يوم ضاق البال والفكر يطري له جديد

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله اكبر واذكر اللي مايخلف في الوعيد=وابتدي بالبسمله بسم رحمن رحيم
واسع الرحمه بعفوه وله باس شديد=والله يهدينا سواء الصراط المستقيم
واستمد النور من محكم الحق المجيد=حسبنا المولا ونعم الوكيل المستديم
مالنا مفر مالموت واقدار العبيد=لاتقدم لاتأخر ويعلمها العليم
الأمل طويل والموت في حبل الوريد=مالنا مالجا ولا مالتجا الا بالكريم
حكمة الخالق بخلقه ويفعل مايريد=والحياة الفانيه كل مافيها حطيم
ياقصيدي دلهم الليل والهقوه بعيد=واجتمع شمل الهواجيس في ليل عتيم
الحزن والهم والليل زاد الكيد كيد=واشعلت في خاطري نار في قش هشيم
واسترديت النفس من بعد جهد جهيد=والصبر فيه الف خيره ولا يغضب حليم
يوم ضاق البال والفكر يطري له جديد=درهمي يابيوت شعري لما هب النسيم
من هجوس من خيار المعاني له رصيد=ظامي بالحيل ويعانقه ودان غيم
موهبة شاعر من اهل المعرفه يستفيد=ياخذ العبره من الوقت والعقل الحكيم
القصايد راس ماله وفي الدنيا زهيد=في هوا دنياه ماطاوع ابليس الرجيم
بالقدر راضي ولا قلت انا حظي نكيد=يكفي ان جسمي سليم وحضن عقل سليم
يابلادي خيم الحزن والهم الأكيد=والوطن والشعب كله نعا موت الزعيم
حزن الشعب السعودي وهمه في مزيد=على فهد وجعل مثواه جنات النعيم
جعل منزلته معا خير خلقه والشهيد=جاره الله من عذابه ومن نار الجحيم
يالله هون روعة الشعب واغفر للفقيد=واغفر ذنوبه يامحيي العظام وهي رميم
كيف ننسا راعي الطيب والراي الرشيد=حب ابو فيصل مايفنا ويبقا في الصميم
للوفاء والطيب مبدا وبفعاله نشيد=الفهد فيه التواضع وله وصف عديم
شامخ مجده ومن طيب طبعه نستفيد=مانسينا طيب ذكره ومقداره حشيم
والله انه يستحق اللوفا والله شهيد=جعل فكر ماذكر طيب المبدا عقيم
والحقايق خير برهان والهرج الوكيد=واضح والصدق له نور والكذب الذميم
كم جبر عثرة عزيز وحظن طفل سعيد=كم وسع قلبه حنان ومسح دمعة يتيم
كم عطا كم عان كم مد من كف مديد=كم نصر بالعدل مظلوم لظالم خصيم
كم رسم بسمة سعاده وله وطبع فريد=كم قضا حاجة فقير شكا مالوقت ظيم
كم عجوز عن ظناها بعفوه حل قيد=فرج همومه ودله على الدرب القويم
خاتمتها خير الاذكار ذكرك ياحميد=والثنا والشكر والحمد لله العظيم[/poem]


سعيد ابوديه