فيصل الرياحي (وقصيده امام الملك عبدالله في الطائف)

هذه قصيدة للشاعر الكبير فيصل بن منصور الرياحي البقمي في إحتفال أهالي الطائف بمناسبة زيارة خادم الحرمين الشريفين
الملك عبد الله بن عبد العزيز أيده الله لمحافظة الطائف يوم السبت 26-6-1426هـ

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]


البدايه بإسـم رب الخلايـق ذوالجـلال=قبل ترتيـب القصيـده ورسـم أبياتهـا
يالله إنـي طالبـك فالسمـان وفالجـزال=شـردٍ يتعـب لهـا مـن يبـا جزلاتهـا
إعتلابي هاجسـي فالمراقيـب الطـوال=كن صوتي يوم أنادي يجيـب أصواتهـا
وإستهلت مزنة الشعر بالعـذب الـزلال=أمطرت في ساعةٍ أفضل وأعـز أوقاتهـا
والله مايمدينـي أقـول للغايـب تـعـال=جت تسابق كنها الخيـل فـي ركضاتهـا
من مشاعر شاعرٍ كـل ماجالـه مجـال=صب عذبـات الفرايـد علـى عذباتهـا
ياملكنـا مرحبـا عـد همـال الخـيـال=مـن مطـر وسميـة سبلـت عبراتهـا
مرحبـا ترحيبـةٍ بالمحبـه والكـمـال=تعزف الفرحه ونرقـص علـى نغماتهـا
من وطن عبد العزيز الموحـد بالنضـال=والكتـاب وسنـة المصطفـى ورواتهـا
العظيـم اللـي بـدأ بالمهمـات الثقـال=وحـد أركـان الجزيـره ولـم شتاتهـا
ومن هل الطائف رجال الوفاء في كل حال=مـن قلـوبٍ بيـض ماتختلـف نياتهـا
ومن بساتين المصيف ونفانيـف الجبـال=من ورود الطائف ومن عطـر نفحاتهـا
صاغها عبد المجيد الذي بالطيـب نـال=الثقه وأطيب صنـوف الرجـال ثقاتهـا
وقالها إبن معمر وكل هذا الجمـع قـال=والأهالـي كلهـم حضرهـا وبداتـهـا
مرحبا يامن سكـن فالقلـوب ولا تـزال=القلوب تـردد إسمـك علـى نبضاتهـا
حي ذالطله وحي الشنـب حـي العقـال=ضيغمٍ تخضع لك الأسـد فـي غاباتهـا
يازعيم الشرق الأوسط يا زيزوم الرجـال=قائـد الأمـه والأول عـلـى قاداتـهـا
صقرنا صقر العروبه وجمّـال الجمـال=الـدول ترجـع إليـه ويحـل أزماتهـا
مامثـل عبـد الله ولامثـل فعلـه مثـال=تضرب الأمثـال وتعـود لـه حسناتهـا
بالتواضع والكـرم والوفـاء والأعتـدال=والتـفـرد بــال***** وتعقيداتـهـا
صوته الواضح يعزل الحرام من الحـلال=ليابطش بأهل الهقـاوي غـدت هقواتهـا
هذا عبـد الله لياقـال مـال أحـدٍ مقـال=كلمتـه عيـن الحقيقـه وصـك إثباتهـا
يابو متعب شوفتك بين شعبك رأس مـال=ولا ذهب كـل المصـارف ودولاراتهـا
حبك الشعب السعـودي وحبيتـه وطـال=رأسـك وروسٍ تحقـق لهـا رغباتـهـا
كـل يـومٍ للمحبيـن موعـد وإحتفـال=والمحبـه بالوفـاء رفرفـت راياتـهـا
غرب شرق وفي جنوب الجزيره والشمال=إحتفـالات وتراحيـب فــي حزاتـهـا
بالولاء والحب والهيل من صفر الـدلال=أمـةٍ مـا غشـة العولـمـه عاداتـهـا
بالتلاحـم بيننـا والتلاقـي والـوصـال=مـن جمـوعٍ للملـك جـددت بيعاتهـا
وبايعت سلطان سلطان محمود الخصـال=فـارس الهيجـاء ليـا سيـرو حملاتهـا
ياولـي العهـد ياسيفنـا عنـد الـنـزال=رأيـك النافـذ لاعـم الرجـال سكاتهـا
ليا غدا وجه القضيه على كـل إحتمـال=فكر أبو خالد يسيطـر علـى صعباتهـا
وإسم أبو خالـد يكفـي لتحقيـق الآمـال=كم عيـونٍ مـد يـده ومسـح دمعاتهـا
بالكرم يحمل على كفه المـاء والظـلال=كـم كبـودٍ بلهـا وانتـهـت شداتـهـا
لياهدر هداج تيما علـى البيـداء وسـال=نبت عشبه وإنتشر فـي جميـع جهاتهـا
قايد أبطـال الجزيـره شغاميـم العيـال=الأسـود اللـي تشـوق النظـر هداتهـا
عسكر الإسـلام ببـدال وبـدون البـدال=كلنـا عسكـر بلدنـا ومـن فدواتـهـا
مملكتنـا قلـب الإسـلام مافيهـا جـدال=يشهـد العالـم وتشهـد لهـا وقفاتـهـا
من يقول القلب مثل الريئـه ولاّ الطحـال=مايفـرق فالثوانـي وفــي ساعاتـهـا
مملكتنا دولـة الشـرع والحكـم العـدال=من كتـاب الله خـذت كـل تشريعاتهـا
ما تزعزعها يديـن الجريمـه والظـلال=ماربح من عق فأمـه عقـب رضعاتهـا
يعقبـون مضيعيـن العقـول أول وتـال=لين راحو تحت الأقـدام فـي دوساتهـا
يالسعودي جنب أهل الجهل واهل الخبـال=خل غربـان الخرايـب علـى عقباتهـا
كل حرٍ تربطـه مـن حبـال الله حبـال=مايطيـع أهـل الدعايـات ودعاياتـهـا
دارنـا ماهيـب دار المهـازل والهـزال=طاهره مايقرب النجـس مـن ساحاتهـا
ولاتمشوا فـي ثراهـا جنـود الإحتـلال=الحـدود محصنـه والرجـال حماتـهـا
ولاتقسـم شعبهـا والعلـم ماقـط مـال=والجيوش الغاشمـه ماوطـت حرماتهـا
فضـل تهليلـة محمـد وتكبيـرة بـلال=الله ليـا عـز قـومٍ رفــع هاماتـهـا
نحمـد الله نرفـع أكفنـا إليـه إبتهـال=يحفـظ بـلاد الحرمـيـن وقياداتـهـا
الوطن في خير والناس في راحات بـال=والرواتـب يصـدر الأمـر بزياداتـهـا
نعمةٍ كبـرى ، ولا فالمنـاوي والخيـال=يطرخ الشعب السعـودي علـى لذاتهـا
يالله إنـك لا تبـدل لذالنعـمـه بــدال=وأحفـظ بـلاد الحرميـن وقاياداتـهـا [/poem]

__________________

السلام عليكم ورحمة الله وبركاته


الله الله صح لسانك ولسان الشاعر فيصل الرياحي ويستاهل أبو متعب كل خير

أبو فيصل

دايم علومك جزله ومواضيعك مميزه بيض الله وجهك ياكحيلان
ولا قصرت على سرعة إضافة القصيده في مجالس قحطان


صح لساااااااان أبو بدر عزالله أن آهل الطائف عرفو من يرشحون الشاعر اللي بيلقي القصيده على خادم الحرمين الشرفين

جزل ومن كبار شعراء الخليج



تحياتي للجميع

__________________



ممصمنا المبدع
تركي العلياني
ألف شكر لك

ارررحب يامقعد الغامدي والله يحييك

لاهنت علي المرور الكريم

دمت بكل الود

__________________

الاخ علي شكراً لك على المتابعه والنقل
في الحقيقه مثل ما قال الاخ عرفو من يختارون شاعر عانق المجد والمعنى و الاسلوب
انفرد عن جميع الشعراء بأسلوبه ومعناه رائع في المنظر محافظ على الواجب
قلد ألاماره فاصبح كفون لها أبوبدر سمعة له الكثير من قصائده النظم فحاز على أعجاب الجميع
نتمنى له التوفيق
ونشكرك أيضاً أبا فيصل ونرى أنشاء الله فيصل كفيصل الرياحي في منصات المجد رافع الرأس
الشكر موصول للجميع

صح لسان الشاعر ولا هنت يالغالي

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

فيصل الرياحي شاعر اكن له كل تقدير واحترام

شاعر اقف احترام له وللشعره

شاعر الالفيه شاعر محاوره يعجزون الشعراء الوصول الي مستواه

ابوبدر في غني عن كلامي ولكن هذا ماقدر اقوله عن الرياحي

بيض الله وجهك يابوفيصل علي نقل هذا الملحمه للرياحي

واذا عندك له قصايد له اخري امتعنا بها يالغالي

السلام عليكم ورحمة الله وبركاته

صح الله لسان الشاعر فيصل الرياحي

وحت والله يمناك


على نقلها

تقبل وافر الاحترام

__________________
00000000

ابن غفره اررررررررررررررررحب والله يحييك اسعدني مرورك وشرفني حضورك

جعلك سالم وغانم وماعليك زود يابومحمد وافي من وافييين

__________________

السلام عليكم ورحمة الله وبركاته

يستاهل ابو متعب

وفيصل الرياحي شاعر غني عن التعريف

وهو الشاعر الذي جاب قصيده من 1000 بيت