صبيان بني هاجر وتوحيد المملكة

===============================
بديت باسم الله كفانا كل شر
كل الملا ترقد وعينه ما تنام
يا راكب من فوق نابية الظهر
عدا بدايد كروها نابي النسام
تشدي لهيق ذار مخطيه القهر
زين وصايفها مع جول النعام
ملفاك شاعر لابه صاحب نظر
شوق الهنوف اللي يدور لليمام
بينك وبين الشيح شوحات ووعر
كم كسر دونه من صليبات العظام
دونه بني هاجر مصاليه الخطر
حريبهم ما ارتاح قلبه بالمنام
مثل الجبال الي مراقيها وعر
والا هديب الشام لامن قام قام
قريبنا يا من بنا من كل شر
في ضفنا يهمل ويرمي بالحزام
من دون أبو تركي رمينا بالغتر
يوم استعان بنا على صبيان يام
عقب صبي يوم سرنا ما حضر
الا بعيد الدار منا ما يلام
يا بنت يا اللي خدها مثل القمر
بالزين تشدي مثل بدر في ظلام
غر يحط الصوغ الأحمر في النحر
ويكيف المبسم بدقات الوشام
لا تعشقين الا مصالية الخطر
جلابة للروح في سوق المسام
يوم الفشق من بيننا مثل الزهر
متخالف في قاعة البرج الهدام
تمت وصلينا على سيد البشر
اعداد مزن لا تهلهل من غمام
===============================