ال عائذ تحذير وتنبيه

السلام عليكم ورحمة الله وبركاته

يالربع هالموضوع اخذ اكبر من حجمه ..

انا متصفح دائماً للمنتدى ..

اذا كان فيه عوائل حطوها بالاسم ..

فيه ناس من عائذ قحطان لهم نسب ودم في شيوخ السحمه من قحطان ..

ومعروفين عندي ..

ياليت تذكرون العوائل بدون هالالغاز ماندري من تقصدون من عوائل آل عايذ ..


تحياتي لكم

والسلام عليكم ورحمة الله وبركاتة

والله انني لن ادلوا بدلوي في هذا الموضوع مع العلم انه يوجد لدي الكثير والكثير من الحجج والبراهين

الموثقة ضد (؟؟؟؟) ولكن ردي الوحيد أقول لكم ( دعوها فانها منته)

ان اكرمك عند الله اتقاكم انا تابعت تقريبا اثنى عشر او ثلاث عشر رد لم يشفي ما في صدري ايا منها

انا المتحدث قحطاني وعريب الجد والخال وابن شيوخ والعز بالله ولكن هل القحطاني نازل من السماء

ياناس خافوا الله سبحانة ولينظر الانسان ما خطت يمينة فوالله انه محاسب علي ما كتب خيرا او شرا

ويقول الله سبحانة وتعالى ( ولاتنابزوا بالالقاب بئس الاسم الفسوق بعد الايمان)

قال ويش قال فيه ناس ينتسبون لفخذ من قبيلة من عبيدة من قحطان

خلهم ينتسبون لية انتم ملائكة مقربين

اقل شي تسويه اذا جاك مثل هذة النوعية وانت شاك انه من الملائكة من امثالك فلا تزوجة وبس وانتهت المشكلة

لكن تروح تفضح بالناس في المنتديات وترا كلامك محسوب عليك

اختصر الكلام ما قل ودل وعندي الكثير للرد على مثل هذة النعرات القبلية لا وفية بعض الاخوان يشجعونه

بيض الله وجهك بيض الله وجهه على ايش على انه افترى على الخلق وشهر في العائلات

بيض الله وجه من حفظ لسانة وترك الخوض في اعراض الناس

( مشكلتي الوحيدة انني لا اخاف في الله لومة لائم ) وهذا ما يجعل المشرفين دائما يرسلون لس انذارات


اخوكم / محمد بن عبدالله مصبح

اخوي محمد عبدالله مصبح ماادري وش تبي توصل له بالضبط او تبي تقوله بس اذا سالفة ان اي احد يبي ينتسب لقحطان وهو من خارج قحطان وتبينا نرضى فلا والله بعيده على شواربك وشوارب اللي وده بكذا

ترى مازالت الطيور تحوم على قبور اجدادنا اللذين ضحو بكل شي حتى بارواحهم في سبيل الله وكلمة الحق تحت مظلة قبيلة قحطان ورفع اسم هذه القبيله

اجدادنا هم من رفض ان يسكن معهم المستشرقين اللذين لم يتركو قبيله الا وسكنو معها حبا في الله ولله

اجدادنا هم من رفضو ان ينضم في نسبهم من تحرر من المتحررين الى وقت قريب

واليوم يجون يبون ينتسبون لنا ؟؟؟؟؟؟؟

لا ياخوك

وفي الاخير اقول اللي بينتسب منهم بحيله او غير ذلك انشالله اننا لن نعترف فيهم ابدا

__________________

ولد_الشايب


الظاهر من كلامك أنت من النوع اللي يعتقد ان مافيه قحطاني غيره هو وأبوه وجماعته والباقين صناع أو عبيد ...!


ياعمي قحطان يبي له اقل شي الف رجال ويالله يجيبون العلم ..


ترى قحطان كبيره وعوائلها أكبر وأكثر ..


فمن بيقدر يحصيها أو يجمها ..


من سابع المستحيلات طبعاً ..



وكلكم كفووو ومليووون نعم لكن لا تنقصون من حقوق الناس دون علم ..


اللي عنده حجج وبراهين وكاد يحطها والله لا يهينه ..


كثر الهرج نقص فالعقل ..


وخير الكلام ماقل ودل ..


تحياتي لكم ..

السلام عليكم

بغيت اسئلكم عن ال عكيل هل هم من قحطان ؟

ووش فخذهم؟؟

و الله مدري وش تقصد يا محمد بن عبدالله مصبح

لكن على كل حال ترى الموضوع اخذ اكبر من حجمة وانا من بداية ما اثير هذا الموضوع وانا اسال عن إلي تتكلمون عن وكل ما سالت واستفسرة عن عوائل قبيلة عائذ ماشاء الله كلهم لهم تاريخ ومعروفين ولا فيهم شك ابد


لكن قيل لي ان فية عائلة وحدة < ولا ودي اذكرها بسبب مايملكون من اثباتات على كلامهم> معرفة بإنها من خط 110 بين الناس ولكنهم في الماضي القريب كتبوا في بطاقاتهم الشخصية فلان بن فلان ال عائذ القحطاني.


على كل حال الموضوع متشابك جدا واستغرب اثارة بهذا الشكل وكأن انتساب هذه الاسرة سيقضي على هيبة هذه القبيلة

انا هنا لا اقلل من اهمية التدقيق في هذا الشأن بل اطالب بقوة بأن يخصص شرط وجود ورقة مختوم عليها من شيخ القبيلة <اين كانت القبيلة> عند طلب اي شخص اضافة اسم قبيلة الى اسمه .



اذكر مثالا واقعيا حدث في البلد الذي اعيش فية وهو ان عائلة سكنت في تلك المحافظة على انهم <لن اذكر اسم العائلة>من قبيلة عنزة وهو مدون في بطافة الاحوال ثم ما لبثوا ان عدلوا من العنزي الى القحطاني < لم يدعوا انهم من عايذ بل كانوا يكتبون فلان بن فلان ال .......... القحطاني> وبعد مدة طويلة هاهم ينسبون انفسهم الى تميم وهم الان من المتعصبين الى قبيلتهم الحالية تميم.

ولاتعليق

الموضوع خطير جدا وممكن ياخذ ابعاد ثانيه وخطيره لذلك ياشباب اركدو شوي


واطلب من كاتب الموضوع يوضح كلامه لانه بيجر الموقع لمنحدر خطير


وممكن القضيه تكبر


لذلك لازم يحل الموضوع بأسرع وقت