هية بين آل عاطف قحطان والرجبان الدواسر ضد عتيبه .

21-04-2009, 10:24 AM

أبا الذموم

مراقب أقسام

تاريخ التسجيل: Jun 2006

الدولة: نجد .

المشاركات: 775

هية بين آل عاطف قحطان والرجبان الدواسر ضد عتيبه .

السلام عليكم ورحمة الله وبركاته
صبحكم الله بالخير
هذا الموضوع هو هية بين آل عاطف قحطان والرجبان الدواسر ضد قبيلة عتيبه في نجد .

## مكان الهيّه : ( عرق السره في نجد ).
## عقيد آل عاطف : ( الشيخ الفارس مسفر بن هادي بن سعيدان أمير قبيلة آل عاطف ) .
## عقيد الدواسر : ( الشيخ الفارس محمد بن عبدالله بن وثيله أمير قبيلة الرجبان الدواسر المعروف بـ " حقطان " ) .
## عقداء عتيبه : ( كثر وأغلبهم من المقطة والشيابين أشهرهم العقيد الفارس حمود أبا الوهايا الحفري الشيباني والشيخ الفارس حبيليص بن عديس الشيباني شيخ ذوي عمرو من الشيابين ).
## سبب الهية : ( قبيلة عتيبه خذوا أبل واحد من الرجبان الدواسر وفزعوا آل عاطف مع الدواسر وردوا ابلهم ) .

إليكم التفاصيل :

في سنة من السنين أجدبت أرض الدواسر وقحطان.
اجتمعوا آل عاطف قحطان بقيادة الشيخ الفارس مسفر بن هادي بن سعيدان والرجبان الدواسر بقيادة الشيخ الفارس حقطان بن عبدالله بن وثيله .وتعاهدوا بينهم صلح .
واتجهوا لديار عتيبه " جهة جنوب الخاصرة وحلبان " وعندما جاوزوا عرق السره ( وهو نفود كبير يمتد مابين شمال غرب حصاة قحطان حتى جنوب الخاصرة ) ودخلوا في ديار عتيبه .
في هذه الاثناء غزت قبيلتي المقطه والشيابين من عتيبه بقيادة الشيخ الفارس حبيليص بن عديس شيخ ذوي عمر من الشيابين والعقيد الفارس حمود أبا الوهايا الحفري الشيباني وغزو على أبل واحد من الدواسر وقفوا بها .
فلحقهوهم الدواسر وما فكوها واستفزعوا بآل عاطف وفزعوا معهم وقد انهزموا عتيبه بالابل ووقف دون خيل عتيبه فارس شجاع وهو العقيد الفارس حمود أبا الوهايا الحفري الشيباني يحمى خيل ربعه ويرمي القوم " آل عاطف والدواسر ".
وفي أثناء الطراد وكلما قربوا آل عاطف والدواسر من خيل عتيبه قاموا فرسان عتيبه يصيحون وينخونه ويقولون : " تكفى يا حمود فكنا في الخيل " ومن شجاعته وكان يرد خيل الدواسر و آل عاطف ويمنعها من اللحاق بالابل وجماعته فلحق به أحد فرسان آل عاطف ومعه الشيخ الفارس حقطان بن وثيله وقام ابن وثيله وتواجه مع الشيباني وأغار كل منهم على الثاني وكلا منهم معه بندق ويوم تواجهوا ثارت بنادقهم وكانت بندق العتيبي قد مرت قريبا من خشم الشيخ الفارس حقطان بن وثيله حتى أشرقه البارود.
وأما حقطان فقد فقد صوب فرس العتيبي في نحرها وعقرها وطاح من فرسه وكانت فرس الشيباني المعقوره أصيلة من بنات " العبية ".
المهم إن آل البنادق ثارت بين الطرفين وعقرت خيل كثر من الطرفين .
وعندما عرف العتيبي أن فرسه أصيبت لحق بقومه وخرجت خيل عتيبه من الابل وتركوها.
واحتموا آل عاطف والرجبان لأبل الدوسري من عتيبه .

وبعد أسبوع من هذه الهية مسكوا الدواسر ووآل عاطف فارساً (حوافا ) من عتيبه وطلبوا منه أن يجورهم ويقصرهم من عتيبه وأجارهم ونزلوا قريب منه وجورهم .
وفي أثناء قصرة آل عاطف والدواسر عند العتيبي اللي جورهم تواجهوا مع العقيد الفارس حمود أبا الوهايا الحفري الشيباني وقاموا يتطارون في الهية ودار بين الحديث عن شراسة وفروسية الفرسان سواء من عتيبة وآل عاطف والدواسر في هذه الهية وومما دار بينهم .
قال العقيد الفارس حمود أبا الوهايا الشيباني موجهاً بكلامه للشيخ حقطان بن وثيله : (والله إنك خسرتني العبيه)
ردعليه الشيخ حقطان بن وثيله وقال : (وأنت ذبحتني لكن الله أنجاني منك) .ّ

وهذا فيه اعترف من الشيوخ والعقداء فيما بينهم بفروسيتهم وشجاعتهم

تقبلوا فائق الاحترام

__________________

التعديل الأخير تم بواسطة أبا الذموم ; 21-04-2009 الساعة 12:28 PM

21-04-2009, 04:54 PM

مرعي بن دواس الحبابي

مراقب سابق

تاريخ التسجيل: Jun 2005

الدولة: حفر الباطن

المشاركات: 4,916

مرعي بن دواس الحبابي has a reputation beyond repute

رد : هية بين آل عاطف قحطان والرجبان الدواسر ضد عتيبه .

ارحب يابا الذموم
بيض الله وجهك على المواضيع الطيبه
والشيوخ الي ذكرت كل مدح خصمه ولا ذمه
وهذى من فروسيتهم وشجاعتهم
ونعم بهم جميع والله يرحمهم برحمته التي وسعت كل شئ

لاهنت

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

21-04-2009, 04:55 PM

أبن مهذل

عضو فضي

تاريخ التسجيل: Feb 2009

الدولة: KFUPM

المشاركات: 1,291

رد : هية بين آل عاطف قحطان والرجبان الدواسر ضد عتيبه .

ارحـــــــــــب يا ابو الذموم لاهنت
وبيض الله وجهك مجهود
رائع ولاهي غريبة على صبيان قحطان الي مواقفهم تنومس ربعهم

__________________

ان كان مالك من ذراعك نجده @@@فشربك على ايدين الرجال هماج

21-04-2009, 11:49 PM

مشاري بن نملان الحبابي

مشرف
آخبار ومناسبات قحطان
والديار وقصص وسوالف من الماضي

تاريخ التسجيل: May 2007

المشاركات: 15,960

مشاري بن نملان الحبابي has a reputation beyond repute

رد : هية بين آل عاطف قحطان والرجبان الدواسر ضد عتيبه .

بيض الله وجهك يا نسل الشيوخ ..

وماهيب غريبة عليهم .. ما كانوا يجحدون فعايل بعض ..

مشاري بن نملان الحبابي غير متواجد حالياً

22-04-2009, 12:30 AM

راعي المصنه

عضو نشيط

تاريخ التسجيل: Jan 2005

الدولة: الرين

المشاركات: 321

رد : هية بين آل عاطف قحطان والرجبان الدواسر ضد عتيبه .

السلام عليكم ورحمة الله وبركاته
ارررررررررررررحب يااباالذموم تراحيب المطر
يشرفني ويسعدني ان تكون اول مشاركه لي بعد انقطاعي
عن المشاركه لعدة اشهر لظروف خارجه عن ارادتي
على هذا الموضوع الذي طرحه شخصكم الكريم
قصه تنومس وترفع الراس كما هي عادتك
تقبل فائق احترامي وتقديري
يا موسوعة تاريخ قحطان

__________________

اللهم اغفر ولوالدي ووالديهم والمسلمين اجمعين

انا حس كني مالك الارض واهل الارض ***** وكن الملوك اللي على الارض خدامي
ليا قمت من نومي وصليت قبل الفرض ***** وسبحت واستغفرت والناس نيامي

#
#
مشلح بن حسن بن سلطان بن سفران

22-04-2009, 12:39 AM

علي بن سالم العاطفي

مشرف سابق

تاريخ التسجيل: Aug 2008

الدولة: في ارض ربي

المشاركات: 156

علي بن سالم العاطفي has a brilliant future

رد : هية بين آل عاطف قحطان والرجبان الدواسر ضد عتيبه .

ارحب ياابا الذموم

تسلم يمناك

فعل ينومس

ولاهب غريبة

24-04-2009, 07:47 AM

محمد آل سويدان

مشرف سابق

تاريخ التسجيل: Oct 2008

المشاركات: 1,797

محمد آل سويدان has a reputation beyond repute

رد : هية بين آل عاطف قحطان والرجبان الدواسر ضد عتيبه .

ارررررررررحب يا ابالذموم..

كفو يال عاطف وفعولكم ترفع الراس...

كل يوم تتحفنا بقصه من قصص قحطان بيض الله وجهك وبانتظار جديدكـ يالغالي...

تقبل مروري...

__________________
اضغط هنا لزيارة مواضيع محمد آل سويدان

.الساعه

درجة الحراره.

V

عدد زوار مواضيعي
V

التعديل الأخير تم بواسطة محمد آل سويدان ; 24-04-2009 الساعة 08:04 AM

25-04-2009, 10:50 AM

الضويري

مـــراقــــب

تاريخ التسجيل: Sep 2004

المشاركات: 3,569

رد : هية بين آل عاطف قحطان والرجبان الدواسر ضد عتيبه .

علمك غانم..ماتجيب الا السمين يالقرم ورحم الله اجدادنا وتجاوز عنهم ارثو لنا العلم الغانم الي نماريبه

واكرر شكري لك مراقبنا القدير ابالذموم على جهودك الكبيرة في سبيل حفظ تاريخ قبيلتنا العزيزة

تقبل تحياتي

09-05-2009, 08:12 AM

أبا الذموم

مراقب أقسام

تاريخ التسجيل: Jun 2006

الدولة: نجد .

المشاركات: 775

رد : هية بين آل عاطف قحطان والرجبان الدواسر ضد عتيبه .

اقتباس:

المشاركة الأصلية كتبت بواسطة مرعي بن دواس الحبابي

أرحب يابن دواس
الله لا يهينك على مرورك على الموضوع
والله لا يهينك على ردك الجميل
وما عليك زود يا كحيلان
وبيض الله وجهك
تقبل فائق الاحترام

__________________

23-06-2009, 05:13 PM

#10

بندر الضيغمي العبيدي

عضو فضي

تاريخ التسجيل: May 2009

المشاركات: 1,081

بندر الضيغمي العبيدي has much to be proud of

رد : هية بين آل عاطف قحطان والرجبان الدواسر ضد عتيبه .

مشكور أخي أ بالذموم لاهنت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نسب قبيلة آل عاطف الجحادر (بالتفصيل الدقيق)	مشاري بن نملان الحبابي	مجلس الأنساب	28	28-03-2009 12:11 AM
قبيلة عبيدة قحطان	ابن شويه	مجلس الأنساب	21	06-11-2004 02:31 PM
نسب قبيلة قحطان	عبيدي الدمام/ابوزياد	مجلس الأنساب	9	15-10-2004 03:32 PM

سناب المشاهير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى