الصفا .. السيّاف .. المظلوم .. تنفيذ القصاص !!!!

السلام عليكم ورحمة الله وبركاته ..





صبااااح / مسااااااااء الخير ..







اخواني اخواتي ..








هذه قصيده تحكي معاناة انساااان بسبب غلطه غير مقصوودة انتهت حياته ..




سلطااان بن رباح كان له اخ لم تلده امه اخ دين ودنيااااااااا .. هووو محمد بن عقيل ..







كان اخوتهم على وضح النقااا .. ومن زود ما يغلي محمد سمّى ولده البكر محمد على اسم خويه ..







كانوااا يعشقووون الصيد .. وفي رحلة من رحلاتهم وفي فتره الظهيره ..








كان محمد يجهز الغداء وسلطان ينظف السلااااح ومن غير قصد وبدون علم بوجود الطلقه في


مخزن السلاااح انطلقت الرصاصه



لتسكن في قلب محمد وترديه صريعاااااا ..






ولم يكن عندهم احد ..




وضع سلطان في السجن .. وبدات المشايخ بالوفود على اهل محمد لكي يصفحووو عن سلطان




ولكن بدون فائده ..





وصدر الحكم عليه بالقصاص ....




وبعد التنفيذ .. ومصادفة ً صار قبر سلطان في جنب قبر محمد ..









لا اطيل عليكم .. هذه القصيده بين ايديكم ..









يا فلاح الهـم خيّـم فـوق قلبـي يـا فـلاح
كيف تبغاني اسولـف وانـت خابرنـي عليـل

ويش قولك في عليل ٍ في حياتـه مـا ستـراح
تنتثر دمعـة عيونـه لاظلـم الليـل الطويـل

حالته لا ما تباعد حـال ( سلطـان الربـاح )
بالخطا راحـت حياتـه والخطـا مالـه مثيـل

كان ويّا صاحبـه اثنيـن فـي أرض ٍ بـراح
يطردون الصيد دايم من صبـح ليـن المقيـل

اجمعتهم صحبة الدنيـااا علـى جـد ومـزاح
مـا يهابـون الليالـي والحمـول اللـي تميـل

ما قتل عامـد ولكـن ثـوّر ابليـس السـلاح
بالخطا ثـار السـلاح ويـن يلقـى لـه دليـل

انعقد سجنه .. وربعـه تنتظـر فـك السـراح
والاكيد انه سجين وما رضـووا ربـع القتيـل

هل دمعـه يـوم صلّـى ركعتيـن فالصبـاح
في نهار الجمعه اللي مـن ثقيـل ٍ فـي ثقيـل

هلّل وكبّـر .. ونفسـه تذكـر اللـي راح راح
كان في ربعه عزيز .. وذلّـه الوقـت الذليـل

(لا محمد لا تهانـي لا سعـود ولا صـلاح )
كلهم كانوا على بالـه وهمّـه فـي ( هديـل )

طفلة ٍ مـا كمّلـت عاميـن صايبهـا كسـاح
وانتثـر دمعـه وحالـه مـن سبايبهـا نحيـل

حان تنفيذ القصاص .. وغطوا الراس بوشـاح
وجاك سيّافه يشيل السيف ابـو حـد ٍ صقيـل

ارتخى راسه .. وزاد الموقف الحامي صيـاح
بين نوح وبين دمع وبيـن صيحـات وعويـل

وارتفع صوت الحشود .. وزاده محمد وصـاح
يا يبه تكفـى دخيلـك تستمـع قـول الدخيـل

يا يبه وشلون نصبر كيـف نهجـع بارتيـاح
وانت من دنيااا عيالك ماخـذك مـر الرحيـل

يا محمد .. هاك علمي واحفظه قبـل المـراح
انتبـه لاخوانـك وبالـك عليهـم لا تعـيـل

والله الله .. فالصـلاة وفالصيـام وفالصـلاح
والله الله .. فـ( امكم ) والله لكم بعـدي كفيـل

غمّـض عيونـه ونفسـه تطلـب الله السمـاح
رافـع ٍ سبابتـه .. ( مظلـوم ) والله الوكيـل

سل سيّـاف الصفـا سيفـه ودقـه ثـم طـاح
راس (سلطان المراجل ) وانتثـر دمـه يسيـل

غسلوه .. وكفنوه .. وفاح طيب السـدر فـاح
وبالمصادف صار قبره جنب قبر ( ابن العقيل )

يا فلاح .. الكارثه ما هي سوالـف يـا فـلاح
خلنـي ساكـت ودوّر غيـر هالقصـه بديـل








لكم تحيتي

اخي الغالي ابن الغلا

البوااااااااااااااردي

نسال الله ان يؤحمهما


قصة محزنة بالفعل

وقصيدة رائعة بالفعل وجميلة جداً


لاهنت على اتحافنا بها

__________________
« اللهم كما أحسنت خَلقي فحسن خُلقي »

الله لا يهينك

والحقيقه قصه مؤثره

زتأثرنا بها


لاهنت


واللخ يكفينا شر من فيه شر

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

لاهنت على القصه والقصيده

__________________
سبحانك اللهم وبحمد اشهد الاإلة الاأنت استغفرك وأتوب اليك

قصة وقصيدة مؤثرة لا هنت يا البواردي
رحمهما الله جميعاً وغفر لهما

__________________

شكراً أخي الكريم على القصة والقصيدة
مؤثرة جداً وخاصة بين الاصدقاء
رحمهما الله رحمة واسعة

__________________

الأخ العزيز البواردي
السلام عليكم
الله لايهينك على نقل هذه القصه والقصيده
صراحه ذكرتني بالراوي محمد الشرهان هههههههههههههه
حبيت أمزح معك
تقبل فائق احترامي وتقديري ياأبوسعد
عساف يبلغلك ألف تحيه

__________________

جعلك سالم انت وياه
سلم على الجميع
تحياتي

لاهنت يالبواردي على النقل الاكثر من رائع ...



قصه وقصيده مؤثره والله يرحم الحال ...



وشاعرها .. هو الشاعر الشاب \ جزاء البقمـي ..


فلاهنت على النقل .. وصح لسان جزاء ...

__________________

لسماع قصائد الشاعر : سعيد بن مانع
اضغط هنا