بسم الله الرحمن الرحيم
السلام عليكم ورحمة الله وبركاته
وبعد:

اقدم لكم قصيدة للشاعر/ سعيد بن علي ال برمان الحبابي
قالها قبل بضعة شهور بمناسبة زواج الشاب حمد بن عوض بن دشيل الفحوس الحبابي وكان زواجه عند ال سلعان ال سعد الجحادر ولكن لم اتمكن من عرضها بهذا الموقع والحقيقه ان قصائد ابو علي كلها تعجب من تسمعها أومن قرأها ونقول له صح لسانه وقال فيها:
[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]


في البداية طلبتك يارحوم وياغفور= نرجي الله مارجيناحد غيره معه
هو بديع الكون علاّم ماتخفي الصدور= أرسل محمد بدينه وسنّه وشرعه
لوتبور الخلق سبحان ربٍ مايبور= مايخيّب من توكّل عليه وودعه
ياالله تحفظ من على الدين والمصحف غيور= والحديث اللي صحيح البخاري مرجعه
ياسلام الله عليكم سلام فيه نور= يارجالٍ =علمهم يعجب اللي يسمعه
والسلام يخصكم والتيحة ياحضور= وكل من جمع المطاليق جابه وجمعه
والمثايل نقطف اخيارها قطف الزهور= ماني اقصد من وراها مكاسب وطمعه
أبدع أبياتيمن احساس قلبي و الشعور= صغتها بالفكر صوغ الذهب من مصنعه
قلتها في حفلكم ياطويلين الشبور= ياهل الطالات من عاد وقت الزع زعه
لابة ترسي كما ترسي إثقال الصخور= تشهد الحدان واخذ الخبر من منبعه
الفحوس اللي لهم بالظفروالمجد دور= العدو منهم على الحد يلقى مصرعه
يوم كان الرمح والسيف والبندق تثور= والعرب كلٍ يقول الحبابي مشجعه
كلنا عزوة حبابٍ على وصف النمور= نرد حوض الموت يوم الحروب مؤلعه
تأجد الرجّال من ربعنا دمّه يفور= يلطم العائل بجنبيته ومضلعه
والجحادر قلت والنعم بالصوت الجهور= ال سلعان النسابه سباع المسبعه
واثق في مدح الأبطال ولساني جسور= منهم الفارس لياقابل الخصم جدعه
والقبائل وافيه مانلحقها قصور= لوتقول ابدعت فالناس غيرك مبدعه
والمواقف مالها غير رجّال صبور =ماسك سلم النشاما وطيبه يدفعه
مستقيم وسالم من الجهاله والغرور= وافي ماهو يخادع ولاحدٍ يخدعه
جعلهم يفدونه اللي نظرهم في حدور= يجحدون الصدق وأهدافهم متنوعه
ياعوض دعوتك جتني وزادتني سرور= مرحبابك عد كتب القلم والمطبعه
أنت يابن دشيل ياجعل تسلم من الشرور=سمعتك في راس رجم صعيبٍ مطلعه
في وصولك مالنا عذر لو قلت معذور=وان عصانا الوقت من شانكم بنطوّعه
لدعاني مطلق جيت له وانا فخور=اتشرف واتجه صوب حفله وسنعه
واحمد الله يوم ربعي على وصف الصقور=الحرار اللي على الهد غير مبرقعه
نكسب الناموس ولنا معاء الاشوار شور=يقتدي بالشوارنا اللي شويرة ضيعه
موقف عند ابن برمان من ماضي العصور=بالوفاء والمرجله والحلول المقنعه
افتخر يوم امدح اللي على الطيب مخبور=واترك اللي لي نخيته غداء له معمعه
وعارف ان الرابح صدق ماقال زور=وراعي النمات والكذب مايمشي معه
وقتنا لو نعتبر من سنينه والشهور=اتعضنا من مرورة علينا مسرعه
يالله انك تغفر الذنب وتيسر الامور=الامور اللي وراها لعبدك منفعه
في الختام اقدم الشكر لله الشكور=العظيم اللي لمن راد منعه يمنعه [/poem]

وسلامتكم.

،



«لا إله إلا الله محمد رسول الله»



،