الله على الجمس يامحلى ترزامه

هذي قصيده للشيخ سليمان السالم ابن عويد ال عرهب المسارده



الله على الجمـــس يامحلــى ترزّامـــه * لا ما عـــــطا الخـــــط ديرتنا يقرّبــــها

يسرح من العاصــمه يوم اذن العامــه * والعصــــر ضلعـــــان تثليث معّقبــــها

يلقـــى التراحيب والكيفــات قدامـــه * يامسعــــد العين لاشــافت حبايــــبها

ملفــاه ابن عرهب في منزل(ن) قامه * فــي القــــنة اللي عذيات مشاربــــها

عقيد ربع(ن) نهـــار الهـــوش عّزامــه * نّطاحة القــــــوم حمّاية ركايبــــــــهـا

مضرابهـــم للعدو في الخشم والهامه * ماتذخـــــر النفس لامــــن بان واجــبها

ذبّاحــــــة الحيل للعـــــدوان لّطامـــه * والكــذب والغــــدر مايقرب شــواربها

يشهـــد لهم نجــــد والتاريخ واعلامه * يوم القــبايل تّعوش مـــــن نهايبهـــــا

واليوم في حكمة ابن سعود واسلامه * وكل(ن) خذا شيخة(ن) ماهوب صاحبها

(العامه مؤذن في مدينة الرياض قديماً)

والله ونعم بربعنا مليووووووووووون


وصح الله السان الشاعر


لاهنت على نقل المشاركه لنا


وتشرفنا بنظمامك لهذا الصرح الشامخ يا القرم

__________________

ماعليك زود ولاهنت على المرور وانا تشرفت بكم اكثر

ونعم بصبيان المساردة وقد قالها المرحوم حمد بن هادي المسردي في الجمس

راكب اللي يقرب البعد لا منه زــما **** جمس شكمانين توه من أمريكا ورد

كن حس بلوفه مناقشة حزب علما **** يدرسون محاضراتن بجلسات جدد

فزته لا فــز كنه بيصعد للســــما **** مثل حرن مطلاقتن سبوقه للهدد

كن حس شكمانه رمي لكن من رمى**** فزه المطفوق وأخطاه وأرتاع وشرد

لا عطى حزم الجلد يركز عجه كما **** كنــف غر مرزما في مقاديمه برد

الفطور شريق مابين شقرا وضرما **** والغدا في حزم جاش بلا سابق وعد

و إعذرونا إن كان فيه أخطاء ولا قصووووور

ابن عرهب ونعم فيك وصح للسسانك وللسان شاعرها بارك الله فيك

صبي ال جرو ماعليك زود ولاهنت على القصيده وافي ولاحصل منك قصور ولاهنت على مرورك ...ناصر الخبر ماعليك زود وصح بدنك ولاهنت على مرورك

للمعلوميه الشاعر مازال على قيد الحياه لان البعض يحسبه متوفي