[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
بسم الله الواحد هو خير مذكور=قـــــول بليا ذكر ربي خســــاره
ومن بعدها ياهاجسي وصلك الدور=اصخر بنات الفكر واعسف امهاره
والحمد لله سابح سبعت بحور=وليا سبحت البحر اجيب المحاره
انظم بيوت الشعر باحساس وشعور=واتعب على الجزله وفن العباره
واسوقها سوق البداوين مظهور=لامانتحى راعيه يبغى دياره
شاعر وشوشني فعل صامل الشور=حلال صعبات الامور بجســــاره
حمد ولد فهد ذخر كل معسور=كريم سبلا مايحسب الخساره
عون الرفيق اللي به من الزمن جور=وريف الضيوف اللي لفوا له زياره
في شان خاله ماذخر شي مذخور=وقف مواقيف الفخر والسطاره
حتى لو ان الحمله اثقل من الطور=اشتالها من قو عزم وجداره
مليون عده لأجل خاله على الفور=وميه بعودة خاله ايضا بشاره
حر على حر ومن ماكر صقور=والنمر لا من مات خلف نماره
جحنوني عوني مجرب ومخبور=صبيهم لاشطي شب المناره
والجد واحد لاحتما كل طابور=حنا عيال معيض والعلم شاره
شوبية تروي شبا كل باتور=خيالة السمراء نهار المغاره
دون العشاير فعلهم بان مشهور=كم شيخ قوم وسدوه الزباره
مكرمين الضيف والجار مسرور=وزبن الدخيل اللي جلا من دياره
وان جات في خاله مكانه على الكور=خواله ال عجلان ساس النعاره
عيال ابن سعد ذرى كل مذعور=يوم الزمان الشين ثور غباره
جحادر ربعي عما كل مغرور=تاريخهم في نجد رفرف اشعاره
حنا بنو قحطان من ماضي عصور=جدانا ساس العرب والاماره
اقولها من غير نقصان وقصور=كل القبايل كفو بدو وحضاره
وصلاة ربي عد مايطلع النور=على نبي انتهجنا مساره[/poem]