حسافه يا زهر

السلام عليكم ورحمة الله وبركاته
صباحكم والمسى طيب على طيب




حسافه يازهر تشرب من ايدين الغريب الميّ
وأنا اللي يازهر عنيت كفيني عشان أسقيك

أربيــك بزمن قحـطٍ غـزى قحْطــه غدير وفـيّ
وأشم عطورك بغيـري بعـد ما فتّـحـت عينيك

صحيح إنّ الوفا جمره شكت منها يدين الحي
ولكنّ الجفا نارٍ... شكى ... منها صدر مغليك

تشب ابخافقي لين إغتلى منها دمع عينـيّ
وصارت تستلف دمي عشان اتسيّله يبكيك

وترحم من غدى لجلك وحيدٍ ما ملك له شيّ
سوى قربة عطش فاهك... إذا ما مر بك يرويك

مغيرك... عشت به حبٍ... تسنه بالوفـا إيديّ
لمنّه صار لي سيفٍ أحارب به عشان أحميك

عطيتك قلبي وروحي وكل اللي تبي وشويّ
من اللي ما طلبته يازهر جبته عشان أرضيك

لو إنك تطلب أهدي لك نظر هــذي قبل هذيّ
ما يخّرني سوى نزعة نظر هذي قبل هــذيك

لكن اهروبك الظاهر ظهر بحساسك المخفيّ
وشفته في حجر عينٍ بغيت آشلها وأهديك

مغيرك عشت له صادق ولا غيرك كذوبٍ فيّ
حسافة نية الصادق ... مع نية كذوبٍ فيـــك

حسبتك في خلا العتمه سراجٍ مكتمل بالضيّ
ويوم إحتجت لك شفتك مع أول من مسك يديك




وسلااااامتكم

ارحب يا الجحلي ..

وصح الله السانك مدد بلا عدد ..

__________________

أرحب يا بدر بن علّوش ..

صح الله لسانك على القصيدة ..

تقبل مروري و مشاركتي ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

مرحب باقي
صح بدنك
ولاهنت على مرورك

مرحب باقي

مرورك شرف لي والله لا يهينك