مساجلة موفق وماجد

مساجلة (دنياك يا ماجد) موفق الشليخي و ماجد بن شارع العاصمي



ســلام يامـاجـد عــدد مــن هـــو أحـــرم
وطـاف بحـرم مكـة وصلـى مـع الـنـاس

دنـيــاك يـامـاجـد بـهــا كـــم مـــع كــــم
دنـيــا تـقـلــب مـاعـرفـنـا لــهــا قــيــاس

أحــد ٍ تجيـلـه طـــوع لـــو مـــا تـكـلـم
وأحد ٍ يذوق المر كـاس ٍ ورى كـاس

دروس بـالـدنــيــا ومــنــهـــا انـتــعــلــم
وفيـهـا نـشـوف عـلـوم وتشـيـب الــراس

واحــد ٍ مايفـهـم واحـــد فـيـهـا ويـفـهـم
وانت تعرف صافي الذهب مايجي نحاس

والـشـعـر يـابــن الـعــم يـبـغـي مـنـضـم
ينضـم قـوافـي الشـعـر لاجــاه هـوجـاس

والشـعـر فـتــل ونـقــض يـبـغـي مـعـلـم
يغـوص فـي بـحـوره ويخـتـار الالـمـاس

مـاهـوب مـثــل الـلــي يـجـيـب ويلـمـلـم
وإن جـاب لـه بيتيـن يـدوخ بـهـا الـنـاس


(( مــــــــــــــــوفــــــــــــــــق الــــــشــــــلــــــيـــــــخـــــــي ))


يامرحـبـا بــك عــد مـــن تـــاب واسـلــم
واعـداد مـن يشكـي مـن الضيـم واليـاس

جتـنـي بيـوتـك كنـهـا تـقــول لـــي ســـم
وتـرى الشليـخـي ينتـظـر دق الاجــراس

وجمعـت هاجـوس الشعـر وسـط مـرسـم
وتلافـت بـيـوت ٍ بـهـا ذوق واحـسـاس

يسمـع لهـا الاصـقـه وينـطـق بـهـا ابـكـم
ويـحـيـر فـيـهـا كـــل نــاقــد وعــســاس

وإن كـان يابـن الـعـم تشـكـي مــن الـهـم
ومـن العلـوم اللـي بهـا ضـيـق وعـمـاس

بتبـطـي وجـرحـك ماتـشـافـى ولا الـتــم
والله خلـق فـي النـاس اصنـاف واجنـاس

والشعـر مـا كـل ٍ لـه أبــدع ولا أحـكـم
ولا كـل مـن طـب البحـر صـار غطـاس

والشـعـر بـعـض احـيـان يحـتـاج معـجـم
مــدام بـعـض الـنـاس للـشـعـر حـــواس


(( مــــــاجــــــد بـــــــــــــن شـــــــــــــارع العاصمي ))



منقول

والشـعـر بـعـض احـيـان يحـتـاج معـجـم
مــدام بـعـض الـنـاس للـشـعـر حـــواس



ارحب ياماجد

وبيض الله وجهك على النقل الموفق

وصح لسانك ولسان الشليخي

صوت وصدى مميز ويحكي الواقع

ننتظر جديدكم وابداعاتكم

تقبل ودي وتقديري

__________________

يعطيك العافيه ياماجد

وموفق الشليخي شاعر جزل قابلت هذا الشخص رجل ذو اخلاق سمعت ان له دوواووين ومساجلات كثير مع قبايل حرب ومطير العزيزه وهو مظلوم اعلاميا

واعتقد انه لا يسعى لشهره ويتحفظ بما لديه هاكذا تكون الرجال وليس كل من له قصيدتين ازعجنا بظهوره الاعلامي

يعطيك ربي العافية واعجبتني بقولك منقوله

الله لايهينكم جميع

سعيد الزهيري هههههههههه انا كتبت منقوله علشان اخوي موفق منسقها اما انا ماعرف التنسيق

فيك الخير والبركة وبيض الله وجهك غيرك نسب الشعر له وماهو له

ارحب ياماجد

وبيض الله وجهك على النقل الطيب

وصح لسانك ولسان الشليخي
وننتظر جديدكم .

أخوك ذيــب نجــــــــــــــــــــــد

الشاعر ماجد العاصمي و الشاعر موفق الشليخي



بيّض الله وجيهكم بياض الشحم ، على المساجله الطيّبه



وصراحه قصايد مليانه

الله الله

صح الله لسانك موفق

و صح الله لسانك يا ماجد

قصيدتين رائعة

بيض الله وجيهكم

و في انتظار المزيد منكم



أخوك
مبارك بن حاضر

__________________

صح السان الشاعرين
ودائمآ مبدعين كما أعتدنا منهم