مفاتيح الرجا

لولا الامل ماعشت لو ربع ساعة
ولولا مفاتيح الرجا ما تهنيت
ومن لا يدسم مخلبه من ذراعة
يقال في يوم الرخا ويش سويت
ومن عاش دون أخوان ولا جماعة
يجيه من ضيم الليالي تناهيت
والمال ما يسوى بليا قناعة
والجاه لا صار لردي ما بنى بيت
مثل المريض اللي قليل المناعة
محسوب فعلا حي]وحسية ميت
وضع الحياة الغازيعني لكاعة
وان مافهمت اسلوبها يعني ابطيت
تظهر بوجه الزيف ولا الخداغه
يعني كذا طبقت معنى الاتكيت
لو جاتك الفرصه يبي لك شفاعة
و السير ما يمشي بلا حطة الزيت
متناقظات الشخص تعني طباعة
خالف تجي ممدوح واضح ولك صيت
لكن تزود في حياتك بطاعة
ولا تنخدع وتقول عفوك وياليت