ومن حدته الأيام ينصا الخيارين

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
يا الله يا للي تخلق العبد من طين=تقدر على خلقه وتعلم مصيره
وتجمله بالوجه والخشم والعين=وتعلم بعلمٍ دايرٍ في ضميره
يا منزلٍ ياسين والكهف والتين= ومرسي جبالٍ شامخات شهيره
أسألك التوفيق دنياً مع دين=وعتقٍ من النار ولظاه وسعيره
وأعوذ بك من زلة الجيم والسين=أخاف من زلة لسانٍ خطيره
لن القصيد سلاح ماله مضامين=وكل على كيفه رما بالذخيره
أحدٍ رما يسار الهدف واحدٍ يمين=واحدٍ يقديها بوزن وبصيره
وأنا اجتهد واحفظ عيار النياشين= من خوف نقادٍ هروجه كثيره
ما نيب خفيّف عقل مثل الوراعين=اللي على الشاشه تلاحي سميره
أشوفهم تالي زمنا كثيرين= والشعر في ديره وهم صوب ديره
يا ليتهم عند أهلهم مستريحين=والسيف ردوا سلته في جفيره
مسكين يا شعرٍ خذوه المساكين = وحطوا عظامه كلبوها كسيره
عودٍ كفو لكن مبتور ساقين= ويشكي على اللي به حميه وغيره
مثل ابن وسامٍ زبون المخلين=وألا ابن ريفه لا دعوه العشيره
ومن غيرهم شعار ماهم قليلين= لا شك وقتي ضيقٍ في مسيره
والقصد والأهداف شوفة عزيزين=في دار أبو مشعل زعيم المسيره
ومن حدته الأيام ينصا الخيارين=ربعٍ يفكون العقود العسيره
سلام يا شيخ على العسر واللين=سلام غالي والسعاده كبيره
اعداد ما صلوا جموع المصلين=يرجون عفو الله ويرجون خيره
سلام ريحه فوح ورد ورياحين= لا دار فالمجلس ونسنس عبيره
ينصاك يا منصا بعيد وقريبين= لا ثقل حملٍ قام يرغي بعيره
غلاك من نجدٍ جذبني وجايين=جذب المطر لضعون بدوٍ فقيره
يا مكرم الضيفان حشوٍ مع ضين=عدٍ وروده تختلف مع صديره
حرٍ ظهر في نايفات الضلاعين=وحط اسم قحطانٍ براس الجديره
وذي عادة المطنوخ طلق الحجاجين= تقدح صعاطيره سوات الذخيره
وعندي على مدح ابن زايد براهين= والشعر في مدحه يا زين تعبيره
يابو سعيد العلم جينا مهنين=مليون مبروكٍ ومليون غيره
يا مرجح الميزان وسط الميادين= بسودٍ على ما قيل سندا ظهيره
أعراض لواحيها وسود العرانين=تقول بترد القطا من مطيره
وساع النحور يجوز بالعرض مترين= حم الذرا اللي مشعفاتٍ نظيره
يا زينها في ديرةٍ قاعها زين=قاع من البيدا سيوله غزيره
قام يتهشم فوقها الوسم شهرين= ونبتت نباتٍ ما يسولف بغيره
من وادي الصمان لي وادي الرين= ومن المريبخ للقصيم وعشيره
مرتع صخاف الشول ماضي وذلحين = سود الجهام مزينت كل ديره
في شفها يمشي محمد له سنين= يا رب من جور الليالي تجيره
ويبقى لنا ذخرٍ لما حدنا الشين=نسل الشيوخ اللي ترد المغيره
خيالة العشوا صعوط المجانين= لا ثار عج الخيل يوم الكسيره
يشهد لهم يومٍ عبوسٍ على تين=يوم انكسر سلطان وقت الظهيره
ويشهد لهم يومٍ كتب فالدواوين =وقعة بنيانٍ وذيك الحشيره
هواجرٍ من وين إلى وين إلى وين=مركاضهم يعرف بوسط الجزيره
قومٍ على نطح المعادي جريين= لا طار ستر اللي كفوفه صغيره
وحنا وهم في جنب قبل القحاطين =إمن السنين الأوله والأخيره
وصلوا على المختار سيد النبيين=على الرسول اللي دروبه سفيره[/poem]

بيض الله وجهك ولاهنت ياذيبان

ويستاهل ابن زايد والهواجر جميع


لاهنت

قصيدة طيبه


والخيارين يستاهل المدح


صح لسان الشاعر حمد


وانت ابيض وجه على ايراد القصيده


تحياتي

لاهنت يا وجه جنب على النقل

وصح الله السان الشاعر حمد

وبو سعيد يستاهل

تقبل مروري يا الغالي

__________________

لاهنت على النقل ...

وصح لسان شاعرها ...

ويستاهل ابن زايد المدح ...

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..