(( الشايب الي ماتحلل عظامه ))(( القصه والقصيده

بسم الله الرحمن الرحيم

طاح خريف على شمال وغرب نجد والقصيم

وكانو الدعاجين شمال شقرا على راسهم الهيضل

والعضيان شمال الدوادمي على راسهم الضيط

ويفصل بينهم نفود السر وفي ليله من اليالي يوم صلوا العضيان للمغرب وسلموا الا المناره تشب في اعلى عرق بالنفود بينهم وبين الدعاجين وعود قام الضيط وارسل له مرسول قال اقرب حول هل النار عساك تعرف ويشهم فراح المرسول وقرب من النار حتى وكد الي جلوس وخذا مواريهم من بعيد ورجع للضيط

فقال الضيط ويش شفت

قال شفت عرب كثير وفيه عود على على راسه معم ابيض ماشفت اكبر منه جالس على الضو فقال الضيط ولاعرفته قال المرسول لا فقال هذا ابن هادي عساك عشاه رح هالحين للهيضل وعلمله وعطني رايه

فسرى المرسول ناحية الهيضل وهجده نصف اليل وعلم له وقال الضيط يبى رايك قال الهيضل علموا لابن حميد عانوه على القراين فرجع المرسول وعلم الضيط فقال الضيط شدوا ياعضيان وشدوا حتى حلوا على تركي ابن حميد وعلموه فقال ابن حميد خلك يالضيط معي والشايب معه علم لااحد يقربه فلاهو معود الا عقب الوسمي والربيع اما الدعاجين فشدوا ناحيت الغاط وبوم درى تركي بالدعاجين

فقال هذه القصيده

ووالله اني ماحفضتها الا من عتيبه انفسهم قبل اعرف النت واني لم اقراها في كتاب


يالله في نو تزبر غمامه -------------- يسقي من العارض الى نقرة الشام

نبعد عن الي ماتحلل عظامه ------------------- عيت تبيده اليالي وليام

لا ولعت ناره بعالي عدامه --------------------- قمنا نجود غالي القش بحزام

زريبه والضيط راحو طعامه --------------------- وحنا مقزينا المنازل من العام

ويقولون لي الرواه انه جاه الربيع وهو محل اسمه بطحان بين عفيف وضريه

ودمتم بخير

تسلم ياأبومحمد طال عمرك دائم مواضيعك في السنام جمل الله حالك ,,,,,,

ومن قال يسلم

والله يطول عمرل ويجمل حالك

لاهنت على المرور

لاعدمتك

تسلم يالظور علا مواضيعك ورحم اللهشيخ اقحطان بن قرملة

بيض الله وجهك وعلومك كلها تبيض الوجه

__________________

ووجهك ابيض

لاهنت على مرورك

اشكرك ياخوي شارب الفناجيل

قايل مايهون وسلمت ياخوي عبدالله والله يسمع منك مادعيت

لاهنت على مروك

ارحب يالظور..


رحم الله الشيخ محمد بن هادي ومن ذكر في القصه..




وبيض الله وجهك على الموضوع الدسم وعادتك دايما الابداع جعلني مبكيك





والف الف مبرووك على تعيينك مشرفا على قسم الفرسان واعانك الله على المسؤوليه وجعلها دافع لك في تقديم المزيد..



تقبل مرور اخوك وتستاهل سمعه وتقييم بمناسبة الاشراف

__________________
اضغط هنا لزيارة مواضيع محمد آل سويدان


.الساعه درجة الحراره.

V

عدد زوار مواضيعي
V

الله يرحب بك ياخوي محمد

ويسمع منك مادعيت ويبيض وجهك عند ربك وخلقه

الله يبارك فيك وهذا تشريف لي من شبكه قحطان ومنكم جميع

لاهنت ولاعدمتك

.



والنعم يالظور والف الف الف مبروك ما عينت وتستاهل العليا على الدوم لك دوم


وانت كفؤ وتقدر على الكثير والعين صوبك تنتظر ما تشوفه بيض الله وجهك ياغالي


قصه رائعه خصوصا انك فقط حافظها وهذا يتوجب حمد الله سبحانه 0000

ولا يتوجب عليك ان تقسم على اي شئ وانا اخوك انت صادق ومحل ثقه

ومهما كان لاتحلف ولاي كان لاتحلف 00

الرجال يكتب وكلمته يعرف انها محسوبة عليه وانت خصيصا بالذات تصوغها وتعرف

حدك وحدودك وكل يعلم ذلك 0 بمعنى انه من المستحيل ان تكتب ما يجعل مصداقيتك تهتز

ولو في زمن قادم بعيد 0 لذلك الاولى ان لا تحلف 0 ومثل ما انت تحترم القارئ وتنتقي له

ما امكن انتقاؤه 0 وجب عليه احترام من يقراء له وتقديره 0 والكل مجتهد وانت محل

الاعجاب والتقدير فمن ارادك فمرحبا ومن لا يريدك فلا يلزم اجباره لا بهذ ولا بتلك 0




انت كفؤ ومميز وخطاك ثابتة فالى الامام برعاية الرحمن وتوفيقه 0





تقبل تقديري واحترامي وحكاي والسلام





.