparent" bkimage="backgrounds/32.gif" border="none,4,gray" type=1 line=0 align=center use=ex num="0,black"]
انا لو بالتمني كان ودي= اروح لبرها واترك وطنها
ادوّج في الفياض اللي هواها=يفك النفس عن هم زبنها
واصيد الصيد لامنه بدالي = واعطّف ناقتي واشرب لبنها

بسم الله الرحمن الرحيم


بعيدااااا عن الشعر



أنت ممن أحبهم في الله والله على ماأقول شهيد


فأنت وااااافي


ورجل لك جمايلك السااابقه


ولو لم أستفيد من الشعر ألا معرفت مثلك وشرواااك



لكفااااني


وأنت من قبيله معرووووفه


وليست في حااااجة مدح أو كلام فهد


ولكن مدح اهل المدح وااااجب



وأسال الله العلي القدير


أن يغفر لموتاااكم ويلهمكم الصبر والسلواااان




أما من نااااحية هذا الرد


فأنت أستااااذي


ومعلمي


بيض الله وجهك ولا عليك زووود يا بن شــــــــــــعـــــــــــيـــــــــــــــــــــــل



أخوك فهد الشهراني

اخوي محمد بيض الله وجهك وكفو يا ذيبان وتسلم يا صبي شهران والله يا محمد ان فقد علي علينا واحد عسى الله يرحمه وعياله واموات المسلمين امين
لاهنتوا

__________________
الصامت مثلي لا يحرس

والشجر الميت لا يغرس

[

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مرحبا ما لاح براق نخيله = عقب رعده بشر الظامي هميله
يا فهد شهران يالطير النداوي = يا رفيق الدرب في عدله وميله
يا فهد يشكي خويك من همومه = ساهر من زود حزنه طول ليله
يا فهد حزني تعدى وصف حزني = يوم ودعنا علي واعلن رحيله
راح خوي اللي يشيل الهم عني = وانفطر قلب العنا من مفقدي له
واسرته راحوا وصكوا باب بيته = صار قفرة عقب قلاب المليله
وزوجته راحت لهلها مثل ما جت = لا ولد لا زوج لا في اليد حيله
وكلما مريت ارض مر فيها = هلت دموع الشقا من رحمتي له
صاحبك محزون وانت ادرى بحاله = ما يخفف من بكاه الا عويله
من شكى همه لغير الله تذلل = لكن لمثلك وشرواك اشتكي له
من عرفتك يا فهد اقول يمكن = يمكن الرزاق عوضني بمثيله
كم زميل ما عرف معنى الزمالة = لا بدت له حاجة خلا زميله
والمواقف تبرز رجال المواقف = فرصة تكشف خليل مع خليله
والذي يشمت على من زاد ضيمه = جعل رب قادر يقطع وصيله !!
والطلاقه لاجلها نقطع مسافة = راعي العليا لها يسرج بخيله
والفسالة قرب من رام الفسالة = يا سهولتها على النفس الذليله
ما حكمنا على الفتى من صغر سنه = والرسالة واضحة من مقصدي له؟
الفتى لو صغر سنه ما يعوقه = مكسب الطالات وعلوم نبيله
المعوذ والمعاذ ابنا الصحابة = جندلوا بو جهل في بدر المهيله
ما منعهم صغرهم كسب المعالي = مقتضى الغايات تبرير الوسيلة
وانت سباق لسنك وانت وافي = وانت كساب الطلاقة والجميلة
وانت من شاركني احزاني وهمي = وانت شخص والله اني لاعتني له
وانت عندي غالي يابن النشاما = وانت من خلا حروفي تستوي له
وانت من قوم تهاب الجن منهم = يا حليل الخصم منهم يا حليله
مقصدي واضح لشهران العريضة = العدى من جورهم تمسي عليله
والكرم شهران يا للي تعرفونه = جارهم ما يشتكي ضيم وعيله
اسمحوا لي يا بني قحطان عنكم = بانثني للرد يعني بانثني له
وان تأخرنا عن الرد اعذروني = ما يأخر سيلي الا جور سيله
اعرف قحطان فيهم خير مني = لو نووا بالرد والله ما يبي له !!
لكن اخدمهم على ما قال جدي = سيفنا في خدمة سيوف صقيله
والقوافي الطيبة فنجال صافي = من فهد بنه وانا وهفت هيله
بارسل المردود دون الشرح لنه = عارف بالذات ما في خاطري له[/poem]

محمد بن نغموش القحطاني[/QUOTE]

ابو نغموش!
احسن الله عزاءكم ويصبركم على مر الفراق.
الله يحسن عزاءكم ..نحن في قائمة الانتظار..
صح لسان فهد الشهراني
وصح لسانك أنت يـا(ابو نغموش)
ولا فض فوكما

الله يرحمه ولاهنت على الرد وصح لسانك

__________________

لسماع قصائد الشاعر :
اضغط هنا

أولا احسن الله عزاؤكم با آل نغموش ويعيظكم خير

وصح لسان الشاعر فهد على قصيدته الطيبة

وصح لسانك أنت على ردك الوافي

بيض الله وجهك وجمل الله حالك

موضوع أكثر من رائع

__________________

علي مفقد عالجميع .. عسى الله يرحمه ويفغر ذنوبه ويجعل الفردوس منزاله ..

سلم فهد .. ولاهنت يامحمد ..



دمت

__________________